Ихтилат, гьуьрметлу кIелзавайбур, чна туьквенрай къачузвай жуьреба-жуьре недай-хъвадай затIар (жемар, повидлояр, салан майвайрин ва емишрин компотар, ширеяр…) авай банкайрикай, минеральный ятарин бутылкайрикай — шуьшедин къапарикай физва. Виринра, иллаки шегьердин чкайра, агьалийриз ичIи банкаяр (иллаки зур килодин ва 600 граммдин), къапар, минеральный ятарин бутылкаяр гьиниздатIа чизвач. Абур  варцаралдини йисаралди кIвалера амукьзава… Виридан хьиз, зи рикIелни лап...

“Лезги газетдин” редакциядин почтадиз са тIимил вахт идалай вилик агъадихъ галай манадин чар атана. “Зун гьамиша “Лезги газет” кхьизвай ва кIелзавай инсан я. Амма газетрин чинрай эхиримжи вахтара чаз критикадинни арзайрин макъалаяр тIи­мил аквазва. Чидач, инсанрин кIвала­хар вири туькI­вен­ва­тIани, “чIемяй ятIа­ни”, тахьайтIа, кхьинрикай хийир авач, кIвалахар, гьикI хьайитIа­ни, чпиз кIани­вал ийидайвал я лугьузва­тIани. Гзаф вахтара...

И йикъара Махачкъалада сагъламвилин мумкинвилер сергьятламишнавай ксар — инвалидар патал лишанлу вакъиа кьиле фена. Имам Шамилан тIварунихъ галай проспектда, 22 “б”-нумрадин дараматда, “Время пе­ремен” тIвар алай яшайишдин кафе ачухна­. Анин кьетIенвал адакай ибарат я хьи, ина зегьмет чIугвазвайбур инвалидар — сагъламвилин мумкинвилер сергьятламишнавай ксар я. Идалайни гъейри, ина, саки 200 квадратный метр майдан авай залда,...

Алай йисан 3-апрелдиз къурушвийрив саки 60 йисуз аптекарвиле кIвалахай Россиядин фармацевтрин илимрин обще­ст­­водин член, кьилин дережа авай провизор-тешкилатчи Зейнал Авчиевич Мамедов кечмиш хьана лагьай чIулав хабар агакьна. З.А.Мамедов 1936-йисан      10-августдиз Ахцегь райондин Игъир­рин хуьре дуьньядал атана. Ада сифтегьан 3 класс хайи хуьре, 6-класс Ахцегьа, 7-класс ЦIийи Къурушдал куьтягьна. Гуь­гъуьнлай ам Махачкъаладин мед­училищедин фармацевтический отделенидик экечI­на....

Республикадин кьил В. Васильеван Чарче къалурнавай тапшуругъар умуьрдиз кечирмишунин сергьятра аваз, къе, 13-апрелдиз, Кьурагь районда гегьенш субботник кьиле фена. Идакай «Лезги газетдиз» райадминистрациядин пресс-къуллугъди хабар гузва. Серенжемдин вахтунда саларинни никIерин сергьятар, идарайрин дараматрихъ галай гьаятар ва шегьре рекьин къерехрив гвай мулкар михьунин кIвалахар тешкилна. Субботникда райондин кьил Замир Азизова, РД-дин хуьруьн майишатдин ва недай суьрсетдин...

Мегьарамдхуьруьн райондин «Гъалибвал 70+4» штабдин волонтерри наркотикриз акси серенжемдин сергьятра аваз «Мегьарамдхуьруьн райондин жегьилар наркотикриз акси я» темадиз талукь буклетар пайна. Идакай «Лезги газетдиз» райондин администрациядин пресс-къуллугъди хабар гана. Райондин кьил, наркотикриз акси комиссиядин председатель Ф. Агьмедов волонтеррихъ галаз гуьруьшмиш хьана. Ада жегьилри наркотикриз аксивалунин мярекатра активнидаказ иштиракунин важиблувиликай лагьана. Бейгьушдин таъсирдик акатай инсанрин уьмуьр...

Ахцегь райондин “ЦIийи дуьнья” газетдин алатай йисан 52-нумрада Хкемрин хуьруьз фидай­ муькъуьн винел алай тахтаяр ханвайдакай ва и месэла энгелвал авачиз гьялна кIанзавайдакай макъала чапнай. Ингье алай йисан феврал­дин вацра гьарайдиз гьай лугьудай мергьяматлу инса­нар­ пайда хьана. Муьгъ ремонтна, къайдадиз хкун патал эцигунардай материалар маса гузвай Жавид Ашуралиева вичин патай тахтаяр ва ге­рек маса шейэр...

Газетдин 10-нумрадин 8-чина, “Эхир эцигун тIалабзава” кьил гана Рустамов Гьажибубади Мегьарамдхуьруьн райондин газдин идарада авай татугайвилерикай кхьенвай макъала чапнава. РД-дин лайихлу экономист Гьажибуба Шихмурадович гьахъ я. Мегьа­рамдхуьруьн районда авай управленидай газ ишлемишзавай абонентрал­ кьадарсуз ва гьахъсуз буржар илитIзавай дуьшуьшар садни кьвед туш. Мисал яз, и йикъара зун таниш хьайи Несрединов лугьудай са рай­­он­эгьлидихъ галаз хьайи...

Къейд. Малик Межидович Газалиев 1963-йисуз къадим тарих авай, алимрин макан Ахцегь райондин Хуь­руьгрин хуьре муаллимдин хизанда дидедиз хьана. 1986-йисуз Да­гъус­тан­дин хуьруьн майишатдин институтдин экономический факультет яру дипломдалди куьтягьай жегьил пешекар Калужский областдин Барятинский райондин “Добровский” совхоздиз кьилин экономиствиле ра­къур­на. Вичин кIва­лахдин рекьяй къа­занмишай агалкьунрай, кьве йисни арадай тефенмаз, 1988-йисуз Малик Межидович гьа и райондин “Фоминский”...

Гьуьрметлу “Лезги газетдин” редакция! Квез кагъаз кхьизвайбур Ахцегь райондин Луткунрин хуьруьн агьа­лияр я. 2018-йисан 15-ноябрдиз акъатай “Лезги газетдин” 46-нумрадин 6-чина Алибегова Бикехалуман “Гъилик — бере­кат, кIва­че­рик — гьере­кат” макъала ганва ва Ахцегь рай­ондин Ка­лукрин хуьряй тир Аб­ду­се­ли­мов Абдуселиман бегьем тарифарнава. Ма­къала вири чаз, луткун­вийриз, талукь туш, амма чи, луткунвийрин, кIвале­риз А.Абдусели­мова газ гъана, чун шадарнава...