Пенсия — картадиз Пенсия туькIуьрун патал арза вугудайла, гьар са касдивай вичив пенсия агакьардай тегьер хкягъиз жезва. Пенсия къачунин жигьетдай жуьреба-жуьре тегьерар­ ава, амма пенсионерри гзафни-гзаф банкунин картадиз ракъурунин къайда хкязава. Гьелбетда, гьар са пенсионерди вичиз къулай тегьер гьим ятIа, гьам тайи­нарзава. Пенсия картадиз агакьаруникди пенсионер нубатра­ акъвазуникай ва я, кIвализ хкана, пенсия гудалди вил...

Хиве кьуна Избербашдин агьалидал автомобилрин ягъ чуьнуьхунай шак физва. Къейдзавайвал, алай йисан 1-дека­бр­диз шегьердин полициядин отделдиз автосервисда товароведвиле кIвалахзавай дишегьлиди малумат агакьарна. Идакай  РД-дин МВД-дин пресс-къуллугъди­ хабар гузва. Автосервисдин къуллугъчидин гафаралди, алай йисан октябрдилай инихъ малум тушир кас складдиз гьахьна ва анай автомобилрин жуьреба-жуьре ягъар тухвана. Санлай къачурла, чуьнуьхнавай ягъарин умуми къимет 539340 манат я....

Накь чав туькьуьл хабар агакьна: хейлин йисара милли редакцияда зегьмет чIугур, ХХ асирдин 80-йисара лезги халкьдин тарих гьейранвалдай шикилралди кхьей, ватанэгьлийрин кьисметрин, крарин, агалкьунрин нетижа гуьзел къаматра тунвай итижлу архив арадал гъайи кас, бажарагълу фотожурналист Тажидин Мегьамедов  залан азардикди 83 йисан яшдаваз рагьметдиз фена. Т.Мегьамедов Кьасумхуьруьн райондин Вини СтIалрин хуьре 1940-йисуз дидедиз хьана. Сифтегьан школа...

«Лезги газетдин» 46-нумрада чна Донбассдин шегьерар, хуьрер, агьалияр хуьн патал РФ-дин Яракьлу Къуватри кьиле тухузвай военный серенжемда иштиракзавай ва «Жуьрэтлувилин» ордендиз лайихлу хьанвай взводдин командир, гвардиядин  лейтенант Исмаил Мегьамедовакай кхьенай. 1 – декабрдиз чи редакцияда ам республикадин СМИ-рин векилрихъ галаз гуьруьшмиш хьана «Лезги газетдин»  кьилин редактордин заместитель Куругъли Ферзалиева мугьмандикай куьруь малумат гайидалай гуьгъуьниз журналистринни...

2-декабрдиз Дербент шегьердин аялрин яратмишунрин кIвале, набутрин Международный йикъан сергьятра аваз, инвалид аялар патал мярекат кьиле фена. Ана иштиракай шегьердин кьил Рустамбег Пирмегьамедова къейд авурвал, мярекатда шад уьмуьр ва хъсанвал хуьзвай, руь­гьдин къуват авай, итижлудаказ ва хийир аваз яшамиш жез кIанзавай кьетIен аялар кIватI хьанвай. — Чи асул везифа, — лагьа­на ада, — кьетIен аялриз...

1980-йисар. Зи стхади Новосибирск шегьердин университетда математикадин факультетдин преподавателвиле кIвалахзавай. Адахъ са кафедрада Къуба патай аялзамаз етим хьайи Халил лу­гьудай лезги итимни галай. Детдомдай ам кьисметди Новосибирск шегьердиз акъудна. Къуллугъдин рекьяй ам еке де­режайрив  агакьна. Адакай шегьердин исполкомдин председатель хьана. Рагьметдиз фейидалай кьулухъ адан тIвар­цIихъ Новосибирскда са куьче яна, адаз гуьмбетни эцигна. Халил Халилов зурба...

Ахцегь райондин кьил Осман Магьмудович Абдулкеримов вичин хушуналди муниципалитетдин кьилин къуллугъдилай элячI­на. И кардихъ галаз алакъалу месэла Ахцегь­ райондин депутатрин Собранидин 6-декабр­диз кьиле фейи сессиядал веревирдна. РикIел хкин, Осман Абдулкеримов Ахцегь райондин кьиле 2014-йисуз акъвазнай. 2020-йисуз ам райондин депутатрин собранидин сессиядал мад сеферда и къуллугъдал хкя хъувунай. “Муниципалитетдин агьалийри ва республикадин руководстводи заз вири рекьерай...

Мукьвара Каспийск шегьерда 96 йисан яшда аваз бине Ахцегьай тир машгьур муаллим, государстводин ва жемиятдин деятель Айишат Садикьовна Мусанабиева рагьметдиз фена. А.С.Мусанабиевади саки 70 йисуз образованидин хиле зегьмет чIугуна. Ам Каспийск шегьердин 7-нумрадин юкьван мектебдин сад лагьай директор тир. Советрин девирда ада КПСС-дин Обкомда, окружкомда, горкомда, райкомда кIва­лахна, Махачкъаладин, Каспийскдин, Ахцегьрин депутатрин советрин депутат хьана....

4-декабрдиз 93 йисан яшда аваз сиясатдин, государстводин машгьур деятель, Дагъустандин Государстводин Советдин Гьуьрметлу Председатель, РФ-дин Зегьметдин Игит Мегьамедали Мегьамедович Мегьамедов рагьметдиз фена. М.М.Мегьамедов 1930-йисуз Леваши хуьре дидедиз хьана. Дагъустандин муаллимар гьазурдай институт акьалтIа­райдалай кьулухъ ада сифте — муал­лим­, гуьгъуьнлай — директор, Леваши райондин халкьдин образованидин отделдин регьбер яз кIвалахнай. 1957-йисуз М.М.Мегьамедов Коминтерндин тIварунихъ галай колхоздин...

6-декабрдиз Дагъустандиз СКФО-да РФ-дин Президентдин Векил Юрий Чайка мугьман хьанвай. Махачкъаладин аэропортуна ам республикадин Гьукуматдин Председатель Абдулмуслим Абдулмуслимова кьабулна. “Лезги газетдиз” РД-дин Гьукуматдин пресс-къуллугъди хабар гайивал, сифте нубатда Ю.Чайкадини А.Абдулмуслимова Да­гъустан яшайишдинни экономикадин жигьет­дай вилик финин месэлаяр веревирдна. Гуьгъуьнлай абур республикадин меркезда князь Александр Невскийдин тIварунихъ галай килиса эцигзавай чкадал фена ва килисадин дараматдин къандахда...