4-декабрдиз 93 йисан яшда аваз сиясатдин, государстводин машгьур деятель, Дагъустандин Государстводин Советдин Гьуьрметлу Председатель, РФ-дин Зегьметдин Игит Мегьамедали Мегьамедович Мегьамедов рагьметдиз фена.
М.М.Мегьамедов 1930-йисуз Леваши хуьре дидедиз хьана. Дагъустандин муаллимар гьазурдай институт акьалтIарайдалай кьулухъ ада сифте — муаллим, гуьгъуьнлай — директор, Леваши райондин халкьдин образованидин отделдин регьбер яз кIвалахнай. 1957-йисуз М.М.Мегьамедов Коминтерндин тIварунихъ галай колхоздин председателвиле тайинарна. И къуллугъди гуьгъуьнлай адаз сиясатдин алемдиз фидай рекьер ачухна.
1979-йисан январдилай ада ДАССР-дин Министррин Советдин Председателдин заместитель, 1983-йисан майдилай республикадин Министррин Советдин Председатель яз кIвалахна. 1994-йисан июлдилай М.М.Мегьамедов РД-дин Государстводин Советдин Председатель тир.
Дагъустандин вилик М.М.Мегьамедован лайихлувилер екебур я. Адаз гьам хайи республикада, гьамни вири уьлкведа еке гьуьрмет авай. Ам хьтин регьберар рекьизвач, гьикI лагьайтIа, халкьдин рикIера абурун тIварарал чан аламукьзава.
Мегьамедали Мегьамедович Мегьамедов рагьметдиз финихъ галаз алакъалу яз адан хизандиз, мукьва-кьилийриз башсагълугъвал гайибурун арада Меликов С.А., Аскендеров З.А., Абдулмуслимов А.М., Мегьамедов М.-С.Б., Гьасанов А.П., Левицкий Ю.А., Алиев Р.А., Мажонц М.Л., Омаров Н.М., Агьмедов С.С., Давдиев К.М., Абдулмуталибов Н.Ш., Жафаров Р.Ж., Къазиев М.Н., Телякавов М.П., Эминов З.Э., Мирошкин С.Д., Гъазимегьамедов Р.К., Дабишев Ш.М. ва масабур ава.
