И мукьвара ММА-дай кьиле фейи Санкт-Петербург шегьердин чемпионатда иштиракай чи ватанэгьли  Даир  Агацарскийди  93 килограммдин заланвал авайбурун арада 1-чка кьуна. И гъалибвилин нетижада адаз ММА-дай Россиядин чемпионатда иштиракдай мумкинвал хьана. Д.Агацарский 1996-йисуз Докъузпара райондин Мискискарин хуьре дидедиз хьана. 2015-йисуз ада Ростов ше­гьер­да мореходный училище куьтягьна. Алай вахтунда ада икьрардин бинедаллаз Кронштадт шегьерда ВМС-дин кьушунра къуллугъзава....

9-13-апрелдиз Астраханда, «ВикIегьвилин ордендин» сагьиб, чIехи сержант Ифрат Бурбаеван экуь къамат рикIел хкуниз талукьарна, жегьил спортсменрин арада боксдай Вирироссиядин турнир кьиле фена. Сулейман-Стальский райондин администрациядин пресс-къуллугъди «Лезги газетдиз» хабар гайивал, акъажунра Дагъустандай 12 командади, гьа жергедай яз КIварчагъа тренер Альберт Межидован регьбервилик кваз боксдал машгъул жаванрини иштиракна. ИкI, КIварчагъвийрин командадай Ислам Шикерхановани Джанбулат Къагьриманова 1-чкаяр...

Ахцегь райондин кьил Осман Абдулкеримов 2-нумрадин ДЮСШ-дин кIвалахдихъ галаз таниш хьана. Идакай «Лезги газетдиз» райадминистрациядин пресс-къуллугъди хабар гузва. Райондин кьили коллективдихъ ва спортдал машгъул аялрихъ галаз суьгьбетарна. ДЮСШ-дин директор Роман Ильясова Осман Абдулкеримоваз эцигунрин ва абадвилихъ тухунин рекьяй акьалтIарнавай кIвалахар къалурна. Аялрини райондин кьил хушвилелди кьабулна. Райондин регьберди кIвалах кьиле физвай гьалдикай, группайрикай, спортдал машгъул...

Дуьньяда машгьур лезги спортсмен Абдурагьман (Радик) Исаев и мукьвара таэквондодай кьиле фейи Ukraine Open международный турнирда гъалиб хьана. Идакай «Лезги газетдиз» «IezgiSport.com» чешмеди хабар гузва. Украинадин Харьков шегьерда кьиле фейи акъажунра Абдурагьман Исаева Азербайжандин спортсменрин жергеда аваз иштиракна. ИкI, идалай вилик олимпийский (2016), дуьньядин, Европадин ва Европадин къугъунрин чемпионвилин тIварар къазанмишнавай лезги спортсменди нубатдин къизилдин...

И йикъара Сулейман-Стальский райондин Курхуьруьн М.Рагьимован тIварунихъ галай 1-нумрадин мектебда, райондин 90 йисан юбилейдиз талукьарна, мектебра кIелзавайбурун арада кьезил атлетикадай турнир кьиле фена. Идакай «Лезги газетдиз» райадминистрациядин пресс-къуллугъди хабар гана. Спорт, кьезил атлетика ва сагълам уьмуьр жегьилрин арада машгьурунин макьсаддалди тешкилай мярекатда райондин ирид мектебдин командади иштиракна. Акъажунра аялри чпин викIегьвални зирингвал къалурна. Нетижада Курхуьруьн...

6-7-апрелдиз Московский областда спортдин шинкиокушинкай-каратэ жуьредай Тарасовский хуьруьн администрациядин кьилин кубок патал регионрин уртах турнир кьиле фена. Гьар йисуз кьиле тухузвай акъажунра цIи РФ-дин жуьреба-жуьре шегьеррайни регионрай 250 спортсменди чпин алакьунар къалурна. Кьурагь райондин администрациядин пресс-къуллугъди хабар гузвайвал, турнирдин кьилин тешкилатчи Кьурагь райондин «Кумух» клубда виликдай спортдал машгъул хьайи викIегь спортсмен, чIулав чIулунин сагьиб, каратэдай...

И мукьвара азаддаказ кьуршахар кьунай Азербайжандин Сержд шегьерда жегьил пагьливанрин международный турнир кьиле фена. Ана Ахцегьрин 2-нумрадин ДЮСШ-дин тренер, СССР-дин спортдин мастер Фейруз Садыхован гъилик вердишвилер къачузвай пагьливан Жабраил Гьажиевани (65 кг) сифте яз иш­тиракна. Пуд юкъуз давам хьайи къизгъин акъажунра, хъсан гьазурвал къалуруналди, ада 1-чка кьуналди, чемпионвилин тIвар къазанмишна. Чна пагьливандиз ва адан тренердиз...

И йикъара “Ахцагь” ФК-дин футболистар РД-да ЛФЛ-дин 13-турда къугъвазвай Гьабиб Нурмегьамедован командадихъ галаз гуьруьшмиш хьана. Къизгъиндаказ кьиле фейи акъажунра (тренер Камил Гьажиев) “Ахцагь” командади 5:2 гьисабдалди гъалибвал къазанмишна. И къугъуна 3 туп футболист Мегьамед Алишева яна. Къазанмишнавай агалкьуник командадин вратарь Тимур Агьмадован, тренер Камил Гьажиеван еке пайни ква. Алай йисуз чи футболистар РД-дин кIвенкIвечивилин 1-лигада...

Са шумуд югъ вилик райондин культурадин управленидин гуьзчивилик кваз Ахцегьа, А.Гъаниеван тIварунихъ галай ДЮСШ-дин майдандал спортдин милли жуьрейрай Яран сувариз талукьарнавай акъажунар кьиле фена. Ана Ахцегьрин, Хуьруьгрин, Луткунрин, Къурукаларин (гьайиф хьи, райондин амай хуьрерин командаяр авачир) хуьрерин командайри иштиракна. Къугъунрин кьилин судьявал Агъалар Асланова авуна. ИкI, путар (32кг+32кг) кьве гъилелди хкажунай 1-чкадиз Ра­дик Асаев (Ахцегь,...

5-7-апрелдиз Каспийскда, Али Алиеван тIварунихъ галай спортдин ва жегьилрин дворецда, Суракъат Асиятилов рикIел хкуниз бахшна, жаванрин арада грекринни римлуйрин жуьреда кьуршахар кьунай международный турнир кьиле фида. Ана Россиядин, Гуржистандин, Эрменистандин, Къазахстандин, Азербайжандин, Узбекистандин ва Белоруссиядин хкянавай командайри иштиракда. ­Да­гъустан вичин команда гваз экъечI­­да. Идакай 27-мартдиз “Да­гъустан” РИА-да хьайи пресс-конференциядал адан тешкилатчийри —  РД-дин физический культурадинни...