Сулейман-Стальский райондин Цмуррин хуьре Марат Шайдаеван такьатрихъ футболдин ва спортдин тадаракралди таъминарнавай аялар къугъвадай майданар туькIуьрнава. Идакай “Лезги газетдиз” муниципалитетдин администрациядин пресс-къуллугъди хабар гана.
Аялар къугъвадай майдан муаллимар патал эцигнавай кIвалин гьаятда ава. Чкадин агьалийри, иллаки аялри, и савкьат шадвилелди кьабулна.
Чкадин мектебдин гьаятда эцигнавай футболдин майдандин чиле тIебии тушир къацу рангунин махсус затI тунва. Вични элкъвена кьуд патахъай ракьун жугъундалди кIевнава. Адакай физкультурадин тарсара аялривай, спортдал машгъул жедай гьевес авай агьалийривай менфят къачуз жеда. Идалай гъейри, районда футболдай тешкилзавай акъажунарни ина кьиле тухудай мумкинвал ава.
Къейд ийин хьи, инаг мукьвара Сулейман-Стальский районда международный дережада аваз кьиле фейи жегьилрин образованидин форумдин иштиракчийрин рикI алай чкадиз элкъвена.
Цмуррин хуьруьн жемятди чпин баркаллу ватанэгьли Марат Шайдаеваз ихьтин къайгъударвиляй сагърай лугьузва. Гила чкадин жегьилриз ва аялриз азад вахт акъуддай вижевай чка хьанва.
«Лезги газет»
