И мукьвара Сулейман-Стальский райондин аялрин яратмишунрин кIвале “Зи хизанда сагълам уьмуьр кечирмишзавай къайда” лишандик кваз мектебрин сифте­гьан классра кIелзавай аялрин арада проектрин конкурс кьиле фена. Адан макьсад аялринни диде-бубайрин сагъламвал мягькемарун, хизанда сагълам уьмуьр кечирмишунал фикир желб авун тир. Проектдин автор ва “ИМЦ” (“Информационно-методический центр”) МКУ-дин кар алай (ведущий) пешекар Тамила Абдулмуталибовади къейд авурвал, конкурсди...

Какахьай единоборствойрай бягьсер тешкилунал машгъул тир спортдин тешкилатдин (UFC) кьил Дана Уайта мукьвара­ кьиле тухвай пресс-конференциядал Гьабиб Нурмегьамедова мад са бягьс кьиле тухун мумкин тирдакай инанмишвилелди лагьана. — Гьабиб бягьсиниз экъечIда. За фи­кирзавайвал, 30: 0 рекорд эцигунин мураддалди ам спортдивай гьелелиг къерех же­дач. Гьабиба допинг-тестар вахкузва. Эгер ­бягьсер кьиле тухузвачтIа, и кар вуч патал ийиз­ва?...

Хайи ерияр машгьурзавай ксарин жергедай тир Эльдар Мурадханович Рагьимханован ери-бине Ахцегь райондин Мичегьрин хуьряй я. Ам 1975-йисуз Авадан хуьре дидедиз хьана. Алай вахтунда ам вичин хизанни галаз Ханты-Мансийск ше­гьерда яшамиш жезва. Спортдин рекье адахъ еке агалкьунар ава… Чебни —  спортдин са шумуд жуьредай. Чаз малум хьайивал, Э.Рагьимханов армейский къайдада гъилералди кукIунай Приволжско-Уральский округдин чемпион, гъилералди...

Руслан Ашуралиеван — 70 йис Руслан  Ашуралиев  — Шарвилидин халис неве, лезгийрин кьисайрик квай хьтин бажарагълу пагьливан. Ам чин тийир­ кас Лезгистанда, Дагъустанда, гьакI дуьньядин спортдин алемдани бажагьат ава. Азаддиз кьуршахар кьунай 1972-йисуз Мюнхендин Олимпиадада буьруьнждин призёр, кьве сеферда (1974, 1975-йй.) дуьньядин чемпион, 5 сеферда дуьньядин Кубокдин сагьиб, 1972-йисуз дуьньядин чемпионатда гимишдин призёр, 1974-йисуз Европадин...

Чи ватандашри республикада ва адалай къецени намуслудаказ кIвалахун, идалди чпин хайи ерияр машгьурун, гьелбетда, рикIик шадвал кутадай, чи халкьдин руьгь хкажзавай крар я. Россиядин шегьерра спортдин рекьяй агалкьунар къазанмишзавай кьегьал рухвайрикай газетдин гьар са нумрада чна шад хабарар гузва. Ахьтин кьегьалар чIехи авурбурун, вердишарайбурун тIварцIихъни алхишарзава. Къенин макъала лагьайтIа, акьалтзавай несилдиз чешнелу тербия, спортдин рекье ...

Алай йисан 7 ва 8-ноябрдиз Москвада, Ирина Винер-Усмановадин тIварунихъ галай гимнастикадин Дворецда, кьуршахар кьунай международный турнир — Гран-При “Москва” акъажунар кьиле фена. Ам коронавирусдин тIугъвалдихъ галаз ала­къа­лу карантиндилай гуьгъуьниз кьуршахар кьунай Сад хьанвай алемдин (UWW) календардай кьиле тухванвай международный сад лагьай чIехи акъажунар я. Турнир Россиядин кьуршахар кьунай спортдин федерациядин сад лагьай президент Иван Ярыгинан...

Алай йисан 9-ноябрдиз Дербентдин мэр Хизри Абакарова (цIийи къуллугъдал тайи­нардалди вилик)  чи ватандаш машгьур спортсмен — Европадин чемпион Даурен  Куругълиеваз “Дербентдин девлет (достояние)” медаль гана. РикIел хкин: Дагъустандин Кьилин везифаяр вахтуналди тамамарзавай Сергей Меликов мукьвара Дербентдин общественностдихъ ва жегьилрихъ галаз гуьруьшмиш хьайи вахтунда ада са жерге агьа­­лийрив, гьа гьисабдай яз сиясатдин ва же­миятдин деятелрив, культурадин...

Алай йисан 20-31-октябрдиз  Сулей­ман-Стальский райондин Агъа СтIалрин хуьре МР-дин кьил Нариман Абдулмуталибован призар патал муниципалитетдин жуьреба-жуьре тешкилатра ва идарайра кIвалахза­вай ксарикай ибарат тир командайрин арада мини-футболдай турнир кьиле фена. Райондин спортдин, туризмдин ва жегьилрин крарин рекьяй комитетди тешкилнавай и серенжемдин макьсад районда футбол вилик тухун, бажарагълу спортсменар майдандиз акъудун тир. Алай йисуз турнирда 9 командади...

Мукьвара Кьурагьа, генерал Муьгьуьдин Къагьриманован экуь къамат рикIел хуьнин лишан яз, волейболдай 5-турнир кьиле тухвана. Алатай йисара хьиз, цIини ина райондин жуьреба-жуьре идарайра зегьмет чIугвазвай ва спортдин и жуьредал рикI алай ксарикай ибарат тир са шумуд командади иштиракна. Къизгъиндаказ кьиле фейи акъажунрин нетижада 1-чкадиз “РОВД” команда лайихлу хьана. Кьурагьрин 1-нумрадин СОШ-дин муаллимрин ва “Ветеранар” командайри ...

Октябрдин вацран эхирра Москвада ММА-дай кьиле фейи Россиядин чемпионатда Дагъустандин хкянавай командадик кваз иштиракай, вичин ери-бине Хив райондин ЧIилихъай тир  Фазлудин  Агьмадова  къизилдин медаль къазанмишна.  Гила адакай 3 сеферда Россиядин  чемпион хьанва. Алай вахтунда чи ватандашди Европадин чемпионатдиз гьазурвилер аквазва… РикIел хкин: Ф.Агьмадовахъ спортда хъсан нетижаяр икьван чIавалдини хьанай. Амма сифте ада панкратиондин, дзюдодин сирер...