7-майдин йифиз Америкадин Нью-Джерси штатда какахьай единоборствойрай кьиле фейи UFC 288 турнирда (дебютдин бягьсина) машгьур спортсмен, вичин ери-бине Кьасумхуьрелай тир Икрам Алискерова, америкави Фил Хоус сифте раундда­ нокаутдиз ракъуруналди, инанмишвилелди гъалибвал къазанмишна. Аферин! РикIел хкин: алатай йисан сентябрдиз Dana White’S Contender Series турнирда бразилви М.Сузадал кимура — гъилиз тIар­вал гудай къайда — ишлемишуналди гъалибвал къазанмишунай...

Са тIимил йикъар идалай вилик Мегьарамдхуьре кардик квай Республикадин VIII жуьредин махсус школа-интернатда чирвилер къачузвай аялри Гилийрин юкьван школада кIелзавайбурухъ галаз санал Россиядин махсус Спартакиададин сергьятра аваз, Санкт-Петербург шегьерда мини-футболдай кьиле фейи акъажунрин 3-дивизионда 3-чка кьуна. Спартакиадада чи уьлкведин 19 региондай тир 400-далай виниз жаванри (38 командадик кваз) мини-футболдай чпин алакьунар къалурна. Адан тешкилатчи РФ-дин...

Алатай гьафтеда Каспийскда, Али Алиеван тIварунихъ галай спортдин дворецда, грэпплингдай Дагъустандин чемпионат кьиле фена. Заланвилин 16 категориядай ана 300 спортсменди чпин устадвал ва алакьунар къалурна. Абурун арада чи ватанэгьлиярни авай. Кьилди къачуртIа, вичин ери-бине Ахцегь райондин Фиярин хуьряй тир, алай вахтунда Махачкъа­лада яшамиш жезвай  Гьабиб  Атлуева  66 кг-дал къведалди заланвал авайбурун арада гимишдин медаль къазанмишна....

И йикъара Къазахстандин Алма-Ата шегьерда Россиядин, Къиргъизистандин, Азербайжандин, Узбекистандин, Кубадин, Албаниядин ва са жерге маса уьлквейрин спортсменрин иштираквал аваз кьиле фейи Поддубныйдин лигадин международный IV турнирда кьуршахар кьунай (азаддаказ, грекринни римлуйрин жуьреда ва дишегьлийри) чи ватанэгьли  Шамиль  Мамедова  нубатдин сеферда вичин устадвал ва алакьунар вини дережада къалурна, инанмишвилелди къизилдин медаль къазанмишна. Аферин!  Поддубныйдин лигадин турнир...

И йикъара Орёл шегьерда армрест­линг­дай кьиле фейи уьлкведин чемпионатда 50 субъектдай тир 530-далай виниз спортсменри чпин гъилерин къуватлувал къалурна. Абурун арадай тир чи ватанэгьли, Дагъустандин 11 сеферда чемпион  Мегьамедвели  Халикьова  (110 кг-дин заланвал авайбурун арада) Россиядин чемпионвилин тIвар къазанмишна. РикIел хкин: М.Халикьова вичин имийрин — Насир ва Назир Халикьоврин — Россиядин, Европадин ва дуьньядин чемпионатрин...

И йикъара СтIал Сулейманан райондин Сардархуьруьн спорткомплексда дзюдодай республикадин кIвенкIвечивал патал 13-15 йисарин яшара авай жаванрин арада акъажунар кьиле фена. Абур ачухуниз талукьарнавай шад мярекатда сифте гаф райондин кьил Саид Темирханов рахана. Ада республикадин дережадин турнир тухунай РД-дин образованидин ва илимдин министерстводин тIварцIихъ чими келимаяр лагьана. — Районда спортдин кIвалахдиз екез фикир гузва. Ида акьалтзавай...

Олимпиададин къугъунра иштиракун, гъалибвал къазанмишун спортдал рикIи­вай машгъул жезвай  гьар са спортсмендин­ эрзиман мурад я. Гьелбетда, и мураддихъ агакьун регьят кар туш, Россиядал гьахъсуздаказ, гьа жигьетдай яз спортдин ре­кьяйни, санкцияр илитIнавайла, — иллаки… Малум тирвал, 17-23-апрелдиз Хорватиядин меркез Загребда азаддаказ кьуршахар кьунай Европадин чемпионат кьиле фена. Ана гила Грециядин патай экъечI­завай зи хуьруьнви, цналви,  Даурен...

Алатай йисан эхирра Санкт-Петербургда, “Экспофорумдин” зурба аренада,  Бразилиядин джиу-джитсудай кьиле фейи дуьньядин чемпионатда жуьреба-жуьре уьлквейрай тир 3300-далай виниз спортсменри чпин устадвал къалурна. Абурун арада вичин ери-бине Азербайжандин КцIар райондин Кириг хуьряй тир  Шамиль  Рагьмановни  авай.  Ада джиу-джитсудин хъсан техника ва йигинвал, гьакIни спортдин и жуьредал машгъул жезвай спортсмендиз хас тир виридалайни хъсан ерияр къалурна. ИкI,...

Мегьарамдхуьруьн райондин кьил Фарид Агьмедова райондин 80 йисан юбилейдиз талукь пландин бинедаллаз муниципалитетда са жерге серенжемар кьиле тухузва. Идакай “Малуматрин центр” МКУ-дин пресс-къуллугъди хабар гузва. ИкI, 30-мартдиз, Бут-Къазмайрин аялринни жаванрин спортшколада (ДЮСШ) 2011-2012-йисара дидедиз хьанвай жаванрин арада мини-футболдай ачух кIвенкIве­чивал кьиле тухвана. Къизгъиндаказ кьиле­ фейи къугъунрин нетижада Бут-Къазмайрин ДЮСШ — 1 ва Мегьарамдхуьруьн 1-нум­радин ДЮСШ...

И йикъара Каспийскда, Али Алиеван тIварунихъ галай спортдин дворецда, Дагъустандин кIвенкIвечивал патал боксдай жаванрин арада кьиле фейи акъажунра вичин ери-бине Докъузпара райондин Усугъчайдилай тир Тагьир Таибова 60 кг-дал къведалди заланвал авайбурун арада къизилдин медаль къазанмишна (гила адакай 3-сеферда республикадин дережадин акъа­жунрин гъалибчи хьанва). Ана Дагъустандин шегьеррай ва районрай тир 80-дав агакьна  жегьилри иштиракна­.  РикIел хкин:...