Алатай гьафтеда Каспийскда, Али Алиеван тIварунихъ галай спортдин дворецда, грэпплингдай Дагъустандин чемпионат кьиле фена. Заланвилин 16 категориядай ана 300 спортсменди чпин устадвал ва алакьунар къалурна. Абурун арада чи ватанэгьлиярни авай. Кьилди къачуртIа, вичин ери-бине Ахцегь райондин Фиярин хуьряй тир, алай вахтунда Махачкъа­лада яшамиш жезвай  Гьабиб  Атлуева  66 кг-дал къведалди заланвал авайбурун арада гимишдин медаль къазанмишна.

Чи кьегьалди чIехибурун арада вичин устадвал сад лагьай сеферда ахтармиш­на­ва­тIани, спортдин рекье агал­кьу­нар адахъ идалай виликни хьана. ИкI, ада жаванрин арада дуьньядин, гьакIни ала­тай йисуз Россиядин кIвенкIвечивал патал акъа­жунрани гъалибвилер къазанмишна. Гила Гь.Атлуева алай вацран юкьва­ра Минеральные Воды шегьерда кьиле фидай СКФО-дин чемпионатдиз гьазурвал аквазва.

Р.Рамалданова