И йикъара Каспийскда, Али Алиеван тIварунихъ галай спортдин дворецда, Дагъустандин кIвенкIвечивал патал боксдай жаванрин арада кьиле фейи акъажунра вичин ери-бине Докъузпара райондин Усугъчайдилай тир Тагьир Таибова 60 кг-дал къведалди заланвал авайбурун арада къизилдин медаль къазанмишна (гила адакай 3-сеферда республикадин дережадин акъажунрин гъалибчи хьанва). Ана Дагъустандин шегьеррай ва районрай тир 80-дав агакьна жегьилри иштиракна.
РикIел хкин: Каспийскда тренер Руслан Хаирован гъилик вичин устадвал хкажзавай чи ватанэгьли 2018-йисуз Россиядин кIвенкIвечивал патал акъажунрин финалдиз акъатна, гьакIни 2022-йисуз ада СКФО-дин чемпионвилин тIвар къазанмишна.
Рагнеда Рамалданова
