И йикъара Орёл шегьерда армрестлингдай кьиле фейи уьлкведин чемпионатда 50 субъектдай тир 530-далай виниз спортсменри чпин гъилерин къуватлувал къалурна. Абурун арадай тир чи ватанэгьли, Дагъустандин 11 сеферда чемпион Мегьамедвели Халикьова (110 кг-дин заланвал авайбурун арада) Россиядин чемпионвилин тIвар къазанмишна.
РикIел хкин: М.Халикьова вичин имийрин — Насир ва Назир Халикьоврин — Россиядин, Европадин ва дуьньядин чемпионатрин гъалибчийрин рехъ уьзягъвилелди давамарзава. Мегьамедвели спортдин и жуьредай Вирироссиядин ва республикадин хейлин турниррин гъалибчи, спортдин мастер (боксдай спортдин мастервиле кандидат) я. Росгвардиядин Дагъустан Республикада авай Управленидин кьилдин батальондин къуллугъчи, полициядин сержант тир ада уьлкведин чемпионатра приздин чкаяр виликдайни кьунай.
Рагнеда Рамалданова
