Алатай гьафтеда СтIал Сулейманан райондин администрациядин дараматда алай йисан августдиз Башкириядин Уфада кьиле фейи Гатун  Сурдлимпиададин (япариз зайифдаказ ван къвезвай спорстменрин)  къугъунра (71 кг-дин заланвал авайбурун арада) самбодай буьруьнждин медалдиз лайихлу хьайи Рамалдан Магьарамовахъ галаз райондин кьил Саид Темирханов шад гьалара гуьруьшмиш хьана. Гуьруьшда райадминистрациядин кьилин сад лагьай заместитель Л.Оружева ва масабуруни иштиракна.  РикIел хкин,...

Ери-бине Кьурагь райондин Кьуьчхуьрай тир Шамиль Мамедов, Россия­дин азаддаказ кьуршахар кьадай пагьливан, международный классдин спортдин мастер 2021-йисуз жаванрин арада Россия­дин ва дуьньядин чемпионатра 1-чкайриз­ лайихлу хьана. 2022-2023-йисара ам Иван Ярыгинан Гран-придин, Туьркияда кьиле фейи международный «Яшар Догу-2022» турнирдин, Вирироссиядин спартакиададин (2022-йис) ва цIи Каспийск шегьерда кьиле фейи Россиядин чемпионатдин гъалибчи я. Ам 2001-йисуз Дербент райондин...

25 ва 26-сентябрдиз  Белоруссиядин­ меркезда азаддаказ кьуршахар кьунай саки 250-дав агакьна, гьа гьисабдай яз Россиядин ва Къиргъизистандин жаван спортсменрин иштираквал аваз кьиле фейи международный «Медвежонок» турнирда вичин ери-бине Кьура­гьай тир машгьур ватанэгьли Рагьман Малагьмедова (110 кг-дин­ заланвал авай спортсменрин арада) къизилдин медаль къазанмишна. РикIел хкин, азаддаказ кьуршахар кьунал машгъул куьруь вахтунда Р.Малагьмедовалай Чечнядин Грозныйда –...

18-сентябрдиз, «Динамо» ва «Алания» командайрин къугъун башламишдалди вилик, Дагъустандин Кьил Сергей Меликова Россияда алишверишдин чIехи компанийрикай сад тир «Магнитдин» (директор — Анна Мелешина) ва Махачкъаладин футболдин «Динамо» клубдин (президент — Гьажи Гьажиев) арада икьрар (ам 2 йисуз къуватда жеда)  кутIунин серенжемда иштиракна. Компанияди «Динамодин» кьилин ва жегьилрин командайрихъ, гьакIни аялрин школа­дихъ галаз саналди кIва­лахда, клуб...

Алай вахтунда Сербиядин Белград шегьерда азаддиз кьуршахар кьунай кьиле физвай дуьньядин чемпионатда (ам 24-сентябрдиз акьалтIда) вичин ери-бине Кьурагь райондин Кьуьчхуьрай тир белижви Шамиль Мамедова 65 кг-дин заланвал авайбурун арада азаддаказ кьуршахар кьунай буьруьнждин медаль ва Парижда къведай йисуз кьиле фидай Олимпиададин къугъунрин путёвка къазанмишна. Мубаракрай! Ярумчух финалдиз акъатдалди 3 бягьсни (абурукай 2 вахт амаз) инанмишвилелди...

РД-дин физический культурадин ва спортдин министерстводин пресс-къул­лугъди хабар гузвайвал, 18-сентябрдиз­ Махачкъаладин «Динамо» футболдин командади Сад лагьай Лигадин башчи Владикавказдин  «Алания» командадихъ галаз Каспийскда, «Анжи-Арена» стадиондал, кьиле фидай къугъуниз тамашиз атун теклифзава. Ам нянин сятдин 7-дан зураз (18:30) гатIундайвал я. Къу­гъу­низ пулсуздаказ тамашиз жеда. Идалайни гъейри, «Анжи-Арена» стадиондал къугъун башламишдалди 3 сят амаз машгъулардай программани кьиле...

10-сентябрдиз Кьурагьа ОМОН-дин­ капитан Закир Султанован экуь къаматдиз бахшна мини-футболдай гьар йисуз кьиле тухун хъсан адетдиз элкъвенвай турнир 13-сеферда тешкилна. Ана Ахцегь, Докъузпара, СтIал Сулейманан, Кьурагь районрайни Дербент шегьердай тир 2011-йисуз дидедиз хьанвай ва адалай гъвечIи яшарин аялрикай ибарат 6 командади иштиракна. Идакай чаз райадминистрациядин пресс-къуллугъди хабар гана. Къейд авун лазим я хьи, муниципалитетдин терроризмдин...

Мегьарамдхуьре Кьиблепатан Дагъус­тандин футболдин лигадин (ЮФЛ) Кубок патал акъажунар кьиле физвайдакай чна виликамаз хабар ганай. И мукьвара ЮФЛ-дин финалда Мегьарамдхуьруьн «Къуйсун» ва СтIал Сулейманан райондин «Куьре» командайри чпин устадвал къалурна… Къизгъиндаказ кьиле фейи къу­гъуна 4:2 гьисабдалди «Къуйсун» ко­манда­ди гъалибвал, идахъ галаз сад хьиз ЮФЛ-дин Кубок къазанмишна. «Куьре» — 2 ва «Леки» (Мегьарамдхуьруьн район) команда 3-чкайриз...

Са тIимил йикъар идалай вилик Ставрополь шегьерда азаддаказ кьуршахар кьунай кьиле фейи Вирироссия­дин ачух турнирда ва Грозный шегьерда Чечнядин сад лагьай президент Агьмат-Гьажи Къадиров дидедиз хьайидалай инихъ 72 йис тамам хьуниз талукьарнавай международный тур­нирда Кьурагь райондин спорт­сменрини приздин чкаяр кьуна. Идакай чаз райадминистрациядин пресс-къуллугъди хабар гана. ИкI, райондин хкянавай командадик кваз иштиракай Али Гьабибуллаева (75...

27-августдилай 1-сентябрдалди Владимирдин областдин Суздаль шегьерда спортдин грэпплинг ва грэпплинг ги жуьрейрай Россиядин кIвенкIвечивал патал  12-13, 14-15, 16-17 ва 18-20 йисарин яшда авай жегьил-жаванрин арада акъажунар кьиле фена. Уьл­кведин 54 субъектдай тир 1700-дав агакьна спортсменри чпин устадвал къалурна. Акъажунрин кесерлувал мадни а карди хкажзавай хьи, финалдиз акъа­тайбуруз мукьвара кьиле фидай дуьньядин чемпионатда иштиракдай мумкинвал жезва....