Мегьарамдхуьре Кьиблепатан Дагъустандин футболдин лигадин (ЮФЛ) Кубок патал акъажунар кьиле физвайдакай чна виликамаз хабар ганай. И мукьвара ЮФЛ-дин финалда Мегьарамдхуьруьн «Къуйсун» ва СтIал Сулейманан райондин «Куьре» командайри чпин устадвал къалурна…
Къизгъиндаказ кьиле фейи къугъуна 4:2 гьисабдалди «Къуйсун» командади гъалибвал, идахъ галаз сад хьиз ЮФЛ-дин Кубок къазанмишна. «Куьре» — 2 ва «Леки» (Мегьарамдхуьруьн район) команда 3-чкайриз лайихлу хьана.
Къугъунин пишкешрин фонд 150 агъзур манатдикай ибарат тир. ИкI, 1-чка кьур командадиз — 70, амайбурузни, талукь тирвал, 50 ва 30 агъзур манат гана. Мергьяматлувилин «Леки» фондунини (10, 7 ва 5 агъзур манатдин кьадарда аваз) гъалиб хьайи командаяр пулдин пишкешар гуналди къейдна.
Рагнеда Рамалданова
