27-августдилай 1-сентябрдалди Владимирдин областдин Суздаль шегьерда спортдин грэпплинг ва грэпплинг ги жуьрейрай Россиядин кIвенкIвечивал патал 12-13, 14-15, 16-17 ва 18-20 йисарин яшда авай жегьил-жаванрин арада акъажунар кьиле фена. Уьлкведин 54 субъектдай тир 1700-дав агакьна спортсменри чпин устадвал къалурна. Акъажунрин кесерлувал мадни а карди хкажзавай хьи, финалдиз акъатайбуруз мукьвара кьиле фидай дуьньядин чемпионатда иштиракдай мумкинвал жезва.
Шадвилелди а кардикай хабар гуз кIанзава хьи, чи ватанэгьлийрикайни са шумуда кIвенкIвечи ва приздин чкаяр кьуна. ИкI, Дагъустандин хкянавай командадик кваз иштиракай Руслан Сайидов (14-15 йисара, 59 кг-дин заланвал авайбурун арада) — 1, Али Агьмедов (12-13 йисара, 50 кг-дин заланвал авайбурун арада) — 3, Имам Жамирзоев (18-19 йисара, 130 кг-дал къведалди заланвал авайбурун арада) — 2 ва Башкортостандин патай экъечIнавай Низам Идрисов — (18-19 йисара, 66 кг-дин заланвал авайбурун арада) 2-чкайриз лайихлу хьана.
Рагнеда Рамалданова
