25 ва 26-сентябрдиз Белоруссиядин меркезда азаддаказ кьуршахар кьунай саки 250-дав агакьна, гьа гьисабдай яз Россиядин ва Къиргъизистандин жаван спортсменрин иштираквал аваз кьиле фейи международный «Медвежонок» турнирда вичин ери-бине Кьурагьай тир машгьур ватанэгьли Рагьман Малагьмедова (110 кг-дин заланвал авай спортсменрин арада) къизилдин медаль къазанмишна.
РикIел хкин, азаддаказ кьуршахар кьунал машгъул куьруь вахтунда Р.Малагьмедовалай Чечнядин Грозныйда – СКФО-дин, Москвадин областдин Нарофоминскда – Россиядин кIвенкIвечивилин тIварар, Туьркиядин Стамбулда 17 йисал къведалди яшда авай жегьилрин арада дуьньядин кIвенкIвечивал патал акъажунра, 110 кг-дал къведалди заланвал авайбурун арада буьруьнждин медаль къазанмишиз алакьна. Ада Олимпиададин резервдин 3-нумрадин спортшколада тренер Гь.Абдулбасирован гъилик вичин устадвал хкажзава.
Рагнеда Рамалданова
