Квез чидани? Виридалайни чlе­хи гьайванар тир филер, яван хьанвай чилер гадариз,  гагь-гагь маса чкайриз куьч жеда. И вахтунда абуру чпин рекьел гьалтай вири затlар барбатlзава, фермеррин майишатарни, кlур гана, тахьай мисалзава. Фермаяр бейхабардиз тергзавай еке гьайванрикай хуьн патал Африкадин лежберар фадлай са чара жагъурунихъ къекъвезвай. Итижлу кар ам я хьи, чlехи зиянкарар, кичlерар гана кху­нарун...

Лезги халкьдихъ, яратмишунин рекьяй чlехи алакьунар авай шаирар, гьикаятчияр, музыкантар хьиз, гзаф кьадарда художникарни ава. Заз чиз, бажарагълу художникдин яратмишунрал гьейран тежедай инсанар бажагьат жеда. Абуру чlугун­вай шикилриз, суьретриз килигуналди тух жедач! И йикъара зун вичиз кьетlен алакьунрин пай ганвай художник  Фаргьад  Дамирбегович  Беговахъ  галаз таниш хьана. Ам 1966-йисан 3-ноябрдиз Кцlар райондин Чипир хуьре дидедиз...

Къурушар кьве хуьр ава: ЦIийи  Къурушар ва Вини Къурушар. ЦIийи Къурушар 1952-1953-йисара Хасавюрт райондин мулкарал куьч хьана. Чи суьгьбет Вини Къурушрикай я. Лезгистандин къадим хуьрерикай сад тир Къурушрин хуьр Докъузпара райондин центрадивай кьиблепата 22 километрдин яргъа, Самур вацIун эрчIи пата гуьзел дагъларин юкьва экIя хьанва — Шалбуз дагъ, Яру дагъ, Базар-дуьзи,  Рагъдан дагъ, Му­лар дагъ...

И йикъара Мегьарамдхуьруьн райондин медениятдин маканда шаир, гьикаятчи ва хайи чlалан муаллим Сулейман Пашаеван «Пак фикирар» ктабдин презентация кьиле фена. Мярекат Дагъустандин писателрин Союздин лезги секциядин регьбер, бажарагълу ва жегьил шаир Владик Батманова кьиле тухвана. Мярекатда ктабдин авторди, Санкт-Петербургдай хтанвай шаир Гуьзеля Гьасановади, райондин яратмишзавай векилри, идарайрин къуллугъчийри, мектебра кlелзавай аялри иштиракна. Мярекатдин сергьятра аваз...

20-мартдиз Махачкъалада, Дагъустандин госпедуниверситетдин дараматда, “Лезги чIал. Саламатдиз хуьн ва вилик тухун” лишандик кваз кьвед лагьай форум кьиле фена. РикIел хкин, 20-март 2017-йисалай Лезги чIалан югъ яз къейдзава. Ам шаз Дагъустандин меркезда ДГПУ-дин ва ФЛНКА-дин куьмекдалди лезги чIалан месэлайрай кьиле фейи сад лагьай форумдин сергьятра лишанламишнай. Алай йисан мярекатдин тешкилатчи ДГПУ-дин филологиядин факультет ва тешкиллувилин...

РФ-дин журналистрин ва лезги писателрин союзрин член, Сулейман-Стальский райондин  “Куьредин хабарар” газетдин экономикадин отделдин редактор, гьа са вахтунда фотокорреспондентни тир Хазран  Кьасумован журналиствилин кIва­лах­ди адаз руьгьдин таъминвал, рикIин шадвал гузвайвилин шагьид зун саки гьар юкъуз­ жезва. Эминхуьряй Кьасумхуьрел редакциядиз кIва­лахал къвез-хъфин, мукьвал-мукь­вал хуьреризни карханайриз фин, районда тухузвай мярекатра иштиракун, макъалаяр гьазурун — ибур ре­гьят­ крар...

Лезгийрин уьмуьрда Яран Сувари къадим девиррилай эгечlна кьетlен чка кьазва. Виринра хьиз, халкьдин рикl алай сувар Докъузпара райондин Мискискарин хуьрени гурлудаказ къейдна. Къе, 20-мартдин гуьлуьшан юкъуз, Мискискарин хуьруьн центрда шадвилин сувар къейдун патал тешкиллудаказ гьазурвал акунвай. Мярекатар вижевайдаказ тешкилуник райондин медениятдин управлениди, Мискискар хуьруьн администрациядин кьил Шафидин Магьарамова, райондин спортдин, жегьилрин сиясатдин ва туризмдин рекьяй...

Къе Махачкъаладин 59-нумрадин юкьван мектебда лезгийрин къадим Яран сувариз талукьарнавай мярекат кьиле фена. Мектебдин актовый залдин сегьнедал аялри лезги халкьдин девлетлу адетрикайни яшайишдин къайдайрикай ибарат нумраяр къалурна. Къейд ийин хьи, мярекат мектебдин дидед чIаларин методист Оксана Чубановади тешкилнавай. Адаз и карда мектебдин директор Ибрагьим Байсангурова куьмекар гана. Яран сувариз талукьарнавай и мярекатни сифте гаф лугьуналди...

15-мартдиз Кьурагь райондин администрацияда райондин кьилин заместитель Махач Хариева гатфарин Яран Сувар кьиле тухунин жигьетдай тешкиллувилин комитетдин заседание кьиле тухвана. И гьакъиндай «Лезги газетдиз» Кьурагь райондин администрациядин пресс-къуллугъди хабар гузва. Тестикьарнавай пландин бинедаллаз 21-мартдиз спортдин милли жуьрейрай ва волейболдай акъажунар кьиле тухуда. Районда кардик квай Россиядин халкьарин адетдин медениятдин центрада ва вири чlехи хуьрера концертар,...

13-мартдиз Сулейман-Стальский райондин И.Тагьирован тlварунихъ галай медениятдин дараматдин залда образованидин тешкилатра кlелзавай аялрин арада Вирироссиядин жегьил кlелдайбурун «Чан алай классика» конкурсдин райондин пай кьиле фена. Конкурсдин муниципальный паюна райондин 13 мектебдин 5-11-классра кlелзавай аялри иштиракна. Конкурсдин нетижада жюридин дестеди гъалибчияр малумарна: Кьасумхуьруьн 1-нумрадин СОШ-да кlелзавайбур тир Жаварият Устаева (198 балл), Диаля Магьмудова (196 балл) ва...