И йикъара Сулейман-Стальский райондин Кьасумхуьруьн 3-нумрадин аялрин бахчада тербиячийрини аялри тешкилна, лезгийрин игитвилин «Шарвили» эпосдин йикъаз бахшнавай мярекат кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.

Мярекатдин сергьятра аваз халкьдин игитвилин «Шарвили» эпосдин 16-кьиса – «Кьулухъ элкъуьрай мехъер» — сегьнеламишна.

Халкьдин мецин яратмишунар раижунин, жуван халкьдин ирс къадирлувилелди хуьнин, аялрин алакьунар вилик тухунин мураддалди тешкилай мярекатда аялри гьевесдивди иштиракна, бицlекри чпин бажарагъ къалурна, милли кьуьлер тамамарна, шиирар кlелна, манияр тамамарна. Бахчадин чlехи группадин аялри «Шарвили» эпосдай са бязи чlукарни кlелна.

«Лезги газет»