“Лезги газетдин” алатай йисан 50-нумрада “Къаракуьре” тешкилатдин регьбер Къадир Къадирован “Тарих михьидаказ хуьн!..” тIвар алай макъала чапнавай. Ана авторди зи “Гьакъи­къат патал” (“ЛГ”, 2018-йис, №37) макъалада гъанвай делилрин патахъай вичин фикирар лагьанвай. Кьилди къа­чур­тIа, Кура ва РичIа хуьрера мис­кIинар гьеле 703-йисуз эцигна лугьудай делилдин жигьетдай Къ.Къадирова кхьизва: “Ам­ма за кIелай ктабра Абу-Муслим мис­кIинар эцигунив 733-734-йисара...

Ахцегь Яран сувар алукьнавайдакай Ахцегьа 21-мартдин пакамахъ зуьрнечийрин дестеди, адет тирвал, КIе­лез хивелай сегьерар ягъуналди хабардарна. Спортшколадин вилик майдандал акъа­жунрин милли жуьрейрай чпин къуватар алцумзавай жегьилар кIватI хьана. Нисинихъ далдам-зуьрнедин ван кьилеллаз В.Эмирован паркда РДК-дин гьевескар артистринни гъилера кузвай шемерни чирагъар авай жегьилрин десте пайда хьана. Яран ханума­ анал лишанлу чIехи чирагъ куь­кIуь­райдалай кьулухъ, гьава...

ЧIехи шаир СтIал Сулейман Дагъустан вилаятдин Куьре округдин Агъа СтIалрин хуьре 1869-йисан 18-майдиз дидедиз хьун субутзавай документ Сулейманан вичин гафарин бинедаллаз кхьенва. Амни адаз 1925-йисан апрелдиз Виридагъустандин Советрин съезддин делегатдиз хьиз ганвай “Хсуси карточка” я. “Бубади, са карни авачиз, зи диде рахкурна, цIийи паб хкай чIавуз, — рикIел хканай шаирди Эффенди Капиева адан мецелай кхьей...

Къизилни муьрхъуь кьада, ктIида гьулданни, Мармарни руьхъ жеда, пуч жез гьазур я вири, И чилел мягькем я пашманвал, гъамни, Анжах гьайбатлу Гаф я лап эбеди. ИкI зурбаз, еке ашкъилувилелди кхьенай гафуникай, чIалакай бажарагълу шаир Анна Ахматовади. Эхь, чIал чи сиве авай мез, инсанар, жемиятар алакъаламишзавай, чун сад-садахъ галаз рахазвай лап важиблу, амма  гзаф муракаб алат...

СЕГЬНЕДИН БИЛБИЛ ТIебиатди илгьамдикай пай ганвай инсанар и дуьньядал тIимил алач: артис­тар, композиторар, журналистар, ша­и­рар, писателар ва икI мад. Чи арадай акъатай­лани, гзафбур чпин бажарагълувал себеб яз, инсанриз сейли яз амукьзава. Гьа ихьтинбурун жергедик мукьвара вичин 90 йис тамам жезвай кьве халкьдин билбил, Да­­гъустандин халкьдин артистка Дурия  Гуьлбабаевна  Рагьимовани  акат­зава­. Дурия 1929-йисан 25-мартдиз Къуба­ райондин...

Дагъустандин госфилармониядин халкьдин милли музыкадин “Макьам” ансамбль, республикадин культурадин министр Зарема Бутаевади тереф хуьналди, 2018-йисан июлдиз яратмишна. Адан макьсад халкьдин музыка, алатар машгьур авун, гьакIни халкьдин манидарвал вилик тухун я. Ансамблдин репертуарда халкьдин манияр, Дагъустандин композиторрин эсерар ава. Адан кьетIенвилерикай сад фадлай таниш ма­нияр итижлудаказ цIийи хъувун я. Ансамбль кардик квай са куьруь вахтунда адакай...

Регионрин гьафтедин вахтунда РФ-дин Федеральный Собранидин Государстводин Думадин депутат Юрий Левицкий Дагъустан Республикадин Кьилин патав гвай Агъсакъалрин Советдин член, Дербент шегьердин собранидин депутат Николай Алчиевахъ ва ше­гьердин мэрдин заместитель Видади Зей­наловахъ галаз Дагъустандин фадлай авай театррикай сад тир Лезгийрин СтIал Сулейманан тIварунихъ галай государстводин музыкадинни драмадин театрдиз фена. Театрдин директор Динара Эминовадихъ галаз санал мугьманар...

29-мартдиз Ахцегь­ рай­ондин Хуьруьгрин хуьре, Виридуьньядин шииратдин йикъаз талукьарна, маш­гьур лезги шаиррин иштираквал аваз мярекат кьиле фида. Мергьяматлувилин “Про­с­вещение” фондуни ва лезги писателрин Союз­ди тешкилзавай и межлис ­ни­­синин сятдин 2-даз га­тIунда. Мярекатда лезги шииратдал рикI алай ватанэгьлийривайни иштиракиз жеда. Тешкиллувилин комитет

22-мартдиз Тольятти шегьерда авай лезгийри халкьдин рикI алай Яран сувариз талукь мярекатар тешкилна. Идакай «Лезги газетдиз» «ЛезгиЯр» милли порталди хабар гузва. Чешмеди кхьизвайвал, суварин мярекатар вини дережада кьиле фена. Сувар къейдуник кьил кутурди Тольятти шегьерда органрин къурулушра къуллугъзавай чи ватанэгьли Х.М. Агьмедханов я. Суварин мярекатра Дагъустандайни Азербайжандай атай мугьманрини, шегьердин мэр С.Ф.Анташевани иштиракна. И шегьерда...

Са шумуд хуьруьн мулкар авай Кьелегърин пелек Чахчарин хуьр квайди тир. Алай вахтунда ам хара­пIайриз элкъвенва (шикилда). Ам арадиз къведалди, а чка еке кьвалар тир лугьуда. Яшлубурун сиверай мадни ван хьайивал, “са гада Селияндай руш гваз катна, гьа и кьвалара­ ада кума авуна, абур гьана яшамиш жезвай. Йикъарикай са юкъуз и кьвалара  са гьихьтин ятIани...