Бажарагъдин бегьерар Сулейман-Стальский райондин кьил  Нариман  Абдулмуталибова  и йикъара райадминистрациядин культурадин отделдин начальникдин заместитель, халкьдин ва эстрададин манияр тамамарзавай Дагъустан Республикадин лайихлу артист  Омар  Меликовав  шад гьалара гьуьрметдин грамота вахкана. Райондин виридалайни чIехи шабагьдиз О.Меликов “лезгийрин милли музыкадин искусство вилик тухуник еке пай кутунай, райондин культурадин ва общественный уьмуьрда активвилелди иштиракунай ва 50 йис тамам...

Дагъустандин халкьдин писатель Къияс Межидован — 110 йис Ихьтин келима вичин сурун къванцел — памятникдал атIуз тур чIехи арифдардин 110 йис тамам хьанва. Ам 1911-йисан мартдиз, Яран суварин сад лагьай юкъуз Ахцегьа дидедиз хьана. Аламатдин кар я: Яраз вири  тIебиат­дик — накьварик, ятарик, набататрик, гьашаратрик, гьайванрикни къушарик цIийиз гьерекат ахкатзавайди хьиз, и юкъуз хайи писателдин...

Мукьвара Ахцегь райондин медениятдин кьилин дараматда Идрис Шамхалован тIварунихъ галай халкьдин театрдин гьевескарри районэгьлийриз “Пе­риханум” тIвар алай пьеса къалурна. Къейдна кIанда хьи, и тамаша кьиле райондин администрациядин культурадин управленидин начальник Къистер Гъаниева авай коллективди дишегьлийрин суварихъ галаз алакъалу яз гьазурнавай. Са шумуд вацра халкьдин театрди къачур зегьмет, викIегь­даказ ва бажарагълудаказ къалурай тамаша халкьди хушдиз кьабулна....

Мукьвара Нальчик шегьерда, Мадина Саральпан арт-центрада, Дагъус­тандин халкьдин писатель Къияс Межидован руш  Сияра  Аккизовадин  шикилрин выставка ачухна. Ам 20-апрелдалди давам жеда. Выставка Къияс Ме­жи­дован 110 йис тамам хьуниз талукьарнава. Лагьана кIанда, Сияра Аккизова Урусатдин художникрин Союздин член, Кабардино-Балкария Республикадин халкьдин художник я. ГъвечIи чIа­валай шикилар чIуг­ваз­вай, алакьунар авай чи ватанэгьли къецепатани машгьур я. Кьисметди къецепатан...

Къадим Дербентдиз атай гьар са касдиз малум жезвайди шегьердин тек са куьгьне имаратар туш, ина гьар са халкьдиз ва адан культурадиз талукь тир идараярни ава. Вириладалайни вилик квайди ва вичиз ч1ехи тарих, меденият авайди Ст1ал Сулейманан т1варунихъ галай Лезги театр я. Ада вичин ата-бубайрилай инихъ амай, садалай садал физ кьабул хьанвай, адетар алай вахтунда, къенин...

Гьуьрметлу  ватанэгьлияр! 31-мартдин йикъан сятдин 3-даз Махачкъалада, Р.Гьамзатован тIварцIихъ галай Дагъустандин милли ктабханада, Дагъустандин халкьдин писатель  Къияс  Межидов  дидедиз хьайидалай инихъ 110 йис тамам хьуниз талукьарнавай эдебиятдин мярекат кьиле фида. Эдебиятдал, писателдин яратмишунрал рикI алай вирибурувай  иштиракиз жеда. «ЛГ»

19-мартдиз  “Лезги газетдин” редакциядин конференц-залда лезги чIал чируниз, мектебра тарсар тухузвай гьалдиз талукь месэ­лаяр веревирд авун патал элкъвей столдихъ хайи чIалан муаллимрин, СМИ-рин векилрин ва жемиятдин деятелрин гуьруьш кьиле фена. Мярекат тешкилайбур Москвада кардик квай ФЛНКА-дин (Федеральная Лезгинская Национально-культурная Автономия) Советдин векил Гьуьсен Шагьпазов ва и тешкилатдин исполкомдин председатель Асрет Ибилкьасумов я. Ана “Лезги газетдин”...

ЧIал халкь садзавай къуват я гьавайда лугьузвач. 23-мартдиз Сулейман-Стальский райондин Эминхуьруьн юкьван мектебда республикадин дережада аваз лезги чIалай кьиле фейи олимпиадади и гьакъикъат мад сеферда субутна. ЧIалан сувари Кьиблепатан Дагъустандин районрайни шегьеррай атанвай цIудралди муаллимар, шаирар, жемиятдин векилар, аялар санал кIватIна, агудна, абурук руьгь кутуна. Лагьана кIанда, олимпиада Сулейман-Стальский райондин администрациядин иштиракчивал аваз “ЛЕКИ” фондунини...

ТуькIуьрайди — К.КIелетви

Къенин йикъалди и гуьзел кьуьл гьина арадал атайди ятIа лугьудай гьуьжетар акьалтIнавач. А гьуьжетрин себебни ам я хьи, гьар са халкь и кьуьлуьнин бине эци­­гунин везифа вичин хивез къачуз алахъ­зава. Кавказдин лезгинка сифте яз Дагъустандин дагълара арадиз атайдал, гьам адан ватан тирдал шак алач. ТIвар­цIи вичи лугьузва — Лезгистанда  ара­дал атайди я. Гьуьжетарун герек къвез­вани?!...