20-мартдиз СтIал Сулейманан райондин Эминхуьруьн юкьван мектебда лезги чIалай республикадин дережадаваз олимпиада кьиле фида. Адан тешкилатчияр “Лезги газетдин” редакцияни мергьяматлувилин “ЛЕКИ” фонд я.
Олимпиада 11-классра кIелзавай аялрин арада тухузва. Гьар са мектебдай мярекатда анжах 1 аялдивай иштиракиз жеда.
Гъалибчияр патал 10 чка тайинарнава. 1-чка кьурдаз — 25, 2-чка — 20, 3-чка — 15, 4-чка — 12, 5-чка — 10, 6-чка — 8, 7-чка — 6, 8-чка — 4, 9-чка — 3 ва 10-чкадиз лайихлу хьайидаз 2 агъзур манатдин кьадарда аваз пулдин пишкешар, дипломар ва ктабар гуда. Пулдин пишкешарни дипломар гъалибчийрин муаллимризни гудайвал я.
Тешкилатчийри олимпиадада иштиракун патал Ахцегь, Рутул, Докъузпара, Мегьарамдхуьруьн, СтIал Сулейманан, Кьурагь, Хив, Дербент, Хасавюрт районрин, Дербент ва Дагъустандин Огни шегьеррин администрацийрин образованидин управленийриз чарар рекье тунва.
Мярекат сятдин 10-даз гатIунда. Суалар пайда хьайитIа, и нумрадиз зенг ийиз жеда: 8-967-7777-320.
«Лезги газет»
