Пак Рамазандин вацра Махачкъалада, «Мавел» чапханада, лезги чIалал «Исламдин эдебар, ахлакьар ва дуьаяр» тIвар алай ктаб чапдай акъуднава. Адан автор Ахцегь райондин Луткунрин хуьряй тир Амрагьан хва, диндин алим, Дагъустандин имам аш-Шафиидин тIварунихъ галай Исламдин ва Медина шегьерда авай Исламдин международный университетар акьалтIарнавай Ямин гьажи Мегьамедов я. Къейд ийин хьи, ада сифте яз Къуръандин манайрин...

Играми ватанэгьлияр! Рамазандин вацра газет кIелзавайбурун арада диндин конкурс тухудайдакай чна виликамаз хабар ганай. Къейд ийин хьи, “Лезги газетдин”­ редакцияди цIи и серенжем кьвед лагьай сеферда тешкилзава. Лагьана кIанда, конкурс тухунин куьмекдалди чаз газет кIелзавайбурухъ диндин рекьяй авай чирвилер артухардай, инсаният патал Исламдихъ авай метлеб, кьетIенвал къалурдай, кIелзавайбурун ара­дай диндин дерин чирвилер авайбурун алакьунар къейддай...

Мукьвара “islamdag.ru” сайтда журналист Айша Тухваевади Дагъустандин Муфтиятдин председатель, чи ватан­эгьли  Шамил  Алихановахъ  галаз тухванвай интервью чапнавай. Ана республикадин диндин идаради кьиле тухузвай кIвалахрикай, Муфтиятдин вилик акъвазнавай месэлайрикай, кьилиз акъудзавай проектрикай суьгьбетнава. Интервьюдай бязи чIукар чна газет кIел­завайбуруз теклифзава. Муфтиятдин председателдин везифаяр гьихьтинбур я ва ам ни тайинарзава? — Председатель тайинарун ва ам къуллугъдикай азадун...

Играми газет кIелзавайбур! Квез виридаз алукьнавай Рамазандин варз мубаракрай! Хуьзвай сивер, ийизвай дуьаяр, вири ибадатар Аллагьди кьабулрай. Амин! Гьеле виликдай хабар гайивал, Рамазандин вацра чна газет кIелзавайбурун арада диндин конкурс тухудайвал я. Ана гъвечIи­­бурувайни иштиракиз жеда, чIехибурувайни. Гъалибчийриз пулдин премияр ва багьа савкьатар гуда. Конкурсдин суалар алатай йисан Рамазандин вацралай цIинин йисан Рамазандин вацрал кьван...

Аллагь-Таалади виридалайни хийирлу (хъсан) Ктаб (Къуръан) виридалайни хийирлу (хъсан) (Жабраил) малаикдилай, виридалайни хийирлу (хъсан) (рамазан) вацра, виридалайни хийирлу (хъсан) (Лайлат-уль- Къадр) йифиз, вири­далайни хийирлу (хъсан) Пайгъамбардиз (къуй Аллагьдин патай салават ва са­ламар хьурай вичиз), виридалайни хийир­лу (хъсан) уьмметдиз, виридалайни хийирлу (хъсан) чкада (Меккада) (авуд­на) ракъурнава. Дугъриданни, Аллагь-Таалади (Вичин) ­бендеяр чпин гьевесриз табий жедани, я та­хьайтIа...

(Эвел — 9-13-нумрайра) ГьакIни Пайгъамбардиз (къуй Аллагьдин патай салават ва саламар хьурай ви­чиз) и йифиз ивидин вацIа эхъвезвай ва къванер туькьуьнзавай инсан акуна. Пай­гъамбарди (къуй Аллагьдин патай салават ва саламар хьурай вичиз) хабар кьуна: “Им вуж я, Жабраил (Аллагь рази хьурай вичелай)?”. Жаваб ихьтинди хьана­: “Ам селемчивал, файдачивал (ростовщичество) авур кас я”. И йифиз Пайгъамбардиз...

(Эвел — 2020-йисан 44-52, 2021-йисан 1-9, 11-13-нумрайра) Али халифадин (Аллагь рази хьурай вичелай) девирда хьайи вакъиаяр Али халифадилай (Аллагь рази хьурай вичелай) гуьгъуьниз мусурманри халифавилиз Алидин хва Гьасан (Аллагь рази хьурай чпелай) хкяна. Ругуд варз арадай фейила, Гьасан асгьабди (Аллагь рази хьурай вичелай) мусурманрин еке кьве дестедин арада баришугъвал хьун патал (сад хьун патал) эмирвиляй...

Играми мусурман стхаярни вахар! Аллагьдин кьадардалди, чна мад сеферда берекатрив ацIанвай пак Рамазандин варз кьабулзава. Са шакни алачиз, им вич мусурман яз гьисабзавай гьар са инсан патал еке шадвал я, гьикI лагьайтIа, и вацрахъ чакай гьар сад патал чIехи метлеб ава. Диндин ктабра къейднавайвал, Рамазандин вацра Аллагьди рикIин сидкьидай дуьа ийизвай мусурманрин гунагьрилай гъил къачузва....

(Эвел — 9-12-нумрайра) ГьакIни Пайгъамбардиз (къуй Аллагьдин патай салават ва саламар хьурай ви­чиз) къванеривди чпин келлеяр ягъиз кукI­­вар­за­вай, ахпа чеб чпел хквезвайбур аку­на­.­ Ада ха­­­бар кьуна: “Ибур вужар я?”. Адаз  жа­­ваб­­ гана­: “Абур капI авуниз кагьул­вал авурбур я”. Мадни адаз, зунжуррал кутIунна, девей­­­рин сесинал къув язавай инсанар акуна, чпини цацар алай цIамар жакьвазвай, зейтундин ва...

(Эвел — 2020-йисан 44-52, 2021-йисан 1-9, 11-12-нумрайра) Али халифадиз (Аллагь рази хьурай­ вичелай) акси экъечIай “хаварижрин” патай­ фитне ва зулум мадни артух хьана ва эхирдай абуру муькуь патан илчийри меслят гъайи “Къуръанда къалурнавай дувандин икь­рар” кьабулна лугьуз, Алиди (Ал­лагь рази хьурай вичелай) куфр авунва ла­гьана. Хаварижар къал-къиж тваз, ягъиз­ ре­кьиз, гунагь крар ийиз гатIунна. И...