Алемдин агъавал ийиз кIанзавай империалистри, къенепатан хаинрин иштираквални аваз, 1991-йисуз дуьньяда ислягьвал, меслятвал, къайда хуьзвай, дявейрик кьил кутазвайбуруз тIуб юзурзавай, абур чкадал ацукьарзавай зурба ва машгьур уьлкве — Советрин Союз — чукIурайла, майдандиз къанлу, пис мурадар рикIера авай инсафсузар, инсаниятдин душманар, инсанвилин ерияр квадарнавай вагьшияр, террористар, экстремистар акъатна. Гьайиф хьи, абур Дагъларин уьлкведивни агакьна. Гзаф...
Агьвал авачир агьалийрин кьадар Росстатди уьлкведа 2022-йисуз кесибвилин сергьятрилай агъада авай дуллух къачузвай агьалийрин кьадар тайинарна. ИкI, алатай йисан нетижайралди, ихьтин гьалда яшамиш жезвай ксарин кьадар 14, 3 миллиондиз барабар тир. Санлай къачурла, им уьлкведин агьалийрин умуми гьисабдикай 9,8 процент я. Эгер 2021-йисахъ галаз гекъиг авуртIа, агьвал авачир агьалийрин кьадар 1,7 миллион касдин тIимил хьанва...
Лезгистандин кьилдин хуьрерин тарихрикай гьам лезги, гьам урус чIаларал кхьенвай метлеблу ктабар эхиримжи вахтара чав тIимил агакьзавач. ЦIи “Лотос” чапханада 500 экземплярдин тиражда аваз чапнавай “Мискискарин тарих” (“История Мискинджи”) ктабни чи тарихда кьетIен чка кьадайбурукай садаз элкъведа. Монографиядин автор жегьил тарихчи, афоризмайрин машгьур устад Гьарун Гьуьсейнович Агацарский я. Гь.Агацарский 1986-йисуз Докъузпара райондин Мискискарин хуьре дидедиз...
(Агьед Агъаеван 100 йис тамам хьуниз талукь яз) Эхиримжи вахтара майдандиз акъатнавай ва гуя жемиятдин месэлайрин къайгъудавай бязи ксарикай фикирар ийиз, зи рикIел жуван студентвилин уьмуьр ва Амри Шихсаидов, Агьед Агъаев, Расул Мегьамедов, Гьажи Гьамзатов, Муртазали Гьажиев, Мамайхан Агъларов, Рабадан Мегьамедов ва Патимат Тахнаева хьтин зурба алимрин гъилик ва насигьатрик кваз кьиле тухвай илимдин кIвалахар ...
Росреестрдин РД-да авай Управлениди хабар гузвайвал, гзаф квартирайрикай ибарат кIвалер эцигун патал республикади, санлай къачурла, 1322,4 гектардин майдан авай 86 участок чара авунва. Гьа са вахтунда къейдзавайвал, Росреестрдин “Кадастрдин ачух карта” къуллугъда абурукай анжах 82 участок къалурнава. РикIел хкин, 2021-йисуз “Яшайишдин кIвалер ва шегьердин шартIар” милли проектдин сергьятра аваз Росреестрди “КIвалер эцигдай чилер” проект кардик...
РД-дин туризмдин министерстводи, туризмдихъ галаз алакъалу къурулушар еримлу авунин карда субсидияр яз, государстводин патай грантрин куьмек гун патал конкурсдиз документар кьабулиз эгечIнавайдакай хабар гузва. “Иштиракчияр Дагъустандин мулкунал регистрация авунвай ва ина чпин кIвалах кьиле тухузвай карханаяр ва кьилдин карчияр хьун мумкин я”, — лугьузва министерстводин векилди. Документар 2023-йисан 15-майдилай 14-июндалди кьабулда. «Лезги газет»
“МТС” ПАО-ди Мегьарамдхуьруьн райондин Гарагърин хуьре сотовый алакъадин къурулуш туькIуьрунин кIвалахар акьалтIарнава. Сотовый алакъа ва мобильный интернет и хуьре сифте сеферда яз пайда хьанва. Гила Гарагърин ва гьакIни патарив гвай Макьар-Къазмайрин, Вини Гъепцегьрин, Вини Филерин агьалияр, гьакIни “Мегьарамдхуьр-Ахцегь-Рутул” шегьре сотовый алакъадалди таъминарнава. Гарагърин хуьре са шумуд виш кас яшамиш жезва. Гила, хабар гузвайвал, гьар са...
СтIал Сулейманан райондин общественный палатадин заседанидал районда здравоохраненидин къенин йикъан важиблу месэлайриз килигна. Адан кIвалахда муниципалитетдин кьил Саид Темирханова, адан заместителри, къурулушринни общественный тешкилатрин регьберри, райондин собранидин депутатри, хуьрерин поселенийрин администрацийрин кьилери, СМИ-дин векилри иштиракна. Заседание ачухай общественный палатадин председатель Алимет Мейланова къейд авурвал, райондин кьил С.Темирханова районда здравоохраненидин идарайри агьалийриз медицинадин жигьетдай къуллугъ авун...
Дербент шегьердин агьалийрин бахтуни гъана: абуруз мехъерик, мугьмандиз, суварик, гьакI кIвалахал физ хьайитIани, чпин акунар хъсан патахъ дегишардай, итимриз мекер къайдадиз гъидай устад дерлекчи авайди чизва. И хъсан пешекар, гьакI гуьгьуьлар ачухардай инсан Агъаев Гуьлверди Дербетович 1963-йисуз виликан Кьасумхуьруьн райондин Шихидхуьре дидедиз хьана. 8-класс акьалтIарайла, ам Дербентдин хуьруьн майишатдин техникумдин агрономар гьазурдай отделенидиз гьахьна. Анаг...
8-майдиз Мегьарамдхуьруьн райондин Советский хуьруьн паркуна ЧIехи Гъалибвилин 78 йис тамам хьуниз ва вичин къанажагълу уьмуьр халкь абад, хайи чил мублагь авунин кардиз бахшай, образованидин, хуьруьн майишатдин ва партийный кIвалахрал жавабдар къуллугъар тамамарай Ватандин ЧIехи дяведин ветеран, буршимакьави Абдулхаликьов Шамил Абдулхаликьовичан тIвар эбеди авуниз талукьарнавай мярекатар шад гьалара кьиле фена. Ана райондин общественный палатадин председатель...
