Росреестрдин РД-да авай Управлениди хабар гузвайвал, гзаф квартирайрикай ибарат кIвалер эцигун патал республикади, санлай къачурла, 1322,4 гектардин майдан авай 86 участок чара авунва.
Гьа са вахтунда къейдзавайвал, Росреестрдин “Кадастрдин ачух карта” къуллугъда абурукай анжах 82 участок къалурнава.
РикIел хкин, 2021-йисуз “Яшайишдин кIвалер ва шегьердин шартIар” милли проектдин сергьятра аваз Росреестрди “КIвалер эцигдай чилер” проект кардик кутуна. Адан макьсад яшайишдин кIвалер эцигиз бакара къведай чилер ишлемишунин нетижалувал ахтармишун тир. И проектда РФ-дин субъектри иштиракзава, гьа жергедай яз — Дагъустандини. Проект уьмуьрдиз кечирмишун патал “КIвалер эцигдай чилер” къуллугъ кардик кутунва. Ада итиж ийизвай, яшайишдин кIвалер эцигиз кIанзавай ксариз участокрин гьакъиндай делилар къачуз, ахтармишиз куьмекда.
Амина Муслимова
