Дагъустандин вузра агалкьунралди кIелзавай лезги гадаяр, рушар тIимил авач. Ахьтинбурукай сад бине Докъузпара райондин Текийрин хуьряй тир Мадина Серветовна Мурсалова я. Махачкъаладин юкьван мектебрикай сад акьалтIарайдалай кьулухъ Мадина ДГТУ-дик экечIна. Алай вахтунда ада ина экономикада ва управленида информациядин къурулушрин факультетда (факультет информационных систем в экономике и управлении) кIелзава. 17-июндиз Санкт-Петербургда «Суверенное развитие — основа справедливого...
Ухулар (чкадинбуру Ыгылар лугьуда) Ахцегь районда лап къадим ва райцентрадивай яргъа авай (25 км), дагъдин кьакьандавай (гьуьлуьн дережадилай — 2500 м) хуьр я. Шалбуз дагъдин ценерив гвай ам, агъсакъалрин ихтилатрай, тахминан агъзур йис вилик СутIар дагъдай куьч хьана. Ухулвийрин са паюни Кьурагь районда СутIар тIвар алаз чпиз цIийи хуьр кутуна. 1886-йисан переписдин делилралди, Ухула 1110...
Алатай саласадиз Дагъустандин журналистрин Союздин председатель яз «Лезги газетдин» кьилин редактор Мегьамед Ибрагьимов хкяна. Махачкъалада, Р.Гьамзатован тIварунихъ галай милли ктабханада, кьиле фейи Дагъустандин журналистрин Союздин (СЖ) председатель хкягъуниз талукьарнавай гьахъ-гьисабдинни сечкийрин конференцияда Дагъустандин Кьилин ва Гьукуматдин Администрациядин руководителдин заместитель, РД-дин кьилин информациядин сиясатдин Управленидин ва пресс-къуллугъдин начальник Рашид Акавова, РД-дин информациядин ва печатдин Агентстводин регьбер...
10-июлдиз Махачкъалада Дагъустандин Общественный палатадин муьжуьд лагьай созывдин заседание кьиле фена. Адан сергьятра аваз тешкилатдин членри цIийи председателни адан пуд заместитель хкяна. Сесер гунин нетижада председателдин къуллугъ Азизбег Черкесовал ихтибарна. Адан заместителрин везифаяр Шамсият Насрулаевади, Сапарбег Абдуллаева ва Абсалютдин Мурзаева тамамарда. Къейд ийин хьи, Азизбег Улубиевич Черкесован бине Докъузпара райондин Усугъчай хуьряй я. Виликдай ада...
«Региондин гьафтедин» сергьятра аваз, РФ-дин Государстводин Думадин депутат Жамалдин Гьасанов Кьурагь райондин Аладаш хуьруьз кIвалахдин рекьяй мугьман хьана – ина 216 аялдиз чкаяр жедай мектеб эцигунин кIвалахар акьалтIарзава. Идакай чаз депутатдин пресс-къуллугъди хабар гана. «…И мектеб «Сад тир Россия» партиядин теклифдалди арадал гъанвай «халкьдин» программадик кутунвай гзаф кьадар объектрин жергеда ава. И программадин асул макьсад...
Алатай гьафтедин эхирра Сергей Меликов военный махсус серенжем кьиле физвай чкада телеф хьайи военный къуллугъчийрин хизанрихъ галаз гуьруьшмиш хьана. Абурун арада СтIал Сулейманан райондайни хизанар авай: Уллугъетягъай тир Расулбег ва Магьият Мегьтихановар (Росгвардияда къуллугъай рагьметлу Имам Мегьтиханован диде-буба), Кьулан СтIалрилай — Марьям Велибегова (мобилизациядин сергьятра аваз тухвай рагьметлу Исамудин Велибегован диде). Гуьруьшда СтIал Сулейманан райондин...
10-июлдиз Махачкъалада РД-дин экономикадин ва мулкар вилик тухунин министерстводин дараматдин патав Россиядин Федерациядин Игит, офицер Мегьамед Нурбагандович Нурбагандоваз гуьмбет ачухуниз талукьарнавай мярекат кьиле фена. Ана Дагъустандин Кьил Сергей Меликовани иштиракна. РикIел хкин, полициядин лейтенант М.Нурбагандов 2016-йисан июлдин вацра, чпин эвер гуниз муьтIуьгъ хьанач лугьуз, боевикри яна кьенай. Гуьмбет ачухзавай мярекатдал Сергей Меликова М.Нурбагандов терроризмдизни экстремизмдиз...
11-июлдиз Дагъустандин Кьил Сергей Меликов Чечень островдал мугьман хьана ва ина ам яшайишдин объектар авай гьалдихъ галаз мукьувай таниш хьана, «Русское географическое общество» (РГО) ВОО-дин Дагъустанда авай отделенидин къаюмвалдайбурун советдин заседание кьиле тухвана. Чечень остров Махачкъала шегьердин Кировский райондик акатзава. Адан умуми майданди 7 агъзур гектар тешкилзава. Островдал, санлай къачурла, 50 кас яшамиш жезва. Сергей...
Адвокатди лугьузва: — Вун гьахьна чарадан кIвализ, чуьнуьхна пулни къизилар. Бес телефон вучиз туна гьана? — Тади акатна, кичIе хьана, фикирдай акъатна. Мад сеферда тадач. Нурудин Насруллаев
«Лезги газетдин» алай йисан 29-июндиз акъатнавай 26-нумрада чапнавай профессор Шайдабег Шайдабегован макъалада, автор гъалатI хьана, Дагъустандин А.А.Тахо-Годидин тIварцIихъ галай педагогикадин илимдинни ахтармишунрин институтдин 100 йис яз къейднава. Гьакъикъатда лагьайтIа, институтдин цIи 80 йис тамам жезва. РикIел хкин, 1943-йисан ноябрдин вацра РСФСР-дин Совнаркомди Дагъустанда мектебрин илимдинни ахтармишунрин институт арадал гъунин гьакъиндай къарар кьабулнай. «Лезги газет»
