Писатель Лев Толстоя лагьанай: «Хъсан муаллимдиз кьве лайихлувал хьун бес я — чIехи чир­вилерни еке рикI». И лайихлувилер Дербент райондин ЛукIарин юкьван школада­ географиядинни биологиядин муаллимвиле­ кIва­лахзавай Агьмедов Раидинахъ ава. Ада вичин ученикар неинки тайин са предметдиз акьалтIай итиж ­ийиз вердишарзава, гьакIни абуруз чун элкъуьрна кьунвай алемдин къайгъударвални ийиз­ чирзава. Агьмедов Раидин Агьмедович 1981-йисуз Дербент...

Адетдин женжел гада яз, юзун-чукурунал, футболдал гзаф рикI алаз чIехи хьайи Ибрамхалила вич неинки спортда, гьакI чирвилер къачунин рекьени гьевес ва хъсан гележег авай ученик тирди мектебда амаз къалурна. Жегьил вахтунда ада футболдин акъажунра хейлин медалар-шабагьар къазанмишна. Зи ихтилат алай вахтунда ДГУ-дин медениятдин факультетда муаллим яз кIвалахзавай къала­жухви Ибрамхалил Сабирович­ Мусаевакай я. Ам 1962-йисан 20-сентябрдиз...

Са кьадар яшдив агакьнавай касдиз­ чида,  кIвалин,  карханадин, хуьруьн чIе­хиди хьун регьят кар туш. Хиве авай жавабдарвилиз лайих хьана кIанзава. Бес республикадин, уьлкведин регьбер хьун гьикI я?! Ада виридан патахъай жаваб гузва эхир. Адан хиве авай везифаярни вири кар алайбур, чIехибур, важиблубур я. Гьайиф­ хьи, чи са бязи­ инсанри ихьтин­ гьалариз фикир тагана, республика­дин кьиле...

СтIал Сулейманан районда, Кьасумхуьруьн 1-нумра­дин юкьван мектебда, Дагъустандин Огни шегьердин аграрный колледждин махсус класс ачухнава­. Идакай республикадин Гьукуматдин телеграм-ка­нал­ди хабар гузва. Чешмедин малуматралди, ина чирвилер къачудай студентриз хуьруьн майишатдин техника ва тадаракар идара ийиз чирда. Им «Полоса» агрохолдингди аграрный колледждихъ, СтIал Сулейманан райондин администрациядихъ ва РД-дин хуьруьн майишатдин ва недай суьрсетдин министерстводихъ галаз санал кьилиз...

Гьафтедин эвел кьилера РД-дин Гьукуматдин Председатель Абдулмуслим Абдулмуслимов, адан заместитель Муслим Телякавов ва республикадин бязи министерствойрин регьберар Белоруссиядиз мугьман хьана. Ина Дагъустандин делегацияди са шумуд гуьруьш кьиле тухвана. «Лезги газетдиз» РД-дин Гьукуматдин пресс-къул­лугъди хабар гайивал, 2-октябрдиз Абдулмуслим Абдулмуслимов Белоруссиядин культурадин министр Анатолий Маркевичахъ галаз гуьруьшмиш хьана. Меденият вилик тухуниз, акьалтзавай несилдиз руьгьдинни ахлакьдин тербия гуниз...

Арза галачиз тайинарзава Алай йисан эвел кьилелай инихъ 7300 дагъустанвидиз набутвиляй гузвай пенсия арза галачиз тайинарнава. Идакай Дагъустандин Яшайишдин фондунин пресс-къуллугъди хабар гузва. Набутвиляй страховой ва яшайишдин пенсияр вич-вичелай тайинарзавайди я. Яни фондуниз арза рекье тунин ва документар гьазурунин игьтияж авач. И месэла набутриз талукь тир федеральный реестрдин делилрал асаслу яз гьялзава. Идарадин пресс-къуллугъдин векилди...

Уьлкведа Дагъустандин халкьдин шаир Расул Гьамзатован 100 йисан юбилейдиз талукьарнавай мярекатар давам жезва. 28-сентябрдиз Москвада, Кремлдин Государстводин имаратда «Инсанар, инсанар – кьакьан гъетер…» лишандик кваз чIехи межлис кьиле фена. «Лезги газетдиз» РД-дин Кьилин пресс-къуллугъди хабар гайивал, мярекатдиз атанвай гьуьрметлу мугьманрин арада РФ-дин Президент Владимир Путин, Федерациядин Советдин спикер Валентина Матвиенко, Дагъустандин регьбер Сергей Меликов, сенаторар,...

10-октябрдиз, йикъан сятдин 3-даз, Махачкъалада, тарихдин «Урусат – зи тарих» паркуна, кьуд лагьай сеферда международный дережада аваз тешкилзавай  «Лезги диктант» кьиле фида. Къейд ийин хьи, 2019-2021-йисара кьиле фейи марифатдин метлеб авай и чIехи мярекатди Урусатда, Азербайжанда, Белоруссияда, Къазахстанда, Туьркияда, Украинада, Эстонияда яшамиш жезвай агъзурралди лезгияр сад авуна. Диктант гьар йисан 10-октябрдиз тухун дуьшуьшдин кар туш:...

Дагъустанвийрин рикIелай алатнавач­  жеди, неинки хъуьтIуьн январдин, фев­ралдин варцара, гьакI гатузни рес­пуб­ликадин шегьеррин, районрин агьалияр  кIвалер, дараматар, идараяр электроэнергиядикай хкудуни лап ажугъламишнай. Гзафбуруз (агьалийриз, туьквенрин, ресторанрин, кафейрин, суьрсет хуьзвай базайрин иесийриз) еке зиянар гана. Ихьтин гьалара Махачкъаладин, Дербентдин агьалийри куьчеяр, рекьер агална, гьукумдин идарайривай чеб электроэнергиядалди датIана таъминарун ис­те­мишна. И месэладиз талукь яз РД-дин Кьил...