3-октябрдиз Россиядин Федерациядин Президент Владимир Васильевахъ га­лаз­ гуьруьшмиш хьана. Гуьруьш кьиле фидай чIавуз Президентди ам Дагъустан Республикадин Кьилин везифаяр вахтуналди тамамарзавайди яз тайинарун къарардиз къачунвайдан гьакъиндай хабардарна. Владимир Васильев тебрик аву­налди­, государстводин кьили лагьана: “Квез чизвайвал, ихтилат Дагъустандикай­ ква­тайла, чна гьамиша ам санлай уьлкведин лап важиблу регионрин жергеда авайди фикирда кьазва, Кавказдикай зун гьеле рахазвач....

Алатай гьафтеда Цмуррин юкьван школада инновациядинни образованидин “Передвижная роболаборатория” проект уьмуьрдиз кечирмишунин мураддалди менфятлу мярекат кьиле тухвана. Мярекат школадин директор Али Пашаева ачухна. Ада къейд авурвал, робототехника ва компьютердин программаяр кIелунин хиле кардик кутуни кIелзавайбурун вилик цIийи мумкинвилер ачухда. “Передвижная роболаборатория” проект образованидин хиле уьмуьрдиз кечирмишунихъ авай менфятлувиликай мергьяматлувилин “Пери” фондунин Event — менеджер Мегьамед...

Чи республикадин, гьа жергедай яз Кьиблепатан­ Да­­гъустандин уьзуьмлухра ци­­пи­цI­рин заминламишнавай бе­­гьер битмиш хьанва. Технический сортарин ципицIрин ­за­лан куларни ширедив ацIуз­ва.Гьелбетда, и карди, уьзуьм­­чияр хьиз, агакьзавай бегьер гьялдай карханайрин кол­лективарни шадарзава. Дербентдин газ квай чехирар ­акъуддай (ДЗИВ) заводдин ва коньякрин комбинатрин кол­лективарни гьакI я — виринра ципицIар кьабулиз ва пуч­вилер авачиз гьялиз гьерекатдик ква. ЦIийи сезондиз...

Дагъустан Республикадин лайихлу эцигунардайди ва Дербент райондин гьуьрметлу  гражданин Гьажи Ражабович Жабраилова регьбервал гузвай Дербентдин кIвалер эцигдай ОАО “Дагюгстрой” комбинат  не­инки са Дербентда, гьакI ви­ри Кеферпатан Кавказдани чIе­хи карханайрикай сад я.  Вич арадал атай сифте йикъа­рилай гатIун­на кIвенкIвечи карханадин коллективди Дербентда, Да­гъустандин Огнида, Избербашда ва Каспийскда яшайишдин гзаф кIвалер, хейлин мектебар, аялрин бахчаяр, культурадинни майишатдин...

Гад акъатна, зул хьана чаз, гьар са емиш бул хьана чаз, лугьузва лезги халкьдин са мисалда. Гьакъикъатдани зул йисан бегьерлу вахтарикай сад я. ГьикI ла­гьай­тIа, хуьруьн майишатдин продукция гьасилзавайбуру йисан кьиляй-кьилиз зегьмет чIугуна арадал гъайи емишар кIватI хъийидай вахт зул я, ида карханайрин, майишатрин къайгъуярни къалинарзава. Сулейман-Стальский райондин зегьметчиярни и йикъара емишар, ципицIар, бустандин няметар,...

Алидаров Алидар Камалдинович 1949-йисан 27-июндиз Сулейман-Стальский райондин Ялцугърин хуьре дидедиз хьана. Юкьван школа куьтягьайдалай гуьгъуьниз Германияда Карл-Маркс-Штадт шегьерда Советрин Армиядин жергейра къуллугъна. Гележегда къенепатан крарин органра къуллугъун патал гьана лигимвал къачуна. Гуьгъуьнлай 2 йисан партийный школани акьалтIарай жегьил аскер 1970-йисуз Махачкъаладин Ленинский РОВД-диз кьабулзава. Ина ам сержантдилай милициядин подполковникдин, отделенидин командирвилелай чIехи шегьердин отделдин уголовный...

Чна виликамаз хабар гайивал, алай ­йи­сан 3 ва 4-октябрдиз Каспийскда, “Энергия” тIвар алай ДЮСШ-да, набут ва сергьятламиш хьанвай мумкинвилер авай инсанар патал тешкилнавай пе­ше­карвилин бажарагъ къалурунин “Абилимпикс” сад лагьай фестиваль кьиле фе­на. Иштиракчийрин кьадар 50-дав агакьнавай. Абур иниз Махачкъала­, Каспийск, Буйнакск (са руш — Моск­вадай) шегьеррай, Хив, Табасаран, ­Ча­рода ва маса районрай атанвай. Чемпио­натдин программадик...

1-октябрдиз Дагъустандин зегьметдин ва яшайишдин жигьетдай вилик финин министр Расул Ибрагьимов Махачкъаладин “Ветеран” тIвар алай интернатда мугьманвиле хьана. Ада Яшлубурун международный йикъан сергьятра аваз кьиле тухвай суварин мярекатра иштиракна. Мярекат башламишдалди вилик­ Ра­сул Ибрагьимов интернатдин директор Мажид Мирзаевахъ галаз санал яшлу ксар яшамиш жезвай чкайриз тамашна, абурун гьал-агьвалдикай хабарар кьуна­. Идарадин актовый залда кьиле фейи...

Россияда революция гъалиб хьайи пуд йикъалай (1917-йисан 10-ноябрдиз) Советрин милиция тешкилнай. Ада вичин чка кьурдалай гуьгъуьниз са йисалай (1918-йисан октябрдин сифте кьилера) РСФСР-дин къенепатан крарин Халкьдин Комиссариатдин коллегиядин къарардин бинедаллаз милициядин кьилин Управленидин составда аваз уголовный розыкдин (центророзыскдин) центральный управление тешкилна, 5-октябрдилай милициядин отделенийра къайдаяр хуьдай, бандитрихъ галаз женг тухудай кьетIен дестеяр пайда жез башламишна....

Алатай жуьмя юкъуз Махачкъалада, Аваррин театрдин фойеда, вири дуьньяда гьар йисуз (29-сентябрь) къейдзавай РикIин йи­къан сергьятра аваз рикIин профилактикадин ва ам ахтармишунин серенжемар кьиле­ тухвана. Тамам 3 сятда меркезвийриз ва мугь­манриз пулсуздаказ чпин рикIер ахтармишдай, духтурривай меслятар къачудай мумкинвал хьана. Сир туш, Виридуьньядин здравоохраненидин организациядин (ВОЗ) делилралди, къенин юкъуз дуьньяда ри­кIин­ни дамаррин азаррикди инсанар кьиникь...