1-октябрдиз Дагъустандин зегьметдин ва яшайишдин жигьетдай вилик финин министр Расул Ибрагьимов Махачкъаладин “Ветеран” тIвар алай интернатда мугьманвиле хьана. Ада Яшлубурун международный йикъан сергьятра аваз кьиле тухвай суварин мярекатра иштиракна.

Мярекат башламишдалди вилик­ Ра­сул Ибрагьимов интернатдин директор Мажид Мирзаевахъ галаз санал яшлу ксар яшамиш жезвай чкайриз тамашна, абурун гьал-агьвалдикай хабарар кьуна­.

Идарадин актовый залда кьиле фейи суварин мярекат Р.Ибрагьимова ина яшамиш жезвай вири ксариз Яшлубурун международный югъ тебрик авунилай башламишна. Яшлу ксарин патахъай къайгъударвал авун министерстводи кьилин фикир гузвай месэлайрикай  сад тирди къейдна.

— Къенин сувариз рикI квелай-чIехи яшарин инсанрилай — разивилин гьис­серив ацIанва. Куь умуьрдин тежриба, зегь­метда куьне къазанмишнавай агалкьунар чун патал чешне, куь патахъай къайгъударвал авун чи гьар садан буржи я. Куьне ялгъузвал гьисс тавун патал, къарши яз, гьамиша чи патай къайгъударвал ва чимивал гьисс авун патал чна алакьдай вири жуьредин куьмекар гуда, — алава хъувуна ада.

Эхирдай яшлу инсанриз Дагъустандин музыкантрин Союздин правленидин председатель Хан Баширован регь­бервилик кваз Даггосфилармониядин ар­тистри манияр тамамарна. Сувар ачух суф­райрихъ давам хъхьана.

Чи корр.