Алатай йисалай еке гьазурвилерив эгечIай, бязи вахтара къизгъинвилерни, гьуьжетарни арадал гъайи, гзаф кьадар партийри чпин векилар къалурай, муьжуьд кандидатди иштиракай сиясатдин зурба ва важиблу вакъиа — Россиядин Федерациядин Президент хкязавай сечкияр алай йисан 18-мартдин нянин сятдин муьжуьдаз акьалтIна. Россиядин ЦИК-ди малумат гайивал, сечкияр са артух шулугъар авачиз, синихар квачиз кьиле фена. 2012-йисан президентвилин сечкийрив гекъигайла,...
ЧIалан къайгъударар сад жезва
20-мартдиз Махачкъалада, Дагъустандин госпедуниверситетдин дараматда, “Лезги чIал. Саламатдиз хуьн ва вилик тухун” лишандик кваз кьвед лагьай форум кьиле фена. РикIел хкин, 20-март 2017-йисалай Лезги чIалан югъ яз къейдзава. Ам шаз Дагъустандин меркезда ДГПУ-дин ва ФЛНКА-дин куьмекдалди лезги чIалан месэлайрай кьиле фейи сад лагьай форумдин сергьятра лишанламишнай. Алай йисан мярекатдин тешкилатчи ДГПУ-дин филологиядин факультет ва тешкиллувилин...
Къучагъар
Къучагърин хуьр Ахцегь вацIун дереда, гьамамрилай винидихъ 3 километрдин мензилда, Шалбуз дагъдихъ элкъвенвай гуьзел чинал экIя хьанва. Ам дегь замандин хуьрерикай сад тирди ина амай хейлин сурари шагьидвалзава. Абурун майдан саки 5 гектардив агакьнава. Хуьруьн фекьи Усейхан бубадин гафаралди, 1700-1800-йисара ина алим-арабист Эльдаров Эльдер лугьудай касдин куьмекдалди эцигай чIехи медресани кардик квай. Алим-арабист АбдулнетIиф бубадин...
Дуьньяда
США къаришмиш жезва Россиядин Президент Владимир Путина NBC News каналдин журналистдин суалриз жавабар гудайла къейдна хьи, США гьамиша Россиядин сечкийрик къаришмиш жезва. “Чна США-дин векилриз лугьузва: “Куьн гьамиша чи сиясатдин месэлайрик къаришмиш жезва”. Абуру гьатта и кар инкарни ийизвач”, — къейдна В.Путина. Россиядин Президентди кьетlендаказ лагьана хьи, США-дин сечкийрик Москва къаришмиш жезвач. “Чахъ чи къенепатан...
Квез чидани?
— Инсандин мефтlедин заланвал юкьван гьисабдалди 1,3 килограмм я. — Итимдин сагълам бедендик 10 процент пи ква, дишегьлидин сагълам бедендик — 25 процентдив агакьна. — Инсандин кlарабрикай виридалайни кlевиди зангунин кlараб я, ада 1600 килограммдиз дурум гуда. — Инсан вичин уьмуьрдин пуд паюникай саки са паюна ахвара жезва. — Виридалайни яргъи нер Англиядай тир Томас...
Пак гафар
Халиф гъавурда туна Са сеферда Аббасидрин халиф Мансур Даванигиди вичин везир Раби ибн Юнисаз лагьана: “Эгер кьиникь авачиртlа, дуьнья гьикьван иерди жедайтlа!”. Везирди наразивал къалурна: “И дуьньядин вири хийир кьиникьа ава”. Халифди тажубвилелди хабар кьуна: “Вун квекай рахазва?”. Везирди гъавурдик кутуна: “Эгер кьиникь авачиртlа, къе вакай халиф жедачир (яни, эгер идалай вилик хьайи халиф кечмиш...
Лезги руш — Москвадин МВД-дин къурулушда
И сеферда чна “Лезги газет” кlелзавайбур Урусатда къайдаяр хуьдай органрин жавабдар ва вини дережадин къуллугъ кьилиз акъудзавай Тагьирбегова Марина Тагьировнадихъ галаз танишарда. Марина Тагьирбегова 1965-йисан 29-ноябрдиз Ахцегьа дидедиз хьана. 1991-йисуз ам къенепатан крарин органра Тюменский областдин Ханты-Мансийск АО-дин УВД-дин Нижневартовскдин райисполкомдин ОВД-дин ППС-дин ротадин милиционердин къуллугъдал акъвазна. Кlвалахдив эгечlунин жигьетдай са йисан къене бажарагълувал къалурай...
Хирургдин «къизилдин» гъилер
Уьмуьрда духтур герек текъведай инсан дуьньядал бажагьат ала. Гьар са азарлуди духтурдиз умудлудаказ килигда, адаз вичин дердиниз дарман авуна кIан жеда. Духтурдин чирвилери, адан мергьяматлувили, регьимлувили, хуш келимайри азарлудак руьгь кутада, ам сагъ хъжедайдахъ инанмишарда. Ибур духтурдин инсанвилин ерийрикай я. Чухсагъул, аферин чпин хиве авай везифаяр намуслувилелди кьилиз акъудзавай, масадан дерт жуванди хьиз кьабулзавай духтурриз....
Журналиствиле жагъай бахт
РФ-дин журналистрин ва лезги писателрин союзрин член, Сулейман-Стальский райондин “Куьредин хабарар” газетдин экономикадин отделдин редактор, гьа са вахтунда фотокорреспондентни тир Хазран Кьасумован журналиствилин кIвалахди адаз руьгьдин таъминвал, рикIин шадвал гузвайвилин шагьид зун саки гьар юкъуз жезва. Эминхуьряй Кьасумхуьрел редакциядиз кIвалахал къвез-хъфин, мукьвал-мукьвал хуьреризни карханайриз фин, районда тухузвай мярекатра иштиракун, макъалаяр гьазурун — ибур регьят крар...
Дербентдай тир шейх
XIII лагьай асирда дуьнья чIехи бедбахтвилерал расалмиш хьана. Центральный Азиядай пайда хьайи монголринни татаррин и кьил, а кьил авачир кьушунар кьуд патаз чкIана. Абуру чпин хурук акатай мулкар, халкьар тахьай мисалзавай. Дяведалди къачунвай уьлквейра гьукум монголрин сердеррин гъилера гьатзавай, чкадин гьакимар я рекьизвай, я чукурзавай. Акси акъвазай гьар са гьерекат, къуват тергзавай. Абуру дяведалди къачур...