Ялцугъар Гьар патахъай рахаз билбил, Чубанрини ядай кфил, Хуьре хьайи жегьил уьмуьр РикIеллама зи, Ялцугъар. Кьуд пад хьана ана багълар, Авахьна физ булахд ятар, Хуьряй акваз Шалбуз дагълар, Квез къурбанд хьуй, чан Ялцугъар. Ви тIебиат женнет багъ тир, Инсанрин рикI лацу агъ тир, Ви халкьарин беден сагъ тир, Бубайрин ватан Ялцугъар. ...
Дидедилай кагъаз Эхирни, хва, кхьизва за ваз кагъаз. Гьикьван хьурай зун рекьерал вил алаз. Йифен ахвар, йикъан кьарай авачиз. Хвенай за вун буба кьилел алачиз. Ингье диде кефсуз хьана ава, хва. Вуна тавур заз ни авурай дава, хва? Къацу пулар кIватIиз, къе вун гьатнава, Зун тек туна, вучиз закай катнава? Жаваб це заз, зи...
8-Мартдиз Гьуьрметлу дишегьли вахар, Мубарак хьуй квез и сувар. Куьн гьамиша икI шад хьурай, Пашман югъ квез гьич такурай. 8-Мартдиз и азадвал Квез Цеткинан подарок я. Чи патайни квез и шадвал, Мад сеферда мубарак я. Уьмуьрда квез агалкьунар, Чандин сагъвал кьисмет хьурай. Гьич тахьурай пис рахунар, Куь арада гьуьрмет хьурай. Ширин...
Регъуьн кьиса (ЧIукар) * * * ТIунутI гана, хъуьтуьл месел Периди руш ксурна. Эцигна мад къулан кикел Гичин, цивди ацIурна. Ахвар атай Саядани ЧIулав вилер акьална, Перини, цел кьуна кIула, Фена ракIар агална. * * * Кекъвей-къекъвей шуькIуь рекьер Яргъи хьанва дередиз. КIама регъвер ухшар язва КукIвар хьанвай къеледиз. Синерилай къарагъиз циф,...
Дугъри рикI ви… Ватандин ЧIехи дяведин ветеран, РФ-динни РД-дин лайихлу муаллим Зинаида Емельяновнадиз бахшзава Гуьрчегдини тир, агъайниди, Сифте Ахцегьа акурла чаз вун. Дагъви аялриз урус чIал чириз, Бегенмиш хьанай сифте юкъуз вун. РикIни дугъри тир, хесетни секин, Хъуьтуьл рахадай, рафтарни хъсан. Ахлакьдизни вун гзаф тир эркин. Мецелни ширин, гафарни хъсан. Гьавиляй тушни...
Ша, ЦIийи йис Агь, ЦIийи йис, пагь, ЦIийи йис, Вун атунал шад я михьиз, Руьгь гьазур я вун кьабулиз, Умудар гузвай рикIериз. Дегиш туштIан чи календарь, Амач къе вахъ куьгьне гьунар. Вахъни хьана зурба вахтар Кьилиз тухвай чIехи крар. Гьикьван лагьайтIани гафар, Вун галачиз къведач гатфар. Лугьун за квез, валлагь, дустар, Шад...
Сад я Самур Дагъустанни Азербайжан — Са лезги чил кьве пай хьанва. Самурдин яд — лезгийрин чан Чаз, Къурушриз, яргъал хьанва. Кьве пай хьанвай лезги халкьар, Чун са тарцин хилер тушни? Лезгистандин кьакьан дагълар, Къуруш дагълар кьилер тушни? Терекдин яд, Сулакдин яд, Гьардахъ вичин са тIям ава. Самурдин яд — дуьньядин дад, Лезгистанда...
Аслан даим ксанайтIа Йикъан норма тIуьна кьве къат, Вичин масан чан саламат Хуьн паталди геж вахтаралд, Аслан фена хуш ахварал. Виш жуьредин ахвар акваз, Гагь элекьиз, гагьни дакIваз, Экъисзавай кIирер вичин Ада, хъвериз, гьам чIуриз чин… Аслан ксанваз акуна, Адан вилик, кичIела, чIар Вегьезавай гьайванри къе Кьуьлерзавай, элкъуьрна цIар. Уьмуьр пеш хьиз, зурзаз-зурзаз Фейи...
Дустуниз Шикаятмир, акъваз, акъваз, Вегьез тамир жуван кьамуз. Гьахъвал, дуьзвал амач мад чаз, Дилихана ваз кIвал жеда, дуст. Сад судья я, сад — пиркъурул, Вадав чIугваз вугайла къул, Акъудзава лугьуз на тIул, Ви мензил дустагъ жеда, дуст . Кас амукьдач вун кваз кьадай, Я гьахъвиликай рахадай, Къундах ичIи я вун твадай, Лазим тушир рехъ...
Дяве-душман Дяве-душман, хабар-къара, Ийиз рикIер вара-зара, Душман, вун хьуй уьзуькъара. Саламат хьуй жегьил-жаван, Хуьзвай сенгер, хуьзвай Ватан. Дидеяр, квез гурай сабур, Душман залум хьуй гурбагур, Вегьезвай икI бомбани тур. Вуна хуьх чи жегьил-жаван, Я сад Аллагь, я чан Лукьман. ЦIун юкьвава стха, буба, Хуьзвай гьар са шегьер, уба, Гъалибвал чахъ хьурай зурба. Дидеяр...
