И йикъара РД-дин къенепатан крарин министр, полициядин генерал-лейтенант Абдурашид Мегьамедов Мегьарамдхуьруьн райондиз фена ва органрин къурулушра кlвалахдайла телеф хьайи къуллугъчийрин хизанрив гьукуматдин шабагьар вахкана. И гьакъиндай «Лезги газетдиз» Мегьарамдхуьруьн райондин администрациядин пресс-къуллугъди хабар гузва. Муниципальный райондин администрациядин залда кьиле фейи мярекатда Мегьарамдхуьруьн райондин кьил Фарид Агьмедова, администрациядин жавабдар къуллугъчийри, республикадинни райондин къайдаяр хуьдай органрин ва...

И мукьвара Махачкъалада «Хайи чlалан лап хъсан муаллим-2018» республикадин конкурсдин нетижаяр кьуна. Пуд йикъан къене 39 муаллимди иштиракай конкурсдин эхиримжи паюнин нетижайра Сулейман-Стальский райондин Курхуьруьн 1-нумрадин лезги чlалан муаллим Анжелика Шихрагьимовади пуд лагьай чка кьуна. Къейд ийин, конкурсда Дагъустандин 12 чlалан муаллимди иштиракна. Гъалибчи дарги чlалан муаллим Насибат Гьажиевадикай хьана, кьвед лагьай чка авар чlалан...

И мукьвара РД-дин Гьукуматдин Председателдин заместитель – РД-дин образованидинни илимдин министр Уммупазиль Омарова кlвалахдин рекьяй Мегьарамдхуьруьн райондиз фена. И гьакъиндай «Лезги газетдиз» Мегьарамдхуьруьн райондин администрациядин пресс-къуллугъди хабар гузва. Министр Буткъазмайрин мектебда райондин муаллимрихъ галаз гуьруьшмиш хьана ва ада 2018-йисан ЕГЭ вахтунилай вилик вахкунин этапдиз гьазурвал акунин рекьяй совещание кьиле тухвана. Къейд ийин, гуьруьшда РД-дин образованидинни...

19-мартдиз Махачкъалада Дагъустандин Кьилин везифаяр вахтуналди та­ма­марзавай Владимир Васильеван ряегь­бервилик кваз кьиле фейи сове­щанидал алай йисан апрелдин ва майдин вар­­цара республикада азаддиз кьуршахар кьунай тешкилдай Европадин чемпионатдиз талукь месэлаяр ­веревирдна. Спортдин важиблу вакъиадиз гьазурвилер акунин жигьетдай РД-дин Гьукуматдин Председателдин Сад лагьай заместитель Анатолий Къарибова ге­гьенш доклад авуна. Адан гафарай малум хьайивал, акъажунар кьиле фидай спортдин...

Алатай йисалай еке гьазурвилерив эге­чIай, бязи вахтара къизгъинвилерни, гьуьжетарни арадал гъайи, гзаф кьадар партийри чпин векилар къалурай, муьжуьд кандидатди иштиракай сиясатдин зурба ва важиблу вакъиа — Россиядин Федерациядин Президент хкязавай сечкияр алай йисан 18-мартдин нянин сятдин муьжуьдаз акьалтIна. Россиядин ЦИК-ди малумат гайивал, сечкияр са артух шулугъар авачиз, синихар квачиз кьиле фена. 2012-йисан президентвилин сечкийрив гекъигайла,...

США къаришмиш жезва Россиядин Президент Владимир Путина NBC News каналдин журналистдин суалриз жавабар гудайла къейдна хьи, США гьамиша Россиядин сечкийрик ­къаришмиш жезва. “Чна США-дин векилриз лугьузва: “Куьн гьамиша чи сиясатдин ме­сэлайрик къаришмиш жезва”. Абуру гьатта и кар инкарни ийизвач”, — къейдна В.Пу­тина. Россиядин Президентди кьетlендаказ ла­гьана хьи, США-дин сечкийрик Москва къаришмиш жезвач. “Чахъ чи къенепатан...

— Инсандин мефтlедин заланвал юкьван гьисабдалди 1,3 килограмм я. — Итимдин сагълам бедендик 10 процент пи ква, дишегьлидин сагълам бедендик — 25 процентдив агакьна. — Инсандин кlарабрикай виридалайни кlевиди зангунин кlараб я, ада 1600 килограммдиз дурум гуда. — Инсан вичин уьмуьрдин пуд паюникай саки са паюна ахвара жезва. — Виридалайни яргъи нер Англиядай тир Томас...

Халиф гъавурда туна Са сеферда Аббасидрин халиф Мансур Даванигиди вичин везир Раби ибн Юнисаз лагьа­на: “Эгер кьиникь авачиртlа, дуьнья гьикьван иерди жедайтlа!”. Везирди наразивал къалурна: “И дуь­ньядин вири хийир кьиникьа ава”. Халифди тажубвилелди хабар кьуна: “Вун квекай рахазва?”. Везирди гъавурдик кутуна: “Эгер кьиникь авачиртlа, къе вакай халиф жедачир (яни, эгер идалай вилик хьайи халиф кечмиш...

И сеферда чна “Лезги газет” кlел­за­вайбур Урусатда къайдаяр хуьдай органрин жавабдар ва вини дережадин къуллугъ кьилиз акъудзавай Тагьирбегова  Марина  Тагьировнадихъ  галаз танишарда. Марина Тагьирбегова 1965-йисан 29-ноя­брдиз Ахцегьа дидедиз хьана. 1991-йисуз ам къенепатан крарин органра Тюменский областдин Ханты-Мансийск АО-дин УВД-дин  Нижневартовскдин райисполкомдин ОВД-дин ППС-дин ротадин милиционердин къуллугъдал акъвазна. Кlвалахдив эгечlунин жи­гьетдай са йисан къене бажарагълувал къалурай...