Къе, 13-февралдиз, чав РФ-дин прокуратурадин лайихлу работник, Дагъустандин меркездин Советский райондин виликан прокурор Мегьамед Оружев рагьметдиз фена лагьай хабар агакьна.

Мегьамед Оружевич Оружев 1960-йисуз Дербент шегьерда дидедиз хьана. 1982-йисуз ада ДГУ-дин юридический факультет акьалтIарна.

М.Оружева прокуратурадин органра жуьреба-жуьре къуллугъар тамамарна: стажердин, прокурордин куьмекчидин, райондин прокурордин заместителдин.

2001-2013-йисара ада Махачкъаладин Советский райондин прокурордин везифаяр кьиле тухвана.

Мегьамед Оружев юстициядин старший советник тир.

«Лезги газетдин» редакциядин коллективди Мегьамед Оружевич рагьметдиз финихъ галаз алакъалу яз адан хизанриз, багърийриз башсагълугъвал гузва.