Европадин чемпионатдиз гьазурвал акунин штабди акъажунриз атун пулсуздаказ тирди тестикьарнава. Къейд ийин, 27-28-апрелдиз грэпплингдай акъажунар кьиле фидай вахтунда Каспийскда авай Али Алиеван тlварунихъ галай спортдин дараматдиз гьахьун пулсуздаказ жеда. Грэпплингдай Дагъустанда кьиле фидай чемпионатда иштиракун патал 15 уьлкведай спортсменар къведа. Грекринни римлуйрин, дишегьлийрин ва азаддаказ кьуршахар кьунин жуьрейрай акъажунар 30-апрелдилай эгечlда. «Лезги газет»
Футболдай Дагъустандин кубокдин финалдин сергьятра аваз “Ахцагь” “Судостроителдихъ” (Махачкъала) галаз къугъвана. Ахцегьа кьиле фейи и къугъуниз килигиз райондин кьил Осман Абдулкеримов, администрациядин къуллугъчияр, районэгьлияр, къунши хуьрерайни футболдал рикI алайбур атанвай. Кьве командади чпин бягьс башламишдалди вилик Ахцегьа райсобранидин, райадминистрациядин, финансрин управленидин векилар республикада и вацран эхирра кьуршахар кьунай кьиле фидай Европадин чемпионатдин къаршида Дагъустанда тешкилнавай...
Мегьарамдхуьруьн райондиз спортдин рекьяй нубатдин гъалибвал жегьил боксер Роман Искендерова хкана. 15-21-апрелдиз Каспийскда Дагъустандин кlвенкlвечивал патал боксдай акъажунар кьиле фена. Турнирда республикадин гьар са пипlяй атанвай жуьреба-жуьре заланвилин дережайрин спортсменри иштиракна. Къизгъин бягьсера Мегьарамдхуьруьн райондай тир Роман Искендерова инанмишвилелди чемпионвилин тlвар къачуна. И агалкьун себеб яз ада СКФО-дин кlвенкlвечивал патал кьиле фидай турнирда иштиракда. Роман...
И йикъара Москвада Россиядин машгьур АСВ КВ-15 промоушенди тешкилай К1 къайдадин женгерин турнир кьиле фена. Турнирдин кьилин бягьсерикай сад Жабар Аскерованни Ергали Урбулатован арада кьиле фена. 32 йисан яшда авай машгьур лезги пагьливанди алакьунар авай спортсмен Урбулатоваз са мумкинвални ганач. Нетижада къимет гузвайбурун рейсад фикирдалди Жабара инанмиш гъалибвал къазанмишна. «Лезги газет»
Рустам Алиеван 7 йис я. Курхуьрелай тир ам дах Лазерахъ ва диде Индирадихъ галаз Москвада яшамиш жезва. Дидед чIални чизвай чи жегьил ватандашди уьлкведин меркезда хъсандиз кIелзава. Ам каратэдални машгъул жезва. Тежрибалу тренер Симпай Данилодин гъилик Рустама каратэдин сирер чирзава. И мукьвара жегьил пагьливанди Подольск шегьерда кьиле фейи областдин акъажунра сифте яз иштиракна. Рустама 20...
Гьар йисуз адет хьанвайвал, Докъузпара райондин Мискискарин хуьре Яран суварин сергьятра аваз спортдин милли жуьрейрай акъажунар кьиле фена. Цlинин йисуз къван гадарунай, алай чкадилай хкадарунай ва путар хкажунай кьиле фейи акъажунра хейлин пагьливанри чпин алакьунар къалурна. Акъажунрин нетижада къван гадарунай 1-чка Элмадин Ибрагьимова (Махачкъала), 2-чка Мевлан Акберова (Мискискар), 3-чка Нажмудин Мусабегова (Цlийи Къаракуьре) кьуна; алай...
Усугъчайдилай тир Наврузоврикай рахадайла, рикIел сифте нубатда игитвилеринни кьегьалвилерин сагьибрин тIварар къведа: Ханбике Наврузовна, Сократ Гьажиевич, Сабир, Сейфедин Наврузовар ва икI мадни… И йикъара мад са шад хабар: Сабир Эмирсултанович Наврузован хтул Гьажиди тайский боксдай Таиландда кьиле фейи чемпионатда дуьньядин чемпионвилин тIвар, чIул, къизилдин медаль къачунва! Хабар гьасятда хизан яшамиш жезвай Москвадив, чIехи бубаяр яшамиш...
Рушарин волейбол машгьур авунин ва жегьил спортсменрин устадвал хкажунин макьсаддалди 13-апрелдиз Кьурагь райондин Кьепlиррин хуьре нубатдин сеферда волейболдай турнир кьиле фена. Рушарин дестейрин арада кьиле фейи турнир Кьепlиррин мектебдин муаллим Айдин Шихрагьимов рикlел хкуниз талукьарнавай. Эхиримжи 3-4 вацра хкягъай спортсменкайрикай ибарат тир райондин дестеди республикада волейболдай кьиле фейи гзаф акъажунра гъалибвилер ва приздин чкаяр къазанмишнай....
И мукьвара Калининградда азаддиз юкьварар кьунай ветеранрин арада кьиле фейи Вирихалкьарин 19-турнирда кьурагьви Эрелар Фейзулаева гимишдин медаль къазанмишна. Акъажунар и регионда спортдин азаддиз юкьварар кьунин жуьредик бине кутур Василий Батечко рикlел хкуниз талукьарнавай. Турнирда Россиядин гзаф регионрай 120 спортсменди-ветеранди иштиракна. Акъажунар спортсменрин яшариз килигна, жуьреба-жуьре дережайра кьиле тухвана. Нетижада Дагъустандин ветеранар 5 приздин сагьибар хьана....
И йикъара Санкт-Петербургда жегьилрин арада дзюдодай Европадин Кубок турнир кьиле фена. И гьакъиндай LeziSport.com чешмеди хабар гузва. 55 килограммдал кьван заланвилин дережада чи спортсменди Европадин кубокдин буьруьнждин медаль къазанмишна. И агалкьун къазанмишуни Имам Ибрагьимоваз дзюдодин рекьяй Россиядин хкягъай дестедик кваз Европадин кlвенкlвечивал патал акъажунра иштиракдай мумкинвал гуда. «Лезги газет»
