И йикъара «Ахцегь район» МР-дин кьилин заместитель Алмас Шуаева азаддиз кьуршахай кьунай ва самбодай СССР-дин  спортдин устад Сулейман Эфендиеван призар къачун патал Ахцегь районда азаддиз кьуршахар кьунай республикадин турнир кьиле тухуниз гьазурвилер акун патал тешкиллувилин комитетдин заседание кьиле тухвана.

Райондин администрациядин пресс-къуллугъди «Лезги газетдиз» хабар гузвайвал, турнир жегьилрин арада спорт машгьур ва таблигъ авунин, спортсменрин устадвал хкажунин ва акьалтзавай несилдиз ватанпересвилин тербия гунин макьсаддалди тухуда.

Кьилди къачуртlа, акъажунар 2003-2004, 2005-2006-йисара дидедиз хьайи жегьил спортсменрин арада 22-июндилай 24-июндалди кьиле фида.

РД-дин шегьеррин ва хуьрерин хкягъай командайриз акъажунра иштиракдай ихтиярар ава.

«Лезги газет»