22-августдиз Юкьван Стlалрин хуьруьн ктабханадин кlелдайбур анин заведующий Марьям Велибегов кьиле аваз хуьруьн мектебдин край чирдай музейдиз фена. Музейдин директор Агьмед Шихнабиева аялриз гъвечlи ватандикай ихтилатна, дегь девирдин затlар, экспонатар къалурна, абуруз баянар гана. Музейда авай «Ватандин Чlехи дяведин иштиракчияр», «Советрин Союздин Игитар», «Чи хуьруьнэгьлияр» ва маса стендрихъ галазни аялар танишарна. Ктабханадин заведующий М.Велибеговади къейд...

И йикъара Махачкъалада, Дагъустандин писателрин Союздин мярекатрин кIвале яратмишунардайбурун “Булах” кIватIал арадал гъайи бажарагълу шаир, педагогикадин илимрин кандидат Гуьзеля  Гьасановадин эсеррин цIийи кIватIалдин презентация кьиле фена. Къейд ийин, 2016-йисуз арадал гъанвай “Булах” кIва­­тIалдин кьилин макь­сад жуван хайи маканривай яргъа яшамиш жезвай, яратмишунардай тах квай ксарин бажарагъ винел акъудун, абур вилик тухун, эсеррин кIватIалар чапдай акъудун,...

И йисуз лезгийрин зурба шаир, Дагъустандин литературадин классик, лезги чlалан литературадин чlалан бине эцигайди тир Етим Эмин дидедиз хьайидалай инихъ 180 йис тамам хьана. Шаирдин юбилейдиз талукь яз Докъузпара райондин ЦБС-да (Центральная библиотечная система) «Етим Эминан шиират» лишандик кваз шииратдин сят кьиле фена. Мярекатдин сергьятра аваз кlелдайбурун залда шаирдин яратмишунриз талукь выставкани тешкилнавай. Ктабханадин методист...

Вири чlалара хьиз, лезги чlалани палиндромар ава. Грек чlалай атанвай палиндром гаф, чи чlалаз таржума авурла, “кьулухъди чукурун” лагьай чlал жезва. Чапла патахъайни, эр­чlи патахъайни сад хьиз кlелиз жедай гафуниз, ибарадиз ва я предложенидиз­ палиндром лугьуда. Месела: такьат-такьат, тlунутl-тlунутl, хех-хех ва икl мадни. “Ша, ава Али ги­­ла, ава аш” — и предложение “А роза упала...

(Эхир. Эвел — газетдин 30, 32-нумрайра) Макъаладин сифтегьан паяр чи сайтда и ссылкайрай кIелиз жеда: I пай, II пай. Марьяман суфра Хъукьварин хуьре Демирбега чун и хуьруьн муаллим, вичи гьакьван зериф цIа­­рар кхьизвай шаир Алискерова Марь­ямахъ — Эвесан рушахъ галазни та­ни­шарна­. Марьяма чаз ара-ара кхьизва. И мукьвара адан шииррин кьилдин ктабни акъатна. “Вун хьаначир­тIа…”. Чи...

(Эвел — газетдин 32-нумрада) И макъаладин сад лагьай чи сайтдай и ссылкадай кIелиз жеда. Уьмуьрдин гьар са вакъиадиз тадиз къимет гуз алахъун — им литература патал душманвал я. Гьар вахтуни, гьелбетда, вичин те­маяр вилик кутада, алай вахтуни тIеби­ат­дин, ам авай гьалди чак кутазвай къалабулухдин тема хьиз. ГьакI ятIани, литературадин эсер са югъ, йис патал арадал...

“ЛГ”-дин 32-нумрадиз акъатай сканворддин жавабар: Дуьз цIарара: Мердимазар. Уйдурма. ЗатI. Жаду. Стун. Урус. Алик. Некьи. Леэн. Тик цIарара: Али. Хуз. Арзу. Рига. Къазахстан. Рим. Жанаби. Урукул. Бустан. ТуькIуьрайди — Куругъли Ферзалиев

ГъвечIи ва чIехи гьар са хуьруьхъ вичин тарих ава. Чаз аквазвайвал, гзаф хуьрерин тарих, къамат, сеняткарвилер, алакъа­яр, культура тамамвилелди чирнавач. Ата-бубайрин ирс хуьн ва къвезвай несилрив агакьарун чи буржи я. Куьгьне девирдин Куьре ханлухдин, 1864-йисалай округдин хуьрерин тарих чирунал, кIватIалунал зун гьеле 1965-1970-йисара ДГУ-дин тарихдин факультетда кIелзавай вахтунда чIехи алимар — арабистар тир Амри Шихсаидован...

Мегьарамдхуьруьн районда культура, искусство ва халкьдин художественный яратмишунар вилик тухунин муниципальный программадин сергьятра аваз кьиле тухузвай кIвалахдиз талукь совещание хьана. Веревирдер авунин и мярекатда районда культурадин хилен жавабдар къуллугъчийри, идарайрин регьберри, общественный тешкилатрин ва къанун-къайда хуьдай органрин векилри иштиракна. Совещание райондин кьилин 1-заместитель, райондин кьилин везифаяр вахтуналди тамамарзавай Гьабибуллагь Мурадалиева тухвана. КIватI хьанвайбурун фикир желбдай...

Ахцегь райондин “ЦIийи дуьнья” газетдин 90 йисан юбилейдиз талукь махсус журнал туькIуьрдайла, адан ре­дакторар хьайи чи бажарагълу журналистрикай, алатай йисара редакцияда кIвалахай маса ксарикай делилар кIватIдайла, зун Гьасанагъа Мурсалован яратмишунрин рекьел акъваз хьана. ГьикI хьи, ам гзаф терефрихъай пай ганвай кас тир — ада халкьдив вичин гьиссер ва девирдин хабарар макъалайрин ва авазрин куьмекдалди агакьарзавай....