Ахцегь райондай тир кьве ансамбль «Халкьдин коллектив» тIварцIиз лайихлу хьана. Идакай  милли «ЛезгиЯр»порталди хабар гузва. РД-дин культурадин министерстводин къарардал асаслу яз, 5-февралдиз Махачкъалада «Халкьдин коллектив» тIвар тестикьарун патал халкьдин коллективриз килигунин мярекат кьиле фена. Урус театрдин гъвечIи залда кьиле фейи мярекатда иштиракун патал Ахцегь райондай ашукьрин «Шарвили» халкьдин ансамблдиз ва халкьдин алатрин ансамблдиз теклифнавай. «Шарвили»...

Гьуьрметлу ватанэгьлияр! 28-февралдиз, йикъан сятдин 2-даз, Дербент шегьерда, Лезгийрин СтIал Су­лейманан тIвару­нихъ галай госмуздрамтеатрдин дараматда Да­гъус­тан­­дин халкьдин, Россиядин лайихлу артист Абдуллагь Тажибович Гьабибован 70 йисан юбилейдин еке межлис кьиле фида. Мярекатда Дагъустандин Гьукуматдин, культурадин министерстводин, илимдин, медениятдин, жемиятдин векилри иштиракда. Буюр, иштирака, медениятдал рикI алай гьуьрметлу юлдашар! «Лезги газет»

Играми ватанэгьлияр! Алай йисан 26-февралдиз, нянин сятдин 6-даз (18:00) Махачкъалада, Урусрин театрдин гъвечIи залда Лезгийрин СтIал Сулейманан тIварунихъ галай госмуздрамтеатрдин коллективди «Периханум» тамаша къалурда. Перихануман ролда Дагъустандин халкьдин артистка Фаризат Зейналова къугъвазва. Билетрин патахъай телефондин 8-928-540-30-44 ва 8-938-783-58-60 нумрайриз зенг ийиз жеда. «Лезги газет»

( ЧIехи шаирдин 120 йис къейддайла, авур рахунрай ) Гьуьрметлу юлдашар, играми дустар! Чун иниз мад сеферда Дагъустандин чIехи хва СтIал Сулеймана эвер га­на атанва. Ша чна адаз вич хайи югъ му­барак авунихъ галаз­ сад хьиз, чаз адаз лап яргъал уьмуьрар-эбе­д­и уьмуьр хьана кIанзавайдини къалурин. Ам, гьа­къи­къатдани, Дагъустандин халкьдин арада виридалайни яргъи уьмуьр авайди, эбеди...

Гъилевай йис юбилейралди девлетлу я. Абурукай, чи гьисабралди, лап кьетIенди, вири халкьди (Дагъустанда  ва адалай къецени) къейд авуниз лайихлуди чIехи камалэгьли, Дагъустандин халкьдин шаир, “ХХ асирдин Гомер”  СтIал  Сулейманан  150 йис тамам хьунинди я. Мад са кар рикIел къвезва: и йисуз Кьасумхуьруьн райондиз шаирдин тIвар гайидалай инихъ 50 йис, Сулейман-Стальский райондин вичинни 90 йис тамам...

(Шейх Исмаил эфенди ва гьажи Ибрагьим эфенди ) ( Эхир. Эвел 4-нумрада ) И макъаладин 1-пай сайтда и ссылкадай кIелиз жеда 1880-йисуз Исмаил эфендиди чкадин ­чIе­хибурувай вичиз ватандиз хъфидай ихтияр гун ва я тахьайтIа вич, яшамиш жезвай Темниковский уезддин лежберрин са тешкилатдихъ галкIурдай ихтияр гуналди, полицейскийрин гуьзчивиликай хкудун мад се­ферда тIалабна. Тамбовдин губернаторди и тIала­бу­нин...

ЯркIи дередин хуьрерин тарихда чпин тIварар мягькемдиз тунвай бажарагълу инсанар гзаф ава. Дагъустан гьахьтин инсанрин чад я лугьуз жеда. Къенин суьгьбет гьа ихьтинбурукай сад тир, кье­тIен хатI авай,  Сулейман-Стальский  райондин  Чуьхверхуьрел яшамиш жезвай, и мукьвара 80 йисан юбилей къейднавай  ­Ярметов  Гуьлметакай  я. Гуьлмет 1939-йисан январдиз Кьасумхуьруьн райондин Чуьхверхуьрел дидедиз хьана. Кьве стхани пуд вах авай...

Чаз чизвайвал, Дагъустан дуьньяда са гъвечIи чилел виридалайни гзаф халкьар дуланмиш жезвай ва гьакьван чIаларни авай республика я. Халкьдин виридалайни чIехи ирс чIал я. Гьар са халкьдиз вичин­ чIал хуьдай, ам вилик тухудай ва ишле­мишдай шартIарни туькIуьрнава. ЧIа­лан векил чIалахъ лап мукъаятвилелди гелкъвена кIанда, вучиз лагьай­тIа инсандин уьмуьрда виридалайни  еке мана-метлеб авай месэлайрикай сад чIаланди...

31-январдиз «Лезги газетдин» кьилин редактор Мегьамед Ибрагьимова Махачкъала шегьердин мектебра лезги чIалан тарсар гузвай са шумуд муаллимдихъ галаз гуьруьш кьиле тухвана. Абурун арада 40-нумрадин юкьван мектебдин муаллим Мариян Бугаева, 48-нумрадин мектебдин муаллим Шукуфат Хибиева ва 59-нумрадин мектебдин муаллим Оксана Чубанова авай. Гуьруьшдин сергьятра аваз иштиракчийри «Лезги газетдин» редакцияди гьар йисуз лезги чIалай тешкилзавай олимпиададиз талукь...

Вич ваз течиз, на сир вугуз, Игридакай дуст жедай туш. Кьуьчхуьр  САИД Авачирла вич пешедин гъавурда, Фидач уьмуьр гьич саданни кIубандиз. ЖАМИДИН КIеве гьатай чIавуз ичкидин дустар яргъал жеда. Абдулбари  МАГЬМУДОВ Намусдин михьивилелай хъсан девлет авач. Гьаким  КЪУРБАН Къудуранриз девран хьанва уьлкведа, Абур патал я кемен, я хак амач. Азиз   АЛЕМ АлакьдатIа, бахтунин къуш сифте яхъ, Эхирдай бахт...