И йикъара Сулейман-Стальский райондин Эминхуьруьн мектебда республикадин «Хайи чIалан лап хъсан муаллим-2019» конкурсдин муниципальный пай кьиле фена. Идакай «Лезги газетдиз» райадминистрациядин пресс-къуллугъди хабар гузва.
Конкурсдин «Методикадин семинар» ва «Тарс» паярин сергьятра аваз муаллимри чпин алакьунар, тежриба къалурна. Нетижада 1-чка Эминхуьруьн мектебдин муаллим Жамилия Жигеровади ва 2-чка Агъа СтIалрин мектебдин муаллим Мадина Ферзалиевади кьуна. Вини СтIалрин мектебдин муаллим Тамила Султанагьмедова 3-чкадал хьана.
Сад лагьай чка кьур Жамилия Жигеровади Махачкъалада кьиле фидай конкурсдин республикадин паюна иштиракда.
«Лезги газет»
