СФР-дин Дагъустанда авай отделенидин пресс-къуллугъдин малуматдалди, къенин юкъуз Дагъустанда кIвалахзавай 14 агъзурдалай виниз агьалийри йисни зур (1,5) тамам жедалди аялдихъ гелкъуьнай пособие къачузва. Йисан эвелдилай и рекьиз СФР-дин Дагъустанда авай отделениди 432 миллиондилай виниз пулдин такьатар серфнава. РикIел хкин, йисни зур тамам жедалди аялдихъ гелкъуьнай пул къачудай ихтияр неинки дидедиз, гьакIни бубадиз, аялдихъ гелкъвезвай багъридиз,...
Советрин Союздин агьалийрихъ яшамиш хьун, кIелун, кIвалахун патал са жуьрединни сергьятвилер авачир. Дагъвийри уьлкведин вири республикайра зегьмет чIугвазвай, пешеяр, чирвилер къачузвай. Лезги халкьдин векилар иллаки гзаф Азербайжанда, Къазахстанда, РСФСР-дин регионра, Узбекистанда, Украинада, Къиргъизистанда яшамиш жезвай. Зегьметдал рикI алай, къени, инсанвилин, ахлакьдин, марифатдин хъсан ерийралди тафаватлу ва алакьунар авай лезги рухваярни таватар виниз тир дережайривни агакьзавай....
Винидихъ тIвар кьунвай чешмедин делилрал асаслу яз, алай йисан алатнавай варцара Дагъустанда инвалид аялрихъ гелкъуьнин алава отпускдин йикъарай 23 миллиондилай виниз пул рекье тунва. Къейд авун лазим я хьи, алава отпускдин гьар са югъ кIвалахзавай касдин юкьван мажибдал асаслу яз гьисабна гузва. РикIел хкин, инвалид аялдихъ гелкъвезвай дидедиз ва я бубадиз, гьакIни опекундиз ва я...
Гьуьрметлу редакция! Виликан вахтара чи халкьарин эдебиятрин даях, буба хьиз хьайи Максим Горькийди чIехи Стlал Сулейманаз кхьей кагъаз веси хьтин «вун ви халкьди хуьрай, Сулейман!» гафаралди куьтягьнай. И делил рикIел хтайла, фикир авурла, эхиримжи вахтарал вил вегьейла, суалар арадал къвезва: чавай ам хуьз жезвани, лазим тирвал, бес кьадарда хуьз жезвани, гьамиша хуьз жезвани? ГьакI хуьз...
(Эвел — «Лезги газетдин» 2025-йисан 35, 37-40-нумрайра) 2-жуз: Имандикай 5—кьил: ТIуьн гун Исламдикай я. 12. Абдуллагь ибн Амр асгьабди (Аллагь рази хьурай чпелай) хабар гузва: дугъриданни, са итимди Аллагьдин расулдивай (Аллагьдин патай салават ва салам хьуй вичиз) жузуна: «Исламдин гьи крар виридалайни хъсан (хийирлу) я?» Ада лагьана (мана): «Ваз чизвай касдизни, тийижир касдизни тIуьн гун...
Россиядин Яшайишдин фондунин Дагъустанда авай отделенидин 14 агъзурни 376 муьштериди алатай йисуз пенсиядиз экъечIдалди кIватI хьанвай такьатар (пенсионное накопление) са сеферда гудай пул яз къачунва. А такьатрин кьадар юкьван гьисабдалди 45 агъзур манат я. Идакай чаз идарадин пресс-къуллугъди хабар гана. Такьатар и жуьреда вахчуз жезвайбурук пенсиядиз экъечIун патал кIватI хьанвай пулунин кьадар тIимил тир ва...
Гьуьрметлу мусурман стхаярни вахар! Чаз зурба дережа авай варз мукьва жезва: тахминан 18-майдиз 1-зуль-гьижжа (гьижрадин 12 лагьай варз) алукьзава. Зуль-гьижжа араб чIалал гьаждин сагьиб варз, яни виче гьаж кьиле физвай варз лагьай чIал я. Ам «къадагъа алай» кьуд вацракай (ражаб, зуль-къаъда, зуль-гьижжа, мугьаррам) сад я. И вацрахъ чIехи метлеб ва зурба дережа ава. Гьавиляй чакай гьар сад и дуьньядани,...
2026-йисуз Дагъустандин хуьрерин мектебра, «Хуьруьн муаллим» («Земский учитель») программадин сергьятра аваз, 30 муаллим кIвалахдин чкайралди таъминарун пландик кутунва. И кардиз итиж ийизвайбурулай гьеле гиламаз 100-далай гзаф арзаяр агакьнава, хабар гузва РД-дин образованидин ва илимдин министерстводи. Республикадин мулкунал программа 2019-йисалай кардик ква. И йисара Дагъустандин образованидин идарайриз 430 муаллим рекье туна. Инал къейдна кIанда хьи, республикадин...
9-Майдиз ЧIехи Гъалибвилин 81 йис тамам хьунин сувар, виринра хьиз, Мегьарамдхуьруьн райондани чIехи несилдин инсанрал кьил чIугуналди, абурун гуьгьуьл къачуналди, шад гьалара тебрик авуналди къейдна. ИкI, Гъепцегьрин хуьруьн кьил Алфигар Алиев ва хуьруьн депутатрин собранидин председатель Касмудин Меликов ина яшамиш жезвай зегьметдин ветеран, алай йисуз вичин уьмуьрдин 95 йисан юбилей къейднавай Шагьмирза Рамазанович Мирземетоваз...
6-майдилай аялрин «Орленок», «Костер», «Планета», «Здоровье», «Юность» лагерри 1-сменадиз талукь яз путевкайриз талукь арзаяр кьабулиз башламишнава. 7 йисалай 17 йисалди яшар хьанвай, Дагъустанда яшамиш жезвай ва ина мектебра чирвилер къачузвай аялар авай диде-бубайриз ихьтин путевкаяр къачудай мумкинвал ава. Арзаяр, яшамиш жезвай чкадилай аслу тушиз, МФЦ-дин гьар гьи идарада хьайитIани вугуз жеда. «ЛГ»
