Дагъларин уьлкведа ва Россияда хьиз, къецени машгьур спортсменрикай сад, тайский боксдай дуьньядин чемпион Жабар Аскеров и мукьвара Мегьарамдхуьруьн спортдин 2-нумрадин школада устадвал хкажзавай ва вердишвилер къачузвай жаванрихъ галаз гуьруьшмиш хьана. Машгьур тренер, спортдин мастер Садир Айвазова хабар гузвайвал, жаванар патал и югъ халис сувариз, мярекатни яргъалди рикIел аламукьдайдаз элкъвена. Хайи макандиз хтай чIавуз машгьур ватанэгьли...
Серенжемрикай РД-дин зегьметдин ва яшайишдин рекьяй вилик финин министрдин везифаяр вахтуналди тамамарзавайди тир М. Кихасурован гафаралди, ЧС-дин зонадик акатай муниципалитетрин УСЗН-ри алай вахтуналди (материал 14-майдиз чапнава) зиянар хьанвай 20 816 касдиз куьмекдин пулар ганва. Идакай РД-дин кабминдин телеграм-каналди раижзава. Къейдзавайвал, гьа гьисабдай яз 14 928-даз — са сеферда гузвай материальный куьмек яз, 5 878-дазни сифтегьан игьтияж авай эменни...
18-майдиз къейдзавай Дагъустандин шииратдин йикъан сергьятра аваз, СтIал Сулейманан районда аялрин бахчайра тербия къачузвай бицIекрин арада шиирар устадвилелди кIелунай конкурсни кьиле фена. ЧIехи шаирдин ва камалэгьлидин жавагьирри бицIекрин мецелай мадни эсерлудаказ ванзавай. Идалди абуру хайи чIал ва район вичин тIварцIихъ галай ватанэгьлидин ирс кIанивилин гегьенш сергьятар къалурзавайдал шак алач. Дугъриданни, шиирар вири аялри устадвилелди кIелна....
16-18-майдиз Каспийскда, Къ. Къурамегьамедован тIварунихъ галай физкультурадинни сагъламвал мягькемардай комплексда, джиу-джитсудай Дагъустандин Кубок патал акъажунар кьиле фена. Ана республикадин са жерге районрай ва шегьеррай тир спортсменри яшарин ва заланвилин са шумуд категориядай чпин устадвал къалурна. Абурун арадай яз, Ахцегь райондин «Многофункциональная СШ» МБДО-да тренер, дуьньядин чемпион Эйнар Экберован гъилик вердишвилер къачузвай жаванрин команда 2-чкадиз ва...
Садазни сир туш хьи, къенин аямда хайи чIаларин месэладиз йисалай-суз артух фикир гунин чарасузвал арадал къвезва. Хцидаз элкъвенвай и месэладивай, шад жедай кар я, мергьяматлувилин фондар, жумарт ватанэгьлияр, меценатар къерех жезвач. Ихьтин мисалрикай сад Дербентда лезги чIал чирзавай ученикрикни абурун муаллимрик гьар йисуз гьевес кутазвай РД-дин Халкьдин Собранидин депутат, машгьур меценат Имам Музамудинович Яралиева арадал...
Гьамзатов Къайибулах Рагьметуллагьович 1985-йисуз Кьурагь райондин Кумухърин хуьре дидедиз хьана. 9-класс акьалтIарай ам Белиж поселокдин аграрный лицейдик экечIна. 2003-йисуз Къайибулахаз Россиядин Армиядин жергейра къуллугъ ийиз эверна. Ада Камчаткадин областда авай гьуьлерин флотдин базаяр нафтIадалди, бензиндалди ва соляркадалди таъминарзавай частуна къуллугъна. Са рехнени квачиз кьве йисуз къуллугъай ам военный частунин командованидин разивилин чарчиз лайихлу хьана. КIвализ...
18-майдиз РД-дин Кьилин везифаяр вахтуналди тамамарзавай Фёдор Щукина РФ-дин Госдумадин сагъламвал хуьнин рекьяй кардик квай Комитетдин председателдин сад лагьай заместитель Бадма Башанкаевахъ галаз гуьруьш кьиле тухвана. Абуру республикадин агьалияр патал виридалайни важиблу месэлайрикай сад тир здравоохраненидин хел вилик тухун веревирдна. Ф.Щукинни Б.Башанкаев Дагъустандин медидарайра цIийи технологияр кардик кутунин, инфраструктура цIийи хъувунин, иллаки яргъа авай дагълух...
Дагъустандин Гьукуматди жуьреба-жуьре олимпиадайра, конкурсра кIвенкIвечи чкаяр кьур саки 500 школьникдиз пулдин пишкешар гуда. Идакай РД-дин Гьукуматдин телеграм-каналди хабар гузва. Чешмедин делилралди, пулдин пишкешар 2025-2026-кIелунин йисуз РФ-дин просвещенидин министерстводи тестикьарнавай сиягьда авай 1-дережадин олимпиадайра гъалиб хьайи ва кIвенкIвечи чкаяр кьур 9-11-классра кIелзавай аялриз гунин патахъай къарар кьабулнава. Къейд ийин хьи, ихьтин агалкьунар хьанвай аялар Дагъустанда...
Гьич са касни, гьич са затIни рикIелай фенвач Дяведин ва адалай гуьгъуьнин йисара уьлкведин «Красная Звезда» газетдин чинриз Ватандин ЧIехи дяведин вакъиайрикай, женгерикай, чи аскеррин игитвилерикай низ чида гьикьван макъалаяр акъатнатIа. «Абурун арада чи баркаллу ватанэгьли, Советрин Союздин Игит Гьасрет Алиевакай, Днепр патал женгинин тарихда гьатай адан дяведин са вакъиадиз талукь очеркни ава», – кхьенва ...
Са хийирни хьанвач Украинада къайда тунин патахъай гьеле меслятдал атанвач, вучиз лагьайтIа В. Зеленскийди мулкариз талукь месэлада вичин гафунал кIевивалзава. «РИА Новости» чешмеди раижзавайвал, ихьтин фикир Пентагондин генеральный инспекторди малумарна. Вини дережада кьиле тухвай рахунри ислягьвилин икьрар кутIунунин нетижадал гъанач. Къейдзавайвал, мулкарин месэладин патахъай гьуьжетар ва хатасузвилин жигьетдай заминвилер себеб яз, рахунар хийир авачирбур яз...
