“Образование” милли проектдин сергьятра аваз 19 школа эцигуни Дагъустанда  тарсар пуд сменада гунал эхир эцигдай мумкинвал яратмишда”, — малумарна Кеферпатан Кавказдин крарин рекьяй РФ-дин министр С.Чеботарева республика яшайишдинни экономикадин жигьетдай вилик тухунин месэлайрай кьиле фейи совещанидал.  Региондин гьукуматди раиж авур делилралди, чарасуз герек объектар 2021-йисалди эцигда. Идан гьакъиндай ТАСС-ди хабар гузва. “Образование” милли проект бажармишун...

20-мартдиз Дагъустан Республикадин ругуд лагьай сеферда хкянавай Халкьдин Собранидин 33-сессия хьана. Сессиядал РД-дин парламентдиз Чар гваз экъечIай Дагъустандин Кьил Владимир Васильева къейдна: «Россиядин Федерациядин Президент Владимир Владимирович Путинан Чарче раижнавай, гьакIни “майдин Указдалди” тайинарнавай везифаяр чун патал кар алайбур я. Государстводин политика инсан патал лап важиблу месэлаяр гьялунал: адан хатасузвал таъминарунал, ам кар-кеспидик кутунал, адан...

Ахцегь райондин эцигунрин управленидин начальник Мусабег Гьажиев, образованидин управленидин начальник Алмас Гьажиев ва са жерге маса жавабдар къуллугъчияр квай комиссияди Хуьруьгрин, Ахцегьрин 1 ва 2-нумрайрин мектебра медицинадин кабинетар кардик кутунин месэла чкайрал гьялна. «Лезги газетдиз» райадминистрациядин пресс-къуллугъди хабар гузвайвал, Ахцегь райондин кьил Осман Абдулкеримова образованидин идарайра лицензия авай медицинадин кабинетар арадал гъунин ва тадаракламишунин патахъай...

Икьрар къуватда жеда Туьркиядин президент Р.Эрдогана малумарайвал, уьлкведихъ Россиядивай зенитдин ракетайрин С-500 комплексар маса къачунин  икьрар чIурдай фикир авач. Идакай NTV чешмеди хабар гана. Туьркиядин регьбердин гафарай, эгер икьрар чIурайтIа, ам къайдасуз амал жеда, гьикI хьи, кьве те­рефдини адан куьлуь-шуьлуьярни кваз тестикьарнава, гьа жергедай — яз кредитдин месэлаярни. Савдадин икьрар куьтягьайдалай кьулухъ Туьркияди Россиядивай С-500...

Филиппинрин кьураматра, Майон вулкандин сергьятра, “ханга” тIвар алай аламатдин жуьредин­ тар экъечIзава. Адаз нафтIадин тарни лугьузва. Кьвед лагьай тIвар итижлуди я. Гьакъикъатда­ни­, ханга тарцин емишрихъай нафтIадин ни къведа. Идалайни гъейри, эгер цIай ягъайтIа, гьасятда ку­да. Чкадин агьалийри и тарцин емишрин чIем  наф­тIадин (керосиндин), кIвалер ишигълаван авун патал чирагъдин, шеминин ериндани ишлемишзава. Чкадин гьукумдиз ханга нафтIадикай...

Илимдин кукIушар муьтIуьгъарай жегьил Илимдин рекье агалкьунар къазанмишнавай ва мадни кьакьан кукIушар муьтIуьгъардай къастар авай жегьил алимар чи миллетдин векилрик тIимил квач. ИкI, къенин зи ихтилат алай вахтунда Люксембург шегьерда яшамиш жезвай чи ватанэгьли, вичихъ зурба чирвилерни алакьунар авай жегьил алим, физикадин илимрин доктор  Эдвин  Гьажибалаевич  Идрисовакай  я. Эдвин 1988-йисан 13-январдиз Мегьарамдхуьруьн райондин Азадогълийрин хуьре...

Дишегьлийриз гьайван (кал, хеб, верч ва икI мад) тукIвадай ихтияр авани? ТукIвадай ихтияр гьар са мусурман итимдиз ва я дишегьлидиз ава, гьатта жунуб (ферз тир гъусулдин яд иличун лазим тир) гьалда авай инсандизни. Имам аш-Шафинидин мазгьабдин алим Мугьаммад Амин аль Курдиди вичин “Танвир аль-Къулуб” ктабда кхьизва: “Гьайван тукIун патал виридалайни лайихлубур яз гьисабзава: акьуллудаказ фикир ...

—     Дамарра ивидин гьерекат хкаж хьанвайла, хуьрекдин 2 тIу­ру­на авай кьурурнавай чIулав цIирицI­рин тваррал са стакан кузвай яд илична, зайиф цIал эцигна, 10 де­кьи­кьада ругуна, са сятда тада. Ах­па йикъа 4 сеферда 1/4 стаканда авай­ди ишлемишда. —     Мадни, дамарра  ивидин гьерекат йигин хьанвайла, 100 г куьлуь авунвай кишмишрал са стакан яд илична, 10 декьикьада зайиф цIал...

Алатай асирдин 90 ва адалай гуьгъуьнин йисара уьлкведа кьиле фейи дегишвилери Россиядин, Дагъустандин хизанрин кьилелни еке бедбахтвилер гъана. Гьукуматдин девлетар тар-мар хьана. Заводар, фабрикаяр агална, колхозар-совхозар чкIана. Инсанар  бейкар хьана. Гзаф хизанривай экономикадин четинвилер, имтигьанар эхиз  хьанач, а йисара хейлинбур чкIана. Виридалайни гзаф четинвилер аялрални дишегьлийрал акьалтна. Къвердавай дарвиле,  кесибвиле гьатзавайбур патал яшайишдин рекьяй куьмек...

И йикъара Докъузпара райондин Мискискарин хуьруьн администрациядин кьил Р.Къенберован теклифдалди хуьруьн рекьерин къерехар зирзибилрикай михьунин серенжем кьиле тухвана. Гатфарин сад лагьай субботник и хуьре 9-мартдиз кьиле тухванай. А чIавуз хуьруьн сергьятар зирзибилрикай михьна. Кьвед лагьай сеферда и йикъара тухвай субботник хуьруьн юкьвай физвай республикадин дережадин рекьин къерехар михьунин макьсаддалди тешкилна. Хуьруьн кьил Рузмедин Къенберова малумарайвал,...