РД-дин Роспотребнадзордин делилралди, 28-июлдиз Дагъустанда коронавирус акатайбурун кьадар 9143-дав агакьнавай. Эхиримжи юкъуз коронавирус акатай 40 кас дуьздал акъудна. Гьа са вахтунда духтуррилай начагъ хьайи 8051 кас сагъар хъийиз алакьнава. Санлай къачурла, республикада 266180 кас ахтармишнава. 1543 кас, амайбурукай чара авуна (изоляция), кIвалера ава. Дагъустанда коронавирусдик 442 кас кьена. «Лезги газет»

28-июлдиз  Дагъустандин Кьил Владимир Васильев ва РФ-дин экономикадин жигьетдай вилик финин министрдин сад лагьай заместитель Михаил Бабич Каспийский флотилия Дагъустандиз ахкъудунин сергьятра аваз эцигзавай имаратриз килигна. Идалай гуьгъуьниз гьа и месэладиз ва РФ-дин Президентди кьабулай къарардихъ галаз алакъалу яз Каспийскдин яшайишдин ва коммунальный къурулушрин объектар авай гьал хъсанарунин рекьяй ала­ва яз вилик акъвазнавай везифайриз талукь...

Играми ватанэгьлияр! Мусурман стхаярни вахар! Шукур хьурай Аллагьдиз чаз мад сеферда Къурбанд сувар кьабулдай мумкинвал ганвай. 31-июлдиз мусурманрин жемиятди чIехи сувар къейдзава. Къурбанд суварихъ чун паталди еке метлеб ава. ИкI тирди цIудралди гьадисайрини тестикьарзава. Къуй гьар са мусурманди ийизвай къурбандар, дуьаяр, кьазвай садакьаяр Аллагьди кьабулрай! Дуьньяда – ислягьвал, рикIера – къенивал, кIвалера – берекат, мецел...

Уьлкведа 29-июндилай 20-июлдалди давам хьайи 2020-йисан ЕГЭ-яр вахкудай асул вахт кьилиз акъатнава. Мегьарамдхуьруьн районда государстводин сад тир имтигьан вахкунин гьерекатра райондин школаяр акьалтIарна­вай 150 выпускникди иштиракна. Ина имтигьанар вахкунин кIвалах алай йисуз  гегьенш майданра чкIанвай тIугъвалдикай аялар хуьн  патал Роспотребнадзордин  истемишунрал амал авуна тешкилнавай,  хабар гузва райондин информациядин агентстводи. Малум хьайивал,  аялрин хатасузвал таъминарун патал...

Къурбанд суварин вилик мергьяматлувилин “Инсан” фондуни “Гьар са кIвализ — як” серенжем кьиле тухуниз гьазурвилер аквазва. Идакай фондунин пресс-къуллугъди раижнава. Къейдзавайвал, фондунин учетда акъ­ваз­за­вай, игьтияж авай агьалийрин кьадар къвердавай гзаф жезва. Апрелдилай инихъ абурун кьадар кьве сеферда артух хьанва. Жуьреба-жуьре себебралди абур недай вири суьрсетрин жигьетдай четинвилерал ацалтнава. “Къурбанд авунилай гъейри, “Гьар са кIва­лиз —...

Каспийск шегьерда уьлкведин тарихда сифте яз Россиядин ВМФ-дин  йикъаз бахшнавай зурба парад кьиле фена. Ана региондин Кьил Владимир Васильевани иштиракна. Сифте нубатда республикадин регьбер 71-нумрадин военный городокдиз фена, идалай гуьгъуьниз ам Каспийский флотилиядин командующий Сергей Пинчукахъ галаз санал катерда аваз флотилиядин гимийрин параддин низамдихъ фена ва экипажриз сувар мубаракна. Мярекат РФ-дин Президент Владимир Путина ВМФ-дин...

РД-дин Конституциядин югъ къейдзавай 26-июлдиз Дагъустандин Кьил Владимир Васильева медицинадин къуллугъчийрив гьукуматдин шабагьар вахкунин шад мярекат кьиле тухвана. Идакай РД-дин Кьилин сайтди хабар гана. Мярекатда Дагъустандин парламентдин спикер Хизри Шихсаидова, РД-дин Гьукуматдин Председатель Артем Здунова, РД-дин Кьилин ва Гьукуматдин Администрациядин руководитель Владимир Иванова, вице-премьер Рамазан Жафарова иштиракна. Мярекатдин иштиракчийрихъ элкъвена рахадайла, Владимир Васильева и югъ...

ТIебиатдин парк Акурла тажуб жедай, килигуниз лайих авай чкаяр дуьньяда гзаф ава. Абур вири са гьихьтин ятIани кье­тIенвилералди тафаватлу жезва. Аргентинада авай тIебиатдин Исчигуаласто паркни аламатдин са чка я. Гьакъикъатдани, и еридин тIе­­биат маса планетадиндаз тешпигь я. Аргентинадин Сан-Хуан вилаятдик акатзавай Исчигуаласто уьлкведин тIебиат хуьнин къуллугъдин гуь­зчивилик ква. ТIебиатдин паркунин мулкариз Вацран дерени лугьузва. Талампая...

Дарманрин набататар Хамунин гзаф азарар сагъарунин карда  гъетрен цуьк  ишлемишиз жеда. Адаз лезги чIала мад са тIвар ава — матIан. (Урус чIалал — чистотел). Ам чи ерийра гзаф гьалтзавай, хъипи цуьквер жедай набатат я. МатIандин мижедик хъсан таъсир ийидай, гзаф азаррин аксина куьмек гудай такьатар ква. ГьакIни и набатат кутуна гьазурай цикайни хийир къачуз жезва....