28-августдиз Каспийскда какахьай жен­­герай кьиле фейи UFL-дин 4-турнирда ­вичин ери-бине Докъузпара райондин Усугъчай хуьряй тир  Алим  Саидовани  ишти­ракна.  Михаил Тарханован винел техникадин нокаутдалди гъалибвал къачун патал чи пагьливандиз 1 декьикьани 5 секунд вахт бес хьана. Чи мухбир

Мад са гъалибвал Россиядин лап къуватлу пагьливанрин арада азаддаказ кьуршахар кьунай Казанда кьиле фейи 2022-йисан спартакиадада­ чи са жерге ватанэгьлийрини иштиракна. Эхиримжи вахтара жуьреба-жуьре акъажунра вичин еке алакьунар къалурнавай  Шамиль  Мамедовакай  65 килограммдал кьван заланвал авайбурун арада гъалибчи хьана. Спартакиададин финалдин бягьсина адаз 4:1 гьисабдалди Гьажимурад Рашидов кумукьна. Токиода кьиле фейи олимпиадада кишпирдин медаль къазанмишай...

И йикъара чи машгьур спортсмен  Жабраил  Гьажи­ева  азаддаказ кьуршахар кьунай Болгариядин меркезда кьиле фейи дуьньядин 2022-йисан кIвен­кIвечивилин акъажунра “къизил” къазанмишна.  74 килограммдал кьван заланвилин дережадай Жабраила финалдин бягьсина японви Р.Камиядихъ галаз къуватар алцумна. Са четинвални авачиз, тежрибалувилелди Ж.Гьажиева японвидин винел 4:0 гьисабдалди михьи гъалибвал къачуна­. Ватанэгьлидихъ идалай кьулухъни анжах гъалибвилер хьурай! «Лезги газет»

Грекринни римлуйрин жуьреда кьуршахар кьунай Казанда кьиле физвай къуватлубурун спартакиадада алакьунар авай лезги пагьливан Анвар Аллагьярова къизилдин медаль къазанмишна. 60 килограммдал кьван заланвал авай спортсменрин арада 21 йисан яшда авай Анвара вичин къуватни алакьунар къалурна. Финалда ада Эмин Сефершаеван винел гъалибвал къачуна. Чи мухбир

Лезги халкьдин арадай машгьур спортсменар, къуватлу пагьливанар вилик девиррани акъатна, абур гилани ава. Мадни шадвал кутадай кар ам я хьи, вилик йисарин тIвар-ван авай, чIехи дережайриз хкаж хьайи спортсменрилай чешне къачуна, алай вахтунда гзаф жегьилри спортдин жуьреба-жуьре рекьерай чпин устадвал хкажзава, чемпионатрани турнирра агалкьунар къазанмишзава. Абурукай сад Санкт-Петербургда яшамиш жезвай жегьил дзюдоист  Амир  Алибегов  я....

Спортдал рикI алайбуруз малум тирвал, какахьай жуьредин текба-тек женгерин алем, цIийи-цIийи тешкилатар, лигаяр пайда хьуналди, йисалай-суз гегьенш ва машгьур жезва. Шад жедай кар ам я хьи, ММА-дин про­моушенрин арада “Леки” тIвар алай цIийи лига пайда хьанва. Ам арадал гъанвайди вичин ери-бине Хив райондин ЦIийи Фригъай тир, Москвада яшамиш жезвай спортсмен, тренер  Эльмар  Телманович Гьа­жиагьмедов  я....

13-августдиз Махачкъала шегьердин пляж­дин мулкарал “Здоровая нация” лишандик кваз Физкультурникдин йикъазни республикадин меркездин 165 йис тамам хьу­­низ­ талукьарнавай акъажунар кьиле фена.­­ Пакаман сятдин 8-дан зураз гатIунай мярекатдин иштиракчийрин арада республикадин гьукумдин ва жемиятдин векилар, машгьур спортсменар, спортдин ветеранар ва масабур авай. Фестивалдин сергьятра аваз акъажунар спортдин 9 жуьредай кьиле фена: волейбол, футбол, сирнавун, чене акъудун,...

14-августдиз Докъузпара райондин Къалажухрин хуьре, Физкультурникдин йи­къаз­ талукьарна, бал­кIанраллаз чукурунай акъажунар кьиле фена. “Лезги газетдиз” райондин администрациядин пресс-къуллугъди хабар гайивал, акъажунрин иштиракчияр балкIан­рал­лаз 2 километрдин мензилдиз катна кIан­завай. Санлай къачурла, турнирда зарбдиз катдай 17 балкIанди иштиракна. Нетижада кIвенкIвечи пуд чкани Къалажухрин хуьруьн агьалийрин балкIан­ри кьуна: 1-чка — Усман Шекиеван, 2-чка — Заур Къарибован ва 3-чка...

Мукьвара Ахцегь райондин Луткунрин хуьре мини-футболдай машгьур меценат Жигерхан Сулейманован савкьатар патал гьар йисуз тухузвай турнир кьиле фена. Акъажунрин нетижада 1-чка — КьакIарин, 2,3,4-чкаяр Луткунрин командайри кьуна. Гъалибчийриз грамотаярни пулдин пишкешар гана. * * * 13-14-августдиз Ахцегьа, Физкультурникдин йикъаз талукьарна, мини-футболдай райондин чемпионат кьиле фена. Тешкилатчийрин арада муниципалитетдин администрациядин спортдин, жегьилрин сиясатдин ва туризмдин рекьяй...

6-августдиз Кьурагьа вад лагьай сеферда “Кьурагьрин къугъунар” лишандик кваз спортдин са шумуд жуьредай республикадин дережада аваз акъажунар кьиле фена. “Лезги газетдиз” муниципалитетдин администрациядин пресс-къуллугъди хабар гайивал, турнирда Дагъустандин жуьреба-жуьре районрайни шегьеррай атанвай 270 спортсменди иштиракна. Абуру чIеме­рук­дай хьелер ахъаюнай, путар хкажунай, штанга хкажунай, ченеяр хкIурунай, армрестлингдай, залан затIар гваз 50 метрдиз катунай ва цIил ялунай...