14-августдиз Докъузпара райондин Къалажухрин хуьре, Физкультурникдин йикъаз талукьарна, балкIанраллаз чукурунай акъажунар кьиле фена. “Лезги газетдиз” райондин администрациядин пресс-къуллугъди хабар гайивал, акъажунрин иштиракчияр балкIанраллаз 2 километрдин мензилдиз катна кIанзавай.
Санлай къачурла, турнирда зарбдиз катдай 17 балкIанди иштиракна. Нетижада кIвенкIвечи пуд чкани Къалажухрин хуьруьн агьалийрин балкIанри кьуна: 1-чка — Усман Шекиеван, 2-чка — Заур Къарибован ва 3-чка Рамиз Бегбабаеван балкIанри.
Гъалибчийриз кубокар, грамотаяр ва пулдин пишкешар гана.
Агьмед Магьмудов
