Милана Муминовна Бухсаева  1985-йи­суз Курск шегьерда дидедиз хьана. Мектеб куьтягьай 2002-йисуз тербиячи — физкультурадин работник пешедай педколледждик экечI­на. 2005-2008-йисара къецепатан чIа­ларин факультетдани кIел­на. КIелу­нихъ галаз сад хьиз и йисара ада школа — интернатда тербиячи яз кIвалахни авуна. Кьилин­ образование къачун патал ам Курскдин госпедуниверситетдин дефектологиядин факультетдик экечIна. Гуьгъуьнлай ада са йисуз Курский областда аялрин бахчадин...

Муаллим. Мектебра аялриз чирвилер гузвайди, абурун насигьатчи, тербиячи, меслятчи — гъвечIи рикIерин чIехи сагьиб. Гьа ихьтин гуьрчег, амма четин пешедин иеси, Россиядин умуми образованидин гьуьрметлу работник, самбар гьуьрметдин грамотайрин сагьиб  Фируза  Мегьамедовна  Хидировади  ийиз­вай веревирдерихъ, адан руьгьдин чIехи­вилихъ галаз заз газет кIелзавайбур танишариз кIанзава. Фируза Хидирова 1957-йисуз Хив райондин Хиврин хуьре партиядин райкомдин къуллугъчи, фригъви...

Хуьруьн чкада аялрин искусстводин мектебар кардик кутазвайбур, хуьзвайбур, виликди тухузвайбур чилин нурар артухарзавайбур хьиз я заз. Гьа и ихьтин ксарикай садал чун и йи­­к­ъара гьалтна: Мегьарамдхуьруьн рай­ондин Тагьирхуьруьн-Къазмайрал кар­дик квай аялрин искусстводин школадин директордин заместитель, хейлин йисара вич и школадин кьиле хьайи педагог, музыкант, тешкилатчи Шихзада  (Низами)  Темирагъаевич  Мамедов. Ада Махачкъалада, ДГПУ-да, музыкадинни хореографиядин факультетда...

* * * Инсандин, лезги инсандин, ахлакь арадал атунин гьерекатда Етим Эминан таъсир гзаф я. Етим Эмин галачиз адан руьгьдин хазина кесиб я. Етим Эминаз эвез авач. * * * Етим Эминакай магьрум хьайи милли эдебият ракъиникай магьрум хьайи цав хьиз я. Ибрагьим Гьуьсейнов Етим Эминаз Аялзамаз етим хьайи, Арифдар яз къази хьайи, Вири элдиз...

Жалауддин   Загьидинович   Абдураза­кьов 1959-йисан 24-июлдиз Мегьарамдхуьруьн райондин Чахчарин хуьре дидедиз хьана. 1979-йисалай ам КПРФ-дин член я. Алай вах­тунда Покачи ше­гьер­да КПРФ-дин комитетдин сад лагьай­ секретарь я. Ж.Абдуразакьова 1992-йисуз Екатеринбург шегьерда политологдин ва яшайишдинни сиясатдин дисциплинайрин муаллимвилин пешедай Уралдин яшайишдинни сиясатдин институт, 1995-йисуз экономист-менеджер пешедай Уралдин го­сударстводин къуллугъдин академия куьтягьна. Покачи шегьерда кlвалахдин рекьяй алай вах­тунда...

ТуькIуьрайди — Куругъли Ферзалиев

ГъвечIи чIавалай далдам ягъунал машгъул Мягьедин Мур­тазалиева Ахцегь райондин музшколада муаллимвиле кIва­лахиз хейлин йисар я. Адан рагьметлу буба Агьмед халуни хъсан далдамчи тир. Школа куьтягьайдалай гуьгъуьниз ам вичин пак буржи тамамарун патал армиядин жергейриз фена. Аскервиляй хтай М.Муртазалиева Махачкъаладин кьуьлеринни манийрин ансамблда 5 йисуз концертмейстервиле кIвалахна. 1996-йисуз Каспийск шегьер­дин музыкадинни хореографиядин лицейда муаллимвална. Ватандиз хтай...

Квез и шикилдай аквазвайди  Алимирзоева  Алина я. Ада Къизляр шегьердин 6-нумрадин гимназиядин 4-класс ­гра­мота къачуналди куьтягьна. Адан муаллим Хатира Салмановнади лугьузвайвал, Алинади неинки  хъсандиз кIелзава, тапшурмишай гьар са кIвалах михьидаказ, намуслудаказ кьилиз акъудзава, ада гьакI гьар жуьредин кружокрани иштиракзава. Шиирар кIелунални рушан рикI гзаф ала. ЧIалахъ я, Алинади чIехи классрани вичин алакьунар къалурда. Зумрият Алимирзоева

ТIебиатдин патай верги ганвай, амма халкьдиз чпикай бес кьадар хабар авачир пешекарар гзаф ава. Ахьтинбурукай сад бажарагълу композитор, туькIвей хизандин кьил, лап хъсан пешекар муаллим  Мавлудин  Гьамзабегович  Хаиров  я. М.Гь.Хаиров 1956-йисан 14-августдиз Ахцегь райондин Хкемрин хуьре дидедиз хьана. 1972-йисуз хайи хуьре юкьван мектеб акьал­тIарайдалай кьулухъ гележегдин композитор Махачкъаладин Г.А. Гьасанован тIварунихъ галай музыкадин училищедиз гьахьна....

Пушкинан шииратдин югъ яз къейдзавай 6-июндиз Сулейман-Стальский райондин Уллугъетягърин хуьруьн ктабханада «Пушкин вири девирра эбеди я» лишандик кваз ктабрин выставка тешкилна. Мярекатда и хуьруьн мектебдин 6-классда кlелзавай аялри иштиракна. Выставкадал акъуднавай ктабри кlелчияр зурба шаирдин уьмуьрдинни яратмишунрин рекьихъ галаз танишарна. Кlелчийри иллаки А. Пушкинан уьмуьрдин бязи итижлу делилрикай ихтилатзавай гьикаядиз кьетlен дикъет гана. Аялри шаирдин...