Дагъустандин МВД-дин госавтоинспекцияди хабар гузвайвал, 28-апрелдилай 4-майдалди республикадин мулкара 33 ДТП арадал атана. Рекьерин къайдайрал амал тавуникди жезвай чIуру агьвалатрин нетижада 8 кас кьена ва 48 касдал (гьа жергедай яз 4 аялдал) жуьреба-жуьре хирер-кьацIар хьана. Талукь органри улакьар гьалзавайбуруз рекьерин гьерекатрин къайдайрал амал авуниз эвер гузватIани, къайдаяр чIурзавайбуруз талукь жермейрин кьадар артухарзаватIани, рекьерал гуьзчивал ийидай...
5-майдиз йикъан сятдин 2-далай кьулухъ Махачкъалада, Керимован тIварцIихъ галай куьчеда, малум тушир ксари полициядин къуллугъчийрал гьужумна. Нетижада къанун-къайда хуьзвай органрин векилрикай кьве кас (27 йис хьанвай Гъазибег Шагьбановни 26 йис хьанвай Ислам Арсланбегов) телеф хьана, кьве кас залан хирер алаз духтурханадив агакьарна. Идалай гъейри, жергедин пуд агьалидални хирер-кьацIар хьанва, абурув вахтунда медицинадин рекьяй куьмек агакьарна....
МВД-дин хроникадай 8-апрелдиз Гергебил райондин полициядин дежурный частуниз 65 йисан яшда авай чкадин агьали арза гваз атана. Адан гафаралди, алатай йисан апрелдиз Леваши райондин 59 йисан яшда авай агьалиди алцураруналди, 300 агъзур манатдин къиметдик квай «ВАЗ-210740» машин вичиз къачуна. Агьвалатдай кьил акъудун патал отделдиз хкай шак фенвайда ихтилат авурвал, ада машин гьакъи пуд вацран къене...
Дагъустандин полициядин къуллугъчийри и мукьвара къанунсузвилелди гужлуз таъсир ийидай шейэр санай масаниз тухузвайбурун вилик пад кьуна. Россиядин МВД-дин СКФО-да авай кьилин управленидин къуллугъчийри «Кочубей» ФКПП-дал (федеральный контрольно-пропускной пункт) пар тухудай автомобиль акъвазарна. Рулдихъ къецепатан уьлкведин 41 йисан яшда авай агьали галай. Пар тухудай автомобилдихъ галай прицепда авай са шумуд контейнер дуьздал акъатна, абурун къене таблеткаяр,...
«Ракьун манатрин гьафте!» Дагъустанда алай вахтунда «Ракьун манатрин гьафте» лишандик кваз Вирироссиядин серенжем кьиле физва. Ам 19-апрелдалди давам жеда. Идакай чаз Милли банкунин РД-да авай отделенидин пресс-къуллугъди хабар гана. «Дагъустанвийривай чпи кIватIнавай ракьун манатар чарчин пулариз элкъуьриз ва я банкунин счётдиз ягъиз (эцигиз) жеда. И серенжем пулсузди я. Алатай йисуз ихьтин серенжем кьве сеферда кьиле...
2025-йисан 17-мартдилай 23-мартдалди Дагъустандин мулкара 30 ДТП арадал атана. Идакай РД-дин МВД-дин Госавтоинспекцияди хабар гузва. Улакьар гьалзавайбуру рекьерин гьерекатрин къайдаяр чIурунин нетижада хьайи аварийрикди 6 кас кьена, 60 касдал, гьа жергедай яз 7 аялдални хирер хьана. Жермейрин кьадар артухарзаватIани, гуьзчивал тухузвай камераяр эцигзаватIани, инсанар кьиникьал гъизвай ДТП-яр давам жезва. Полициядин къуллугъчийри рекьера улакьар гьалзавайбуруз мукъаят...
20-мартдиз къайдаяр хуьдай органрин къуллугъчийри Дагъустандин мулкара синтетикадин наркотикдин саки 100 доза дуьздал акъудна, къанунди къадагъа авунвай наркотикар ишлемишунай шак физвай 6 кас кьуна. Дуьздал акъудай ва вахчур наркотикрик мефедрон, эфедрон ва абур арадал гъизвай маса затIар, гьакIни набататдин жуьредин наркотикар (марихуана, гашиш) квай. Къейдзавайвал, наркотикар Махачкъалада, Къаякентда ва БотIлих районда вахчуна. «ЛГ»
Махачкъала шегьерда 25-мартдин экуьнахъ, сятдин 9 жез 20 декьикьа амайла, Гъепцегьрин куьчеда гзаф мертебайрин кIвалера, газ себеб яз, хъиткьинун арадал атана. Са шумуд кас больницадиз аватна. Хейлин вахт алатайла, шегьердин Шамилан тIварунихъ галай куьчедани телефонар маса гузвай туьквен хъиткьинна. Кьуд касдиз хасаратвал гана. И агьвалатар хьайидалай гуьгъуьниз са акьван вахт алатнач, Гъепцегьрин куьчедиз Дагъустан Республикадин...
Хуьруьгрин тама цIай кьур мулкари саки 23 гектар тешкилна Ахцегь райондин Хуьруьгрин хуьруьн патав гвай мулкара там кузва. Идакай 15-мартдиз Россиядин МЧС-дин Дагъустанда авай управленидин пресс-къуллугъди хабар гана. Эхиримжи делилралди, 3-4 йикъан къене цIай кьунин нетижада Хуьруьгрин машгьур тамун, гьайиф хьи, саки 23 гектар (санлай къачурла, Хуьруьгрин там тахминан 800 гектардин майданра экIя хьанва), гьакI...
Жегьилди алцурарна Гумбет райондин полициядин дежурный частуниз чкадин 38 йисан яшда авай дишегьли арза гваз атана. Адан гафаралди, алатай йисан октябрдиз таниш тушир касди ам алцурарна ва 125 агъзурни 800 манат пул къакъудна. Идакай МВД-дин пресс-къуллугъди хабар гузва. Тади гьалда серенжем кьабулунин нетижада полициядин къуллугъчийри отделдиз Удмуртиядин 20 йисан яшда авай агьали хкана. Шак физвайда...
