ДатIана лугьузвай гафар я: угъривилин, лутувилин эхир сад я — жаза, дустагъ. Гьайиф хьи, бязи ксари и гафар рикIелай ракъурзава ва чпиз тахсиркарвилер гьалал жедайди хьиз ава. Каспийск шегьердин эменнидин алакъайрин управленидин виликан начальникди, вичин къуллугъдикай менфят къачуна, лутувилиз рехъ ачухна. 2021-2022-йисара ада Каспийск шегьердин агьали тир са дишегьлидивай чилин участок къакъудун кьетIна. А дишегьли...
Махачкъала шегьердин Гъепцегьрин куьчеда кьилел атай бедбахтвилин дуьшуьшдин гьалар арадай акъудунин месэладиз талукьарна, Дагъустандин Гьукуматдин Председатель Абдулмуслим Абдулмуслимова совещание кьиле тухвана. РикIел хкун лазим я хьи, алай йисан 25-мартдин экуьнахъ, сятдин 9 жез 20 декьикьа амайла, меркездин Гъепцегьрин куьчеда гзаф мертебайрин 14-нумрадин кIвалера, газ себеб яз, хъиткьинун арадал атана. Са шумуд кас больницадиз аватна. Бязибурал...
Россельхознадзордин Дагъустан Республикада авай управлениди къецепатан уьлквейрай чи региондиз гъайи гзаф кьадар майвайрикни емишрик азарар чукIурдай зиянкар гьашаратар квайди винел акъудна. Идакай «Лезги газетдиз» идарадин пресс-къуллугъди хабар гана. Къейдзавайвал, 1-июлдилай 28-июлдалди майваяр вахтуналди хуьдай «Виадук» складда Россельхознадзордин пешекарри Ирандай, Туьркиядай, Азербайжандай ва маса уьлквейрай гъанвай емишрин, салан майвайрин 4 агъзурдалай виниз партияр (санлай къачурла, абурун...
Иесидив ахгакьарна Махачкъаладин полициядин отделдиз 23 йисан яшда авай чкадин агьали арза ийиз атана: малум тушир касди адан 130 агъзур манат пул авай кисе чуьнуьхна. Адан гафаралди, кисе адавай Махачкъаладин са кинотеатрдин вилик аватна. Квахьнавайдакай хабар хьайила, ам жагъур хъувун геж хьанвай. Полициядин къуллугъчияр са шумуд юкъуз къекъвена, нетижада пул авай кисе 65 йисан яшда...
РД-дин Гьукуматди, МЧС-ди, Мегьарамдхуьруьн райондин администрацияди азар пайда хьанвай хуьрерин агьалияр хъвадай целди таъминарун патал вахтунда герек серенжемар кьабулна Мегьарамдхуьруьн райондин са жерге хуьрера ратарин азар (кишечная инфекция) пайда хьайидакай сифте соцсетри, ахпа республикадин ва федеральный СМИ-ри гьар жуьредин хабарар чукIурнай. Бязибур къурху кутадайбур тир. Гьакъикъатдани, Мегьарамдхуьр, Вини Тагьирхуьр, Чепелар, Гилияр, Къуюстан, Гъепцегь хуьрера ратарин...
2025-йисан 9-июндилай 15-июндалди Дагъустандин мулкара 39 ДТП арадал атана. Идакай РД-дин МВД-дин Госавтоинспекцияди хабар гузва. Улакьар гьалзавайбуру рекьерин гьерекатрин къайдаяр чIурунин нетижада хьайи аварийрикди 6 кас кьена, 60 касдал, гьа жергедай яз 12 аялдални хирер хьана. Полициядин къуллугъчийри рекьера улакьар гьалзавайбуруз къайдайрал амал авуниз эвер гузва. «ЛГ»
Чиркейдин цин гьамбарханада луьткведай инсанар аватунихъ галаз алакъалу агьвалат хьайидалай кьулухъ Дагъустандин гьукумдарри республикадин цин объектрал гуьзчивал тухунин ва абур ахтармишунин серенжемар мягькемарда. Идакай РД-дин Кьил Сергей Меликова вичин телеграм-каналда кхьена. «Гьалар гуьзчивилик кутунва. Чахъ авай вири малуматар, видео къайдаяр хуьдай органрив агакьарда. Жавабдарвиликай садни хкечIдач. Хъуьтуьлвал ийидач — гими гьалзавайдав, беледдив, луьткведа инсанар ацукьарзавай...
Леваши райондин 17 йисан яшда авай агьалидал ВАЗ-2112 маркадин машин чуьнуьхунай шак физва. И йикъара Агъа Агъачаул хуьруьн 28 йисан яшда авай агьалиди Къарабудахкент райондин полициядин дежурный частуниз вичин машин чуьнуьхнавайдакай хабар гана. Адан гафаралди, йифиз вичин кIвалин патав акъвазарай ВАЗ-2112 машин (300 агъзур манатдин къиметдик квай) экуьнахъ анал аламукьнач. Полициядин тади серенжемар кьабулдай къуллугъчийри...
Къалп нумра ва яракьар И мукьвара ГИБДД-дин ДПС-дин къуллугъчийри Махачкъаладин М. Гьажиеван куьчеда документар ахтармишун патал «Toyota Camry» машин акъвазарна. Нетижада 29 йисан яшда авай агьалиди гьалзавай машиндин нумра (государстводин регистрациядин лишан) тапанди тирди дуьздал акъатна. Улакь ахтармишайла, полицейскийриз анай «Glock» тапанчи, «TG2» автомат ва абуруз талукь патронар жагъана. Ибурулайни гъейри, машинда тIвар алачир 40...
19-майдилай 25-майдалди Дагъустанда 19 ДТП арадал атана. Идакай МВД-дин госавтоинспекцияди хабар гузва. ЧIуру агьвалатрин нетижада 5 кас кьена ва 18-дал жуьреба-жуьре хирер хьана. Хирер хьайибурук 5 аялни ква. Чна рекьера гьерекат ийизвай вирибуруз къайдайрал амал авуниз эвер гузва. «Лезги газет»
