Алай йисан 22-апрелдиз, нисинин сятдин 2-даз (14:00), Махачкъалада, тарихдин «Россия – моя история» паркуна, профессор Замир Закарияеван «Мусульманская эпиграфика Южного Дагестана. Том I. Надписи Ахтынского района» тIвар алай чIехи ктабдин презентация кьиле фида. Чна «Лезги газет» кIелзавайбурузни и мярекатдиз теклифзава. Куьнни ша, куь чирхчирриз, ярар-дустаризни теклифа. Лезгияр чIехи бубайрин тарихдин къадир авайбур тирди къалурин! «Лезги...
РД-дин транспортдин ва рекьерин майишатдин министерстводи хабар гузвайвал, 14-апрелдилай 22-апрелдалди республикадин кар алай участокра шегьеррин арада къекъвезвай поездрин расписанидик дегишвилер кутазва. Кеферпатан Кавказдин шегьеррин арада пассажирар санай масаниз тухунал машгъул компаниядин делилралди, дегишвилер «Махачкъала – Хасавюрт – Махачкъала», «Хасавюрт – Дербент – Хасавюрт», «Махачкъала – Дербент – Махачкъала» рекьерин участокриз талукь жеда. Алай вахтунда кардик...
Мегьарамдхуьруьн райондин Гилийрин хуьруьз агакьарзавай шегьре рекьин участокда ремонтдинни гуьнгуьна хтунин кIвалахар кьиле физва. Ина булдаказ къвайи марфарилай кьулухъ акьалтай цин гужлувиликди хуьруьн къеняй физвай рекьин участок чIур хьана. Рекьин и участокдилай элячӀун уьмуьр ва я сагъламвал патал хаталу я. Гилийрин хуьруьз элкъвена фидай маса рехъ ава, хабар гузва Мегьарамдхуьруьн райондин администрациядин информациядин къуллугъди. Саида...
И йикъара СтIал Сулейманан райондин Сардархуьруьн спорткомплексда школайра кIелзавай аялрин арада дзюдодай Дагъустандин кIвенкIвечивал патал акъажунар кьиле фена. Ана республикадин жуьреба-жуьре районрайни шегьеррай тир 100-далай виниз жаванри заланвилин 9 категориядай чпин устадвал къалурна. Райондин дзюдоистри 8, гьа гьисабдай яз, къизилдин – 3, гимишдин – 2 ва буьруьнждин 3 медаль къазанмишна. Акъажунар ачухуниз талукьарнавай шад мярекатдал...
10-апрелдиз «Лезги газетдин» редакцияда гьар йисан рамазандин вацра газет кIелзавайбурун арада Ислам диндиз талукьарна кьиле тухузвай конкурсдин гъалибчийрив шабагьар вахкана. Къейд ийин хьи, мярекат «Лезги газетдин» редакциядин куьмекдалди Алкьвадар Гьасанан тIварцIихъ галай медениятдинни марифатдин центради тешкилзава. ЦIи ам ирид лагьай сеферда кьиле фена. Мярекатда Алкьвадар Гьасанан тIварцIихъ галай центрадин регьбер, «Лезги газетдин» кьилин редактор Мегьамед...
Дагъустанда къати марфар къунин нетижада арадал атай гьалар гьеле пайгардик акат хъувунвач. Виридалайни пара зиянар хьанвай муниципалитетрин арада Махачкъала шегьер, Хасавюрт ва Дербент районар ава. ТIебиатдин завалдик 6 кас телеф хьана, 200-дав агакьна инсанар къутармишна. Къати марфарик чпин кIвалериз, хуьруьн майишатдиз, эменнидиз зиянар хьанвай дагъустанвийрин кьадар 10 агъзурдав агакьнава. И бедбахтвили неинки са чи республикадин,...
18-апрелдиз «Лезги газетдин» редакцияди, мергьяматлувилин «ЛЕКИ» фондуни ва ФЛНКА-ди СтIал Сулейманан райондин Эминхуьре лезги чIалайни эдебиятдай ирид лагьай сеферда чIехи олимпиада кьиле тухуда. Гьар йисуз тешкилзавай чирвилерин акъажунра, алатай йисара хьиз, цIини Кьиблепатан Дагъустандин мектебрин 10-классра кIелзавайбуру иштиракда (гьар са мектебдай – 1 аялди). Олимпиададин нетижаяр жюридин векилри гьа юкъуз кьада ва тафаватлу хьайи ученикризни...
14-апрелдиз Дагъустан Республикадин Кьил Сергей Меликов журналистрихъ, блогеррихъ ва жемиятдин векилрихъ галаз гуьруьшмиш хьана. Рахунрив эгечIнамазди, республикадин Кьили тIебиатдин бедбахтвили республикадиз гайи зиянар алудун патал гьукумдин органри кьабулзавай серенжемрикай лагьана. – Чна тешкилнавай гьукуматдин комиссиядин къалурунриз килигна, чи вилик эцигнавай везифаяр активнидаказ кьилиз акъудзава. Гьукуматдин комиссиядик гьукумдин вири органрин векилар ква. Къенин юкъуз чна тамамарна...
И йикъара интернетдай малум хьайивал, Кьурагь райондин Арабляр хуьряй тир, Сургутда яшамиш жезвай ва, икьрар кутIунна, пуд йисуз дяведин махсус серенжемда иштиракзавай Теймур Разахановаз алай йисан 14-февралдиз РФ-дин Президентдин Указдалди Жукован медаль ганва. И малумат адан хуьруьнви Абдула эцигнавай. Абдулавай кьегьалдин телефондин нумра къачуна, зун Теймурахъ галаз алакъадиз экъечIна. Разаханов Теймур Гьажимегьамедович 1990-йисуз дидедиз хьана....
14-апрелдиз РД-дин Гьукуматдин Председатель Абдулмуслим Абдулмуслимова республикада авай АЗС-рин (автозаправочные станции) регьберрихъ галаз гуьруьш кьиле тухвана. Мярекатда «Нова-Ойл», ПАО «Татнефть», «VNK», «ASKO», Нефтяник, Зодчий, Террера, «ULTRA» и «F-1» АЗС-рин, гьукумдин са жерге органрин векилри иштиракна. Гуьруьшдал веревирд авур асул месэлайрикай сад, тIебиатдин мишекъат шартIарихъ галаз алакъалу яз, Дагъустанда кьетIен гьаларин режим кардик кутунвай вахтунда кудай...
