Алатай 2018-йисуз зегьметда, яратмишунра, ийизвай къуллугъра кьетIен агалкьунар хьайи, чи государстводин ва гьакIни маса  рекьерай цIийи,  чIехи тIварар, наградаяр къачур вири рухвайризни  рушариз баркалла, аферин! Чнани абуруз Аяз Бубадин тIварунихъай цIийи тебрикар рекье твазва. Абур чна алфавитдин къайда хвена чапзава. Абдулаким Гьажимурадоваз, Сулейман-Стальский райондин дявединни зегьметдин, къанун-къайда хуьдай органрин ветеранрин Советдин председателдиз, РФ-дин ветеранрин  Союздин...

Мегьарамдхуьруьн райондин Приморск хуьре, вичин къуллугъдин везифаяр кьилиз акъуддайла кечмиш хьайи Махачкъаладин УВД-да кIвалахай милиционер, милициядин прапорщик Нажмудин Шагьпеленгов гьамишалугъ яз рикIера хуьнин кьул ачухунин ва куьче адан тIварунихъ ягъунин мярекат шад гьалара кьиле фена. Мярекатда РД-да МВД-дин хсуси составдихъ галаз кIвалахунин рекьяй тир управленидин начальник, къенепатан къуллугъдин полковник Сахават Сахаватова, «Мегьарамдхуьруьн район» МР-дин кьилин...

Мегьарамдхуьруьн райондин КьепIир-Къазмайрин хуьре и йикъара рекьер хъсанарунин кIвалахар кьилиз акъудзава. Идакай Инстаграм соцсетда кардик квай «magaramkentskii_rayon» чини хабар гузва. Кьилди къачуртIа, алай вахтунда хуьруьн мектебдин куьче къир цун патал герек тир къайдадиз гъизва. Чешмеди алава хъувурвал, райондин муькуь хуьрерани рекьер хъсан гьалдиз гъунин кIвалахар кьиле тухванва ва давамарзава. «Лезги газет»

Мектебра кIелзавай аялар  санай масаниз тухун патал Сулейман-Стальский райондин умуми образованидин са жерге идарайриз куьгьнебурун эвезда цIийи автобусар ганва. Автотранспортдин такьатар федеральный бюджетдин гьисабдай уьмуьрдиз куьчуьрмишзавай  программадин сергьятра аваз  къачунва, адан бинеда 10 йисалай артух вахтунда ишлемишнавай автотранспортдин такьатар цIийибуралди эвезун ава. Россиядин Федерациядин Гьукуматдин 2018-йисан 8-августдиз кьабулай къарардал асаслу яз, Россиядин вири регионра школайрин...

26-декабрдиз, ЦIийи йисан савкьат яз, Ахцегьа, Самур вацIун чапла пата гуьнедик райондин пожарный частунин (ПЧ-50) девирдин истемишунрив кьур дарамат ачухна, ишлемишиз вахкана. Суварин къайдадин шадвилин мярекатда райондин кьиле авайбуру,  идарайринни карханайрин ва школайрин коллективри, гьакI теклифнавай юлдашри иштиракна. Ахцегь райондин кьил Осман  Абдулкеримов, РД-дин МЧС-дин министр генерал Нариман Къазимагьамедов, адан заместителар, къунши районрин администрацийрин кьилер,...

РД-дин образованидин ва илимдин министерстводин пресс-къуллугъди хабар гузвайвал, милли “Образование” проектдин сергьятра аваз “Современная школа” проект уьмуьрдиз куьчуьрмишуни 2022-йисалди Дагъустандин мектебра 3 сменада кIелунин месэла гьялдай мумкинвал гуда. Къейд ийин хьи, республикади школьникар патал алай аямдин образованидин вири къулай шартIар тешкилунихъ элкъуьрнавай федеральный 10 проектдикай 8-да иштиракзава. Дагъустанда «Кванториум», «IT- куб», технопаркар, бажарагълу аялар майдандиз...

27-декабрдиз РД-дин Гьукуматдин Председатель Артем Здунован регьбервилик кваз Дагъустандин министррин кабинетдин заседание хьана. Идан гьакъиндай “Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гана. Сад лагьайди яз заседанидал РД-дин туризмдин ва халкьдин художественный сеняткарвилерин рекьяй министр Расул Ибрагьимова доклад авуна. Ада министерстводи тухвай кIвалахдин сифтегьан нетижаяр кьуна ва 2019-йисуз вилик акъвазнавай везифайрикай суьгьбетна. Р.Ибрагьимова...

Махачкъаладай Мичегьиз 4 сятдин (262 км) рехъ ава. Хуьр Ахцегьрин цIиргъина авай дагъларин  ГелмецIрин рагъэкъечIдай патан гуьнедик — Мукьмин вацI Кьулан вацIук (Ахцегь вацI) акахьзавай чкадал  экIя хьанва. Мичегьар гьуьлелай 1250 метрдин кьакьанда ава. Мичегьрин хуьре тарихдин надир памятникар, Кавказдин дяведин женгер кьиле фейи майдан  ава. Девлетлу культура, тарих, зияратар авайвиляй  хуьруьз неинки Россиядай, гьакI...

Мад давамарна Евросоюзди Россиядиз акси санкцияр мад ругуд вацран муддатда давамар хъувунва. Идакай Европейский Советдин сайтда малумарнава. Сергьят эцигнавай серенжемрин муддат 2019-йисан 31-январдиз куьтягь хьун лазим тир. Ихьтин къарар кьабулун Франциядин президент Э.Макрона ва Германиядин канцлер А.Меркела 13-декабрдиз кьиле фейи саммитдал Евросоветдиз гайи гьахъ-гьисабрихъ галаз алакъалу я. Абурун фикирдалди, Минскдин икьрар кьилиз акъудунин карда вилик...

Алай вахтунда 38 миллион квадратный метр кьван Чилин майданар тамари кьунва. Амма и рекъем къвердавай агъуз аватзава.   Дуьньяда виридалайни гзаф тамар авай уьлкве Финляндия я. Анин 70 процент тамари кьунва. Великобритания виридалайни тIимил тарар авай уьлкве я  (анжах 6 процент). Дуьньяда виридалайни кьакьан тар секвойя я. Чилел гьар йисуз тахминан 95-97 миллион кьван тарар тIимил...