Эпосдин игитвилерилай — гьакъикъи игитвилерал… “Шарвили” эпос халкьдин арада машгьур авунин асул метлебдикай рахуналди, адан суварин руьгьдин дибар арадал гъайи арифдар Агьед Гьажимурадович Агъаева “Шарвили” эпосдин игитвилерилай гьакъикъи игитвилерал элячIун герек тирдакай лагьанай. Эпосдин игитвал-халкьдин хиялра, умудра арадал гъанвай фикир-идея ятIа, гьакъикъи игитвал гьакъикъи краралди, уьмуьрда къачузвай камаралди, кьетIен агалкьунралди къалурун лазим я. Ихьтин крариз...

Ахцегьрин мугьманперес чили гъилевай йисуз 20-сеферда “Шарвили” эпосдин суварин гзаф кьадар мугьманар ва дустар къаршиламишна. Ам, гьа­къикъатдани, Дагъустандин халкьа­рин садвилин чIехи мярекатдиз элкъвенва. “Гьар йисуз лезгийрин игитвилин “Шарвили” эпосдин сувар кьиле тухун — им гележегдин несилриз веси я”, — ла­гьанай 2000-йисуз  эпосдин сифте сувар ачухдайла адан кьилин тамада Имам Яралиева. Гьа икI и сувари чи...

Алай йисан августдин сифте кьилера, бедендихъ гумрагьвал авачиртIани, Аллагь-Таалади заз Шалбуз дагъдиз хкаж жедай, Эренлардал кьил чIугвадай мумкинвал, къуватар гана. Агъзурралди инсанри зияратзавай и пак чкайрин къадимлувал, дагъларин къудратлувал, мягькемвал, суварин, чIура­рин гуьрчегвал акур зун гьейран яз амукьна­. Шалбуз дагъдиз экъечIдайла гьалтзавай гьар са жигъирди, къванерин арайрай экъечI­навай цуьквери, аламатдин рагари, къванери, гатузни живеди кьунвай...

И йикъара Кьурагь райондин кьил Замир Азизова РД-дин хуьруьн майишатдин ва недай суьрсетдин министр Абзагьир Гьуьсейновахъ галаз гуьруьш кьиле тухвана. Идакай «Лезги газетдиз» райондин администрациядин пресс-къуллугъди хабар гана. Чешмеди къейдзавайвал, гуьруьшдин вахтунда абуру хуьруьн майишатдин хилез талукь месэлаяр, гьа жергедай яз инвестицияр желбунин гьакъиндайни веревирдер авуна, абур гьялдай рекьер жагъурна. Кьурагь районда санлай хуьруьн майишат...

Ахцегьар — дагълара авай шегьер Ахцегьвийри чпин ватан гьахълудаказ шегьер яз гьисабзава.  Тарихдин гзаф чешмейра “Ахцегь шегьер” кхьенва. Хуьруьн куьгьне паюна  гилани къадим зама­найрин хвалар ва канализация ама. Больницадиз гьахьзавай чкадал и мукьва вахтаралди “Ахцегьрин шегьердин больница” лагьай кхьинар аламай. Им, гьелбетда, 2-3 мертебадин кIвалер, яргъи­ куьчеяр, магьлеяр, музыкадин, художественный, умуми образованидин, искусствойрин школаяр, библиотекаяр,...

Сулейман-Стальский районда, производстводин амай хилер хьиз,  уьзуьмчивални вилик физва. Эхиримжи йисара и хилени инвестициядин проектар кардик кутуна, ида гьам уьзуьмлухрин майданар, гьам кIватI хъийизвай ципицIрин кьадар артухардай мумкинвал гана. Алай вахтунда райондин хуьруьн майишатдин карханайрихъ, лежбервилинни фермервилин майишатрихъ ва арендаторрихъ 1683 гектар уьзуьмлухар ава. Эхиримжи 5 йисан къене районда 740 гектарда цIийи уьзуьмлухар кутуна. И...

Омар Гьуьсейнован — 80 йис Омар  Межидович  Гьуьсейнов  заз чиз гзаф йисар я. Адан къул алай гзаф за­тIарни зи гъилелай “Лезги газетдин” чинриз фена. Алим-философ, публицист, гьикаятчи, шаир, муаллим, чIехи хизандин кьил, дустарал рикI алай дуст… Ибурал алава жезва: ДГУ-дин профессор, РД-дин илимдин лайихлу деятель, РФ-дин кьилин школадин лайихлу работник, информатизациядин рекьяй Международный Академиядин академик,...

И йикъара чав чIулав хабар агакьна. Дагъустан Республикадин лайихлу муаллим, РСФСР-дин школайрин муаллим-методист, Ватандин ЧIехи дяведин ва зегьметдин ветеран Межид Рамазанович Газалиев чавай гьамишалугъ яз къакъатна. М.Р. Газалиев 1932-йисуз Ахцегь райондин Хуьруьгрин хуьре колхозчидин хизанда дидедиз хьана. Хуьруьгрин хуьруьн 7 йисан, Ахцегьрин юкьван мектебра кIелна. В.И.Ленинан тIва­рунихъ галай Даггосуниверситетдин физикадинни математикадин факультет акьалтIарна. 1952-йисалай муаллим,...

31-августдиз Кьурагь райондин ветеринариядин къуллугъчийри чпин пешекарвилин сувар — ветеринариядин къуллугъчидин югъ шад гьалара къейдна.Суварин йикъаз талукьарнавай собрание ветеринариядин управленидин дараматда кьиле фена. Коллективдин вилик тебрикдин келимаяр райондин ветуправленидин начальник  Надир  Асланов  рахана. “Гьуьрметлу ветеринариядин къуллугъдин къуллугъчияр! За квез рикIин сидкьидай куь пешекарвилин сувар — ветеринариядин къуллугъчидин югъ мубаракзава. Куьне куь гьар йикъан зегьметдалди, гьайванрин...

Махачкъалада,  Сепараторный посёлокда авай 42-нумрадин юкьван школадани Чирвилерин югъ гзаф кьадар аялрин, диде-бубайрин ва мугьманрин, гьа гьисабдай яз меркездин администрациядин векилрин иштираквални аваз шад гьалара кьиле фе­на. Гаф школадин цIийи директор Ти­мур Саркароваз гана. Сувар му­барак авурдалай гуьгъуьниз ада муаллимри аялрал чIугвазвай зегьметдикай, школа вири патарихъай цIийи кIелунин йисаз гьазур тирдакай­ лагьа­на. Сифте яз школадиз...