Балакеримов  Шамил 1916-йисуз Хив районди Кашанхуьре агьваллу лежбердин хизанда дидедиз хьана. Гитлеран фашистри чи Ватандал вегьей сифте йикъара, 1941-йисан июлдиз, ам дяведиз­ фена. Савадлу аскер-муаллим военный училищедиз рекье туна. Ина чирвилер къачур жегьил атлуйрин 6-дивизиядин экспедициядин начальник яз, душмандихъ галаз къати женгера хьана. Гуьгъуьнлай адакай лишанчийрин 647-полкуна ротадин командир хьана. Ада чи Ватан, Европадин хейлин...

Яраб инсансузвилин бинеда вуч аватIа? Къайгъусузвал, ахмакьвал, инсафсузвал? Чарадан дерт кьатIудай  рикI тахьун? Виридалайни жув кIан хьун? Дуьнья барбатI хьайитIани, зун сагъ амукьда лугьуз яшамиш хьун? Алай макъамда коронавирус себеб яз дуьньяда арадал атанвай мусибатдин гьаларикай фикирдайла, винидихъ гъанвай суаларни жува-жуваз гузва. Фикирдиз гьакI Александр Пушкинан “ТIегъуьндин вахтунда кефлу межлис”  трагедия къвезва. Ам яратмишунихъ вичин...

РД-дин зегьметдин ва яшайишдин жигьетдай вилик финин министерстводи  “Мобильные кадры России” общественный гьерекатдихъ галаз санал и йикъара республика­дин агьалийриз рекьер туькIуьрунин кIва­лах­­ра­ куьмекдай мумкинвал гуда. Идакай “Лез­ги газетдиз” винидихъ тIвар кьунвай министерстводин пресс-къуллугъди хабар гана. Алатай жуьмя юкъуз, 3-апрелдиз, РД-дин зегьметдин ва яшайишдин жигьетдай вилик финин министр Изумруд Муьгьуьтдиновадини винидихъ тIвар кьунвай общественный гьерекатдин председатель...

И йикъара Ахцегь районда Дагъустан Республикадин лайихлу муаллим Магьмуд Абдулкеримован тIварунихъ галай фон­дунин патай агьалийриз садакай масадак акатдай азаррикай хуьдай шейэр пайна. Идакай “Лезги газетдиз” Ахцегь райондин администрациядин пресс-къуллугъдай хабар гана. Малум хьайивал, мергьяматлувилин серенжемдин сергьятра аваз фондуни райондин хуьрера ва центрада карантиндин вахтунда кIвалахзавай коллективриз санлай къа­чурла, 5000 маска, 40 пачка  бегьлеяр ва 300...

Гьакъикъи лежбер Кьасумаз ирид велед авай — 4 хвани 3 руш. Пачагьдин девирда, чилер, мулкар, зурба хсусият, гьукумдин идараярни ханарин, беглерин, чиновникрин ихтиярда авайла, чIехи хизан хуьн регьят кар тушир. Кьасума и муракаб везифа кьилиз акъудуниз вичин вири вахтар, мумкинвилер, зегьметар пучзавай. Дагъларив, Куьре округдивни инкъилабдин гьуьрс агакьайла, гзаф кесибри, лежберри хьиз, Кьасумани шадвалнай. Веледрин...

Эхь, 1991-йисалай инихъ чун, гила лугьуз­вай­вал, “инсандин чин алай” демократияда, “социаль­ный” государствода яшамиш жезва.  “Социальный” гафуник государстводин вири къайгъударвилер инсанар, иллаки зайиф­бур, ажузбур, аяларни яшлубур хуьнихъ элкъуьрнавайвилин мана ква. Им чи Конституциядани къейднава. Амма зун ва зун хьтин миллионралди маса аялар дяведин ва адалай гуьгъуьнин йисара “Советрин” тIвар алай уьлкведа хайибур, гьана чIехи хьайибур, чирвилер,...

И йикъара чи арадай азаддиз кьуршахар кьунай СССР-дин спортдин мастер,  ДГТУ-дин профессор Сулейман Абдура­гьимович Эфендиев акъатна.С.А.Эфендиев Махачкъалада дидедиз хьана. Гуьгъуьнлай хизан бубайрин Ватандиз — Ахце­гьиз куьч хъхьана. 14 йисан яшда авайла,  кIелунар дагъвийрин интернатда давамарун патал ам Каспийскдиз атана. 1953-йисуз ам ДГУ-дин (гьа чIавуз — ДГПИ) къецепатан чIа­ла­рин факультетдик экечIна. Университет акьалтIарайдалай кьулухъ ам Каспийск...

Четин вахтунда сада-садаз куьмекдин гъил яргъи авун инсандин рикIинни  гъилин ачухвал къалурунин лишан я.  Къенин четин йикъарани ахьтин кьегьал рухваярни рушар майдандиз экъечIунал чун гзаф шад я.  Чпин рикIин эмирдалди абуру тIем акакьдай крар кьилиз акъудзава, къенивилериз шегьре рехъ ачухзава. ИкI, и йикъара Сулейман-Стальский райондин Собранидин депутат, карчи Максим Аскерова вичин хсуси карханада жунадикай гзаф...

XX асирда советрин халкьарин кьилел атай ви­ридалайни чIехи мусибат 1941-1945-йи­сарин Ва­­тандин ЧIе­хи дяве хьана. Дяведин йисара вири миллетрихъ галаз санал лезги халкьдин рухвайрини рушари игитвилин чешнеяр къалурна. Гзаф зурба, къизгъин ягъунар Киев шегьер патал кьиле фена. Гьа и ягъунра зи рагьметлу апай  Османов  Тарикъули Османовичани  иштиракна. 1940-йисуз адаз СССР-дин яракьлу кьушунрин жергейриз эвер гана. Гьа...

Гьуьрметлу дустар! Ватанэгьлияр! Мукьва-кьилияр, амадагар, юлдашар, куьрелди, дуьньядин кьуд пата авай жуванбур! Алай вахтунда дуьньядин халкьарик коронавирус лугьудай зегьримарди зурба къурху кутунва. Къурху акатайла инсандин рикI зайиф жезва, адан ийир-тийир квахьзава, уьмуьрдин  шадвал пашманвилиз элкъвезва, яшайишда  авачир четинвилер авайди хьиз аквазва. Квез малум тирвал, Дагъустандин халкьарин арада лезги халкь вичиз еке чирвилер, зигьинар авай, арифдар...