Кьуьчхуьрви Латифов Агьмадан руш Заради лап жегьил чIавалай комсомолди, партияди, гьукуматди вичел тапшурмишай жавабдар къуллугъар лайихлувилелди, бегьерлувилелди, жемятдин, халкьдин итижар вилик кутаз, къени крарин вилик жергейра жез тамамарна ва гьа идалди вири республикада, адалай къецени гьуьрмет къазанмишна. Зара Агьмадовнадин чирвилер, алакьунар, башчивилин, регьбервилин бажарагъ, зегьметчи инсанрив къайгъударвилелди эгечIунин ери кьуру чкадал арадал атанач. Ада тежрибани,...

РД-дин Гьукуматдин Председатель Абдулмуслим Абдулмуслимов 23-августдиз Россиядин ва ЛНР-дин Игит, генерал-майор Эседулла Абачевахъ галаз гуьруьшмиш хьана. Идакай “Лезги газетдиз” РД-дин Гьукуматдин пресс-къуллугъди хабар гана.  Э.Абачеван ери-бине Хив райондин Зильдикь хуьряй я. Луганскдин халкьдин республика азад авунин карда викIегьвилелди иштиракунай РФ-дин Президент Владимир Путина алай йисан июлдиз Э.Абачеваз Россиядин Игитдин тIвар гунин къарардал къул чIугуна.

Мегьарамдхуьруьн райондин ад­ми­нистрациядин кьил Фарид Агьмедов Украинада кьиле тухузвай махсус серенжемда иштиракзавай ватанэгьлийрихъ галаз гуьруьшмиш хьана. Донбассдин агьалияр миллетбазрикай хуьзвай, халкьдин республикайрин мулкар фашистрикай азадзавай Рос­сия­дин армиядин къуллугъчийриз  — Та­­жи­бов Альбертаз (Бут-Къазмаяр) ва Муслимов Акифаз (Мегьа­рамдхуьр) райондин кьили гьуьрметдин грамотаяр гана. — Чи кьегьалри махсус серенжемда игитвал, жуьрэтлувал къалурзава. Чун, чи аялар ислягь цавун кIаник...

Алатай асиррин тарихдини, къенин девирдин уьмуьрдини тестикьарзава: уьлкведи, халкьди пакдиз гьуьрметзавай, дамахзавай, чешне къалурзавай адетар, къайдаяр, чешмеяр, яржар вири вахтара хьана. Го­сударстводихъни вичин къудратлувал, аслу туширвал, кьилдинвал, кье­тIен­­вал къа­лурзавай яржар ава. Абурукай сад Госу­дарстводин пайдах я. Россиядин Федерациядин Президентдин Указдин бинедаллаз 22-август РФ-дин Государстводин пайдахдин югъ яз къейдзава.  Уьлкведин гележег, халкьдин аслу туширвал, азадвал, къудратлувал,...

Дагъустанда 2022-йисуз кIелунра агалкьунар къазанмишай 30 школьникдиз гьардаз 100 агъзур манат пул гана. Идакай саласадиз кьиле фейи республикадин образованидин работникрин августдин совещанидал РД-дин Гьукуматдин Председатель Абдулмуслим Абдулмуслимова ихтилатна­. Премьер-министрди къейд авурвал, аялрик кIелунин, ерилу чирвилер къачунин карда ашкъи кутадай шартIар тешкилун чарасуз я. “Алатай йисалай­ эгечIна, Вирироссиядин олимпиадайра гъалиб хьайибурузни  хъсан чкаяр­ кьур­буруз, абурун насигьатчийриз,...

РФ-дин Коммунистрин пар­тиядин Да­гъустандин региондин отде­лени­дин рескомдин сад лагьай секретарь, РД-дин Халкьдин Собранидин депутат Са­мир­ Абдулхаликьова, Кеферпатан Кавказдин Федеральный округда авай КПРФ-дин ЦК-дин векилри ва РД-дин Халкьдин Соб­ра­нидин­ депутатри, гьакI маса коммунист­рини Донбассдин аслу тушир рес­публикайриз ва миллетбазрикай азаднавай ­хуьрерин, шегьеррин агьалийриз куьмекдин гъил яргъи авуна. ИкI, Россиядин ком­мунист­рин патай недай-хъвадай шейэр авай автомашинар Донецкдин...

Москвада 83 йисан яшда аваз лезгийрин машгьур писатель Зияудин Эфендиеван руш Рена Эфендиева рагьметдиз фена. Р.З.Эфендиева 1938-йисан 28-октябрдиз Махачкъалада дидедиз хьана. Адан аял вахтар бу­бадин хайи хуьре — Цмурдал акъат­на. Рена Эфендиева Дагъустандин музыкадин культурадин бине кутур Готфрид Гьасанован сухтайрикай тир. ДАССР-дин халкьдин артистка, ДАССР-дин лайихлу артистка Р.Эфендиева Москвада яша­миш жезвай ва Шниткедин тIва­рунихъ галай...

Тогодикай итижлу делилар —           Того РагъакIидай патан Африкада авай гъвечIи ва кесиб уьлкве я. Адан умуми майдан 56785 квадратный метрдикай ибарат я. —           Жуьреба-жуьре девирра алай аямдин Тогодин мулкар Португалиядин, Германиядин, Великобританиядин ва Франциядин гуьзчивилик квай. —           1960-йисуз Тогодихъ Франциядилай аслу туширвилин дережа хьана. —           Дуьньядин лап чIехи базаррикай сад Тогодин меркез тир Ломе  шегьерда...

Хельсинки шегьердин гьукумдарри и йикъара “Вири дуьньяда ислягьвал” тIвар алай, СССР-ди Финляндиядиз 1990-йисуз савкьат авур памятник, алай чкадилай алудна, са гьиниз ятIани тухвана. Бязи чешмейрин делилралди, монумент вахтуналди шегьердин художест­венный музейдиз акъуднава ва гуьгъуьнлай адан кьисмет гьялда. Къанни цIикьвед йисуз виже атай савкьат гила герек амачирди яз гьисабнава. Маса гафаралди лагьайтIа, вагьшивилиз ухшар гьерекатдалди гьукумдарри...

Юзан тийидай эменнидихъ галаз алакъалу вири икьрарар МФЦ-дин пешекарри къулай шартIара тадиз, ихтибарлудаказ ва жавабдардаказ  кьилиз акъудзава. КIвалер, чилер маса къачун ва я гун патал чарар-цIарар туькIуьриз кIанзавай агьалияр «Зи Документар» центрайри гьар юкъуз вишералди кьабулзава. И месэлайрай талукь тир меслятарни пулсуздаказ къачудай мумкинвал ава.  1-классдиз физвай аялриз Гзаф аялар авай, эменни тIимил тир хизанриз...