Мегьарамдхуьруьн райондин администрациядин кьил Фарид Агьмедов Украинада кьиле тухузвай махсус серенжемда иштиракзавай ватанэгьлийрихъ галаз гуьруьшмиш хьана.
Донбассдин агьалияр миллетбазрикай хуьзвай, халкьдин республикайрин мулкар фашистрикай азадзавай Россиядин армиядин къуллугъчийриз — Тажибов Альбертаз (Бут-Къазмаяр) ва Муслимов Акифаз (Мегьарамдхуьр) райондин кьили гьуьрметдин грамотаяр гана.
— Чи кьегьалри махсус серенжемда игитвал, жуьрэтлувал къалурзава. Чун, чи аялар ислягь цавун кIаник яшамиш хьун, чи уьлкведин хатасузвал хуьн патал фашистрихъ галаз женг чIугвазва. Куьн чи игитар я ва чна квел дамахзава. Чи патай квев гьамиша герек куьмек агакьда. Сагърай куьн! — лагьана Фарид Агьмедова.
Чи мухбир
